5000بيت قصيد متحدث يوميا ً بالجديد والنوادر

[شباب]

لي عين مانسيت الاحباب

مهما حصل من حبايبها

واللي تكبّر وعني غاب

اصبح عن الروح غايبها

 

[شباب]

ميحد حمد مايشجي الشبّاب بالخمس الحواس

مير انت فوقك يالعتيبي دايرة واورادها

اللي يبى يفهم غلط والا صحيح ابلا تماس

لكن قبلك امّة الاسلام بان جهادها




جاك اللذي مايعرف المعروف وانواع الحماس

لكن حاسب واعرف المصدار مع ميرادها

ابى انشدك ياصاحبي بالله يعني ويش حاس

لو تهجم فغزوة على الطغيان وسط بلادها




هذي بلادي واحكم المنظوم من فضة وماس

جاكم ذهب وام الكباير مالقيت اولادها

 

[شباب]

انت اتكّل بالله وخلك سوات الذيب في الغار

يهل السيوف الرهيفة في الملا ياازرق سماوي
\


تنزل جنود احتياط ومرة ٍ وحدة وتكرار

واحنا نلّقيك ياشيخ الخلا ياازرق سماوي



اثر الوزارة لها عالم مابين القوم شطار

عقب الرياسة وزدتوها حلا ياازرق سماوي



ياراعي الموس قدمك فالمواقف خمسة انفار

واثر المهابيل يبغون الجلا ياازرق سماوي

 

[شباب]

انا اللي والله ما اطفش

لكنك انته تطنش

روّح بجنب المنعنش

سلّم علي



واهل المدينة عليهم نور

والمرسل الحر المذكور

يهنا معا بنات الحُور

سلّم علي



واشوف مستقبلك اليوم

كله نجاح وماش هموم

ياللي على الدرب المعلوم

سلّم علي



واللي تصّفح يستفيد

وانا اللي برسل في البريد

صحافتك جوف الصعيد

سلّم علي



يامن نوى بالصدود وراح

احسن لك تدوّر تفاّح

ياقفل لكن بلا مفتاح

سلّم علي



اشعارك انته بلا لازم

مالك ومال الحوازم

هم فوق راسك ياجازم

وابليس يهيب



هيا نهَدم الكنيسة

مادام صارت طميسة

ماصدّقوا فالنبي عيسى

سلّم علي



واحنا بالاسلام نبنيها

ونبّشر اللي ياتيها

بالجنة اللي بانيها

ربي الرحمن



وختامها مانريد نطيل

يامربعين ومستطيل

حسام يقدّم بالجميل

سلّم علي

 

[شباب]

سلام ياللي في مواقيفك تنادي

حنا هل العليا وشجعان الرجال

مايكسب اليوم الفريق الاتحادي

الا ليا الله راد ياسمح الخصال

 

[شباب]

هذي السواليف اللي معكم كل ليلة

وعلومنا فالملعبة محد كماها

وان كان تبغون السيوف اللي صقيلة

لااحد يوخر عن معارك في طغاها

 

[شباب]

الله ياطاري طرى في وسط بالي

اثر العرب ماهي هنا وانا هنية

اللي يبى التقدير من قرم العيالي

لايجتنب عنا مادام النار حية

 

[شباب]

يامرحبا والسيف ناري

والله لاخذهم كباري

والله يعطيك السلامة

ياللي كما الصاحب مشاري


اثَرك والله منته داري

اني اسد في وسط داري

وان كات تبترمي الجهامة

احرص على ربعك وداري

 

[شباب]

يامرحبا واليوم انادي

يهل الكرة في كل نادي

كلا ً يصرح في الصحافة

ومجسما ً والنور بادي


اثرك تسبح كل وادي

والله في حضر وبوادي

لكن مانبغى كلافة

وابليسكم يلقى الطرادي

 

[شباب]

تدوم ياللي لك مكان

ولاتجي الا بالسمان

جزلات ماحد قد خطبها

وتقدم مهورك كمان


اثَرك تعزف في الكمان

ومنسجم فاجمل زمان

وهذيل تبقى في عربها

اليا لواك العقربان

 

[شباب]

يامرحبا وعلومكم ماصدّت

واثر القبايل في المواقف ردّت

وانا محد يقدر لي الا الله


الله قوّاني وعيني لدت

للي معاي العام يوم تحدّت

واردت فوزي عقب اراد الله

 

[شباب]

الشعر ماهو صار مجاّني

ولا حد ٍ يزعل من المقسوم


الويك ياللي صرت قوماني

لكن زحف عن مكاني قوم



اثر السفينة في بحر ثاني

واللي ركبها فالمحيط يعوم


يابو صهيب السيف شاماني

منته من اهل المعرفة محروم

 

[شباب]

بقيت ياللي سواليفك تجي دايم على الكيف

لكن تلعب معانا فالخطر ياازرق سماوي

واخبرك حرّيف والميدان يبغى رجل حرّيف

لكن بعض العرب قص الجرر ياازرق سماوي

انت مميز بفعلك والنشامى بالمعاريف

لكن قلنا ولاجف الحبر ياازرق سماوي

احسن لك تدور اللي يحتمونك فالمواقيف

وسباع غرقى ولاجابوا خبر يا ازرق سماوي

احب من هو يجي بالسالفة بين العواريف

ماهو بكذاب ويربي البقر ياازرق سماوي

الله عطانا من القوة ومن بدع وتصاريف

لو قوم بدعتك صلوا فالعصر ياازرق سماوي

اللي مكمل مع العالم مايقدح بالكشاشيف

لو غارب شعيل يُبلى بالدبر يا ازرق سماوي

الشاهي يعالج الراس المعنى بالصواديف

يابو حصانين مالك من كِبر يا ازرق سماوي

فيك التواضع يا ابونجمة وحرب اعصاب وتخيف

لكن حنا شغاميم الدهر ياازرق سماوي

الله يعين اللي بيصلي معاك فمسجد الخيف

راحوا المصلين وتقافى العمر ياازرق سماوي

منت بلاوي ذراعي لاوصلك اليوم تكتيف

انته يادوبك على درب الشعر ياازرق سماوي

الفضل لله معلمنا وللقيفان تكييف

ما ازل ما اخطي ولا اقط الشجر ياازرق سماوي

قد قالوا الناس مثلك يعرف خياطة وتقييف

لانته ببوبكر لا ولا عمر ياازرق سماوي

 

[شباب]

سلام من رجال مايخطي ليا جات الخطايا

ويكافح السفاح لاجانا على شاشة مرايا

واثَره والله لاكثير ولاقليل ولاحلايا

لوكبروه فشاشة التلفاز ماقلبي عليه


انا ارتفع عن الطمان ولا بخشخش فالزوايا

لو جا لحنتوش المسمى فبركة بين الحمايا

الله رب الكون سبحانه عطاكم بالعطايا

واحنا كسبنا الاولة وحسام بين الناس بيه

 

[شباب]

ان كان شيطان القصايد فالمجالس كيف قفىّ

واثر الشرايح ماتجيب الا الخبر صافي مصفى ّ

وحسام بين القوم حارب فالغريب وفالمهفى

وان كان باقي لك علوم ابدي بها بين الرجال





حنا اللي جارينا وحاكينا وعارضنا وكفى ّ

شباب يوم انه يوّفي اغلب العالم ماوفىّ

مير السناني موتره كلا ً يجيله يوم دفى ّ

ماهو كما صياف لو انه رمى هاك العقال

 

[شباب]

سلام ياللي مانسيته

في البيت ياما قد نصيته

تقديركم فالقلب غالي

وكل واحد وسط بيته


العلم الاقشر مانويته

والبعض والله مابغيته

حنا وقفنا للرجالي

وكل رجالا ً بصيته

 

[شباب]

اصل السواليف تاتي مننا في كل الاحوال

والذيب كله خطر يهل اللعب ياازرق سماوي

وان كان تبغى الاخوة بيننا مع كل رجال

قدّم علومك ويكسب من كسب ياازرق سماوي

حنا وقفنا ونظّمنا معك في كل الاجيال

لو حارس الباب فالماقف هرب يا ازرق سماوي

البوصلة دلّتك للكنز وانت بين الابطال

حتى كسبتم من عقود الذهب ياازرق سماوي

 

[شباب]

الليلة الملعبة فيها كلام وكلام

لكن والله مانحشر مجانينها

ان كان ياصاحبي تعرف لقصد السلام

قد جاك فايامكم ياشيخ صاحينها

وان كان تدخل الى بيت الله اللي حرام

احرص على ماتقوله مع مصلينها

والنار شبت ولاتقرب قوافي حسام

ويجيك فاللعب يابن القوم شارينها

 

[شباب]

لفيت من عقب ماغيبت

وانا الى شوفتك مشتاق

من الربوع الى يوم السبت

وانا انتظر والجمر حراق

 

[شباب]

مها يمر الزمن ويحول

اي شي عنك فلا انسى

معقول ياصاحبي معقول

انك على صاحبك تقسى