5000بيت قصيد متحدث يوميا ً بالجديد والنوادر

[شباب]

في كتابتي انت لي عنوان

وفي رسمتي كنك التحفة

كلا من القوم يقضي شان

والبعض ماجالهم حذفة

 

[شباب]

كل اللذي فيك في بالي

وانت الرجا فيك مايُقطع

البعض مايدري بحالي

وانت متى يالخوي ترجع

 

[شباب]

ان فزت بالتوبة العالم ولا يسوى

اجهد على نفسك وحذرى تحاكيني

 

[شباب]

اثر السوالف باقية مابين جيل وبين جيل

واللي ماتقدرها تحوّل عنّها ياصاحبي

واللي يحقق مايبى يمكن يحقق مستحيل

وانا نشدتك عن هذيك الذاهبة والذاهبي

ارجع الى ماضيك تلقى كل مدّاتك قليل

لكنك انته فالطلب منته بقد الواجبي

الله يرحمها صفف واحنا نسج بكل خيل

لكن حكم الله فيكم يالفؤاد الراغبي

 

[نايف الجابري]

واصل ياشباب وكلنا معاك

احيي فيك روح العزيمه والاصرار

ماشاء الله عليك ملحمه شعريه


تحياتي لك وتقديري

 

[شباب]

واصل ياشباب وكلنا معاك

احيي فيك روح العزيمه والاصرار

ماشاء الله عليك ملحمه شعريه


تحياتي لك وتقديري

الله يسلمك يانايف ويامراحب ملايين فيك يالغالي

 

[شباب]

من ينقدك كان فلم وبان

واليا احتميتوا فرشتوهم

ماضيك انصع من الالوان

والله للخلق يبلوهم

وانته معرب نسل شمران

القوم حُرّة ولا اهجوهم

عساك تبقى على الازمان

من شلة والخير يكسوهم

اقطف من التوت والرمان

والسيف للغرب يجلوهم

رحت المدينة وفيك ايمان

رجلين والله يعلوهم

بكل عناية من العيّان

اللي بسحر جا يبلوهم

كفارة ياشيخنا اللي زان

والبعض يسرق ولا جوهم

ظليمتك ُتزعل الميدان

وتبكّي جمال تحنوهم

 

[شباب]

ياسلام الله على اللي له مقام وله مهابة

لاتبيعون البهم يافلان لو فيكم ذرابة

مير شباب ان بدى في علم جاب الكم صوابه

ولعي يانار في راس الفتيلة ولعي

اقنعوا بالموجز اللي صار من بين الرجال

مانبى تحذف يمين ومانبى تحذف شمال

لاتغرك صورة ٍ ياهالمصوّر يابلال

ولعي يانار في راس الفتيلة ولعي

وان كربت حزامك احرص فالليالي اللي تدور

والله انا ّ ياولد فالشعر دقينا النحور

مانبى منكم صقور ولانبى منكم نسور

ولعي يانار في راس الفتيلة ولعي

كان وصلت سوي لك ياصاحبي مكتب حديث

مانبى منكم لعين ولانبى منكم خبيث

مير انا للشعر كله ياهوى بالي وريث

ولعي يانار في راس الفتيلة ولعي

والخطايا لو تجينا ترجع لكتاّبها

مانبى كذابها ولانبى نصابها

مير هالبندق وهاذي راكزين حرابها

ولعي يانار في راس الفتيلة ولعي

احسن تسافر وتحمل في الشنط وتكون بيه

مانبى منكم نزيه ولانبى منكم نبيه

مير يابن القوم شرهات الاوادم فالوجيه

ولعي يانار في راس الفتيلة ولعي

 

[شباب]

ربعي هذيل اهل الفعل فالقواميس

دايم فممشاها على خط بتلة

وانا اللي لميت الشعر والهواجيس

والبعض يركض مير هيه ماجتله

والبعض حرّكها فبعض المقاييس

الين مشاها وهيه مشتله

وانت اللي قافك حرّك جمال والعيس

الين حبّاها وهيه حبتله

لاتعترض لاكان للقاف تاسيس

والبعض والله مستحق ٍ لقتله

اصحك تلقيها معانا بتعكيس

مادام تنقضها وللعلم فتلة

ماهمني لو تعتزي بالسناعيس

من كمّل بعالم فهي كملت له

عساك تعرف طقسها والتضاريس

والموقع اللي فالخريطة احتمتله

مادام فالدنيا رؤوس ومراويس

كثير من فايامنا طبلت له

وختامها طب القلوب المتاعيس

قافي ومن سرّى المعاني سرتله

​

 

[شباب]

احسن لك تدور على عالم وتفهم ماتقول

مالك ومال اللي يجيب اخبار ماهو قدها

والسيف له حدّه على وقت الصحابة والرسول

ويرجّع اهل الشرك والقوة تحصّل ضدها

 

[شباب]

هذا الزمان اللذي بيدور

والله ما اظنه بيرحم

لكن تركي يجيب الزور

وانا مع الغانمين افهم

 

[شباب]

ياسلام الله سلام ٍ فيه نار وفيه نور

مير شكلك ياولد معا محّفرة القبور

انتبه للعلم الاول والسنين اللي تدور

والنتيجة كل شاه معلقة بكراعها

كان سافرت انت للماضي وعيّنت الرجال

مانبى منك المعاني فاضية في كل حال

انت ياناصر عريب الجد واعمام وخوال

والنتيجة كل شاه معلقة بكراعها

وان تنبّهت انت فاعرف كلنا متنبهين

لاتجونا من شمال ولاتجونا من يمين

احسب حسابك وقدامك رجال ٍ غانمين

والنتيجة كل شاه معلقة بكراعها

 

[شباب]

اللي يميزك انت طيبك وبّرك

واللي يميزني باني هويتك

ياشيخ والله مانبا اليوم شرّك

يكفي باني في زماني لقيتك

لقيت فيك اوصاف لله درّك

وانا اللي جيتك في السنين ونصيتك

وش لون لو صافحت من هو يسرّك

لله ويمرّك ليا حد بيتك

حذرى من اللي فالمواقف يفرّك

وانا اخبر فيمناك شايل بشيتك

وفالمعارك بان يافلان كرّك

ليتك تقدّرنا وياليت ليتك

 

[شباب]

انت اللي مامثلك فطيبك

وانت اللي كل العرب تغليك

يعلم بك الله في غيبك

عساه فالعمر مايخليك

 

[شباب]

الليلة المعنى سرابي وسيّر

والكل في الدنيا مسيّر مخيّر

لكنك انت ياولد لاتطيّر

لاواحليلك يالرجال المسماه

تغريدتك زينة ولك فن بادي

بين الحضر ياصاحبي والبوادي

ياصقر ياصقر الهدد والهدادي

لاواحليلك يالرجال المسماه

 

[شباب]

يامرحبا واير في واير

يالله تشيلك والستاير

وتدحدرك فايّات وادي

مااظن تسلم والظفاير

ان جيتنا والدم فاير

اقرا عليكم وانت باير

وان كنت فالماقف جوادي

تفداك كبوة وانت ساير

 

[شباب]

اهلين في عصر الربوعي

ولايجي منا ّ خضوعي

حنا ّ هل الروس الحكيمة

ياللي تسقوّن الزروعي


ان كان تسمع بالسموعي

لاتحتري منا ّ رجوعي

والله ماجتنا هزيمة

واكثر هل الماقف في طوعي

 

[شباب]

يامرحبا والقهر فيكم

والبعض لامنه وطيكم

ابدى العنا وابدى المشقة

لكن والله ماعليكم


ارجع لمنهو يفتديكم

وفي مواقفكم يجيكم

مادام يمشيها بدقة

وش رجع الاولى عليكم

 

[شباب]

يامرحبا رحبا ً فصيحي

وام الموازين ان تصيحي

مالك بها مير الحيايا

تمشي بمشيتها فحيحي


دور على دعاية فتيحي

والكل فالماقف صريحي

لكن من بين البرايا

لي قافي اللي مستريحي

 

[شباب]

يامرحبا ترحيب بارع

ترحيب في الميقاف اقوله

ماكل رجالا ً ينوله

ممتاز في كل القوارع


ياللي احتميت بكل شارع

الباب مانبغى قفوله

والرجل لو حصّل قبوله

ماهو سوات الخصم فارع