ميزان الهوى

[ماهر عبد المعين حماد العلياني]

" قصيدة ميزان الهوى "

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
دام الدلال اداوي الكيف بالكيف=والجمره الحيه تزايد عمدها

سوقوا عن اضلوعي جبال ( ن ) مراديف=وارهو عليه لين تنزع وتدها

الساعه الي تفرق البرد والصيف=تشابهت في حرها مع رعدها

واختل ميزان الهوى والمعاريف=يوم الحنونه ضيعت من ولدها

ارقى على ضلع ( ن ) عزيز المشاريف=وانافس احرار الهدد في هددها

لين اسكنت في صدري الرمح والسيف=وابلت خفوقي واسرفت في جهدها

يا ذ الحمام إلي رسم حزمة الطيف=وصل رسايل من يدي لوسط يدها

كفخت جناحك بالحكي والسواليف=تحيي غصون ( ن ) طايحه في همدها

طول المسافه والعنا والتكاليف=تعين في الدنيا وانا في جلدها

صبرت صبر ( ن ) فاق صبر المجاديف=وإن عدّت الليله وشلي بعدها

الليل لو يشرح بكل التواصيف=حال العيون المضلمه من سهدها

في خنقت العبره ودمع ( ن ) مذاريف=والقادم الخافي بها امر وأدها

وش النهاية من ضلوم المواليف=غير النصايب شاهدات بلحدها

أو قصة ( ن ) تروى على من لفا ضيف=كل ما سمعها قال بالله عدها [/poem]


كلمات الشاعر / ماهر بن عبد المعين بن حماد العلياني الهذلي

 

[أبو رديد]

صح لسانك ياماهر

واسمح لي بتنسيق القصيدة

 

[ماهر عبد المعين حماد العلياني]

مشكووووووووووور ابو رديد وما عندي الا حلالك وسلمت على التنسيق​

​

 

[أبو رديد]

الله يسلمك شاعرنا