5000بيت قصيد متحدث يوميا ً بالجديد والنوادر

[شباب]

يامرحبا من فسر عارف

لاشك في كل المعارف

تمركزوا بكل ّ الاماكن

اكارم القوم الاشارف



نُكرمك من كل المصارف

خلك عن النكبات طارف

وانا معاي ومعْك ساكٍن

ونطّش الاهداف الطوارف

 

[شباب]

يامرحبا وعلومنا معروفة

اما اللي من تحت اللحف ملفوفة

الله يعلم عنها يا اصحابي


مالي ومال العالم الملقوفة

اليا لعبها كلها مكشوفة

واحلف بربي ماتقرّب بابي

 

[شباب]

مرّت ايام ماانسى هاني الجمجوم

عقب مامر به تقدير في ذاته

مرحبا وانت صقر ٍ كم يجيد الحوم

ماحسبنا معك وش كثر صيداته



قدر الله من هو راح عقب العوم

مير لي جيش يقدر له وسطواته

انتظر للمواقف واحسب المعلوم

لاتطيّر فؤاد اللي له سكاته


انثبر في مكانك والهموم هموم

وانت شيخ ٍ ولا تاتيه طرداته

نحتفي بك ونصدر حولها مرسوم

مير مستور نقدر له وصداته

 

[شباب]

الليلة المعنى تعلى ليا فوق

مافات شي وكل مطرود ملحوق

وانت تريد تذوق ياراعي الذوق

يالله على بابك يافتاح الابواب

وانت فمحلك حافظ ٍ وش يجيلك

مادام تعرف دردنيلك ونيلك

عساك والله مدرك ٍ وش حصيلك

يالله على بابك يافتاح الابواب

والله يبى يقدّم عليكم عريضة

ماطاح سعره والمواقف عريضة

لكن بالله انتبه للفريضة

يالله على بابك يافتاح الابواب

واللي يغيب ولا يجي في مكاني

ماهو عضيلة لا ولا هو سناني

الله يسترهم فتال الزماني

يالله على بابك يافتاح الابواب

 

[شباب]

وقت الخطر ماحسبتك شي

ياللي كلامك على الفاضي

منته بميت ولانته بحي

ياكود يحكم بك القاضي

 

[شباب]

نزف الخفوق اللي من البارح يون ونسمعه

الظاهر انه مل من دنياه واقفى نورها

وانا برمحي والسيوف ومانبى مُستقطعه

وارفع يابوية مستواك انت نزلت حدورها

مالي ومال اللي مع الغالين دوم مرّفعة

والصين يابن القوم والله ماوصلت لسورها

انت على حد الملاوي والبيوت مشرّعة

لكن محمد كاسب الطولة رغم دنقورها

وان كان حصّلت المواتر في طريقك مُسرعة

اتوكّل انته بالله ومثلك تلاقي دورها

 

[شباب]

سلام من قاف ً كسبته

وفي ملّفاتي كتبته

ارجع وتلقى الوسم لكن

اللي سواتك ماحسبته


العلم الاعوج مارغبته

والحلم والله مانهبته

ماجيت ابى كثر الاماكن

ابى اللي مثلك لاغلبته

 

[شباب]

يامرحبا ترحيب صابر

ترحيبة ً لك يالمثابر

لكن خل الصوت عالي

لاجيت تصدح فالمنابر





منت على العربان سابر

ترجع سوات الجد جابر

قبرك يجيه الجو حالي

لكنك انته ويش قابر

 

[شباب]

الله ليا اعطى الغشيم المال مالك صلاح

ماهو بمعطي عطانا والله اللي قسم

بالله ياللي تعابط في طريق النجاح

قد جالك السيف يوم انه حسم قد حسم

 

[شباب]

واحد من الشعار مايقدر على ضرب القزاز

خايف على نفسه وبعض الناس مايدري بها

 

[شباب]

سلام من سيف الحمايا

ان كان رحتم للزوايا

وقريش تبقى في فؤادي

ان كان وثقنا المطايا


واللي يباها بالخطايا

والله مايفرح معايا

انت وانا كلا ً في وادي

لكن مانبغى الظمايا

 

[انصاف قلم]

أقف هنا لك إحتراماً وتقديراً على هذاـآلذوق والإبداع
كلمـــآت جميلة منسوجه ومتذوقهـ بصفوة نفسك
يشرفني أن أكون ممن زرعـأحرفهـ هاهنا أمام ذآئقتك
فأنثرها ـإعجـــآباَ وتقديراَ لما إختاره قلمك
فسلمت وسلم بنانك ..

[BIMG]http://im9.gulfup.com/2012-01-20/1327078185171.gif[/BIMG]

 

[شباب]

أقف هنا لك إحتراماً وتقديراً على هذاـآلذوق والإبداع
كلمـــآت جميلة منسوجه ومتذوقهـ بصفوة نفسك
يشرفني أن أكون ممن زرعـأحرفهـ هاهنا أمام ذآئقتك
فأنثرها ـإعجـــآباَ وتقديراَ لما إختاره قلمك
فسلمت وسلم بنانك ..

[bimg]http://im9.gulfup.com/2012-01-20/1327078185171.gif[/bimg]

المشرفة انصاف قلم


الله يحييك ويسلمك يالذوق

 

[شباب]

سلام من سيف ً سياحي

يلحق ورا جبهة مناحي

واللي بلا مذهب وملة

تقفي به هبّان الرياحي


لكن ماتحسب سماحي

تاالله مالك من صلاحي

مانعزمك لاجات دلة

والبن فوق الجمر فاحي

 

[شباب]

شيا ً يسد النفس شفته

والظاهر انك ما كتشفته

والاسم هذا لو هتفته

تلقى لنا فالقوم ناصر


وانت بمعنى مااحترفته

والطيش والله ماولفته

والبعض لامني حذفته

يصير جدول للعناصر

 

[شباب]

سلام لكن لاتزيدي

والغرب من فعلي طريدي

حنا نبى الدار الابية

هذي فلسطين النشيدي


ياسواط والله منته سيدي

حنا نشوفك وسط سي دي

ولا بقى منكم بقية

الا فصحراكم تبيدي

 

[شباب]

سلام من قاف ماشابي

مادام جابه شبّابي

وافهم معايه الاسبابي

ضلع ً رسى

واليوم انا قاعد لحالي

والزين ينشد عن حالي

والغالي دايما ً هو غالي

ضلع ً رسى

واليا اجتهدنا لنا مجهود

ما افكّر فوايل مسعود

لكن درب الشقا مسدود

ضلع ً رسى

وانت تجي ماتسلّم ليش

ماودّي والله التهميش

ولانت راضي بالتلطيش

ضلع ً رسى

ياصقر واصل في التحليق

ماودّنا كثر التدقيق

هات الكلام اللي معك يليق

ضلع ً رسى

وان كان مالك من تثمين

ما اقول لك عب البنزين

اقول فكّر في التمكين

ضلع ً رسى

يالغالي اللي لك الاخلاق

ممنوحة من ربي الخلاق

في القلب لك كل الاشواق

ضلع ً رسى

 

[شباب]

اليوم مابي سواليفك تجي من بال عجلان

ابيك تحكم معانيك بوفا يا ازرق سماوي

يامرحبا فيك ياللي في المعاني منت غلطان

لكن محلك على قصر الصفا يا ازرق سماوي

الله يحييك وانته مااعتليت بقصر دسمان

بانت علومك وبيّنت الخفا ياازرق سماوي

الكل يعلم بما قد صار في هاذيك الازمان

لكن قلنا كفى ياخي كفا ياازرق سماوي

 

[شباب]

سلام تسليم الاخوّة

واحنا لنا كل المروّة

سوات وبل ً بان نوه

سيّل على كل الجزيرة


اثر الخطا مابان توه

وكل رجالا ً بجوّه

وابليس مااكفى القوم سوه

الشر فيه بدون خيره

 

[شباب]

يامرحبا والراس عالي

وانت اللي دفيت اعربية

ولافهمت اش هي القضية

في الاولة والا فتالي


حنا رياجيل القتالي

نيراننا ياشيخ حية

والشمس ماهي مثل فية

لكن يابن هذيل غالي