رثاء شعراء هذيل لشاعر عبدالله بن شايق رحمه الله

[عمر العميري]

انتقل الى رحمة الله الشاعر الكبير عبدالله بن شايق القحطاني

فنسأل الله له الجنه ومن هم برفقته


وردتني العديد من الأبيات من شعراء هذيل

احببت تدوينها وتوثيقها


مرحوم ياراع الثناء يابن شايق
درع قحطان اللي يصد المغيره

الشاعر اللي كان جت للحقايق
يعدّ من شعار شبه الجزيره


صالح المطرفي الهذلي
فارس الصحراء


يابيوت الشعر من بعد ابن شايق..
..البسي ثوب الحداد وعيدي به..
.شاعر ماكان يسرقها سرايق..
.. يتعب اللي في المواقف يلتويبه

مطر الدعدي الهذلي


على ابن شايق حزني يالميادين.
والشعر واهل الشعر في كل ديره
مصابكم مصابنا يالقحاطين
وفقيدكم فقيد كل الجزيره

محمد الزيداني الهذلي


سبحان منهو خلق خلقه وكافلها
كتب لها الرزق والاعمار حددها

كلن ونفسه لها نقطه وتاصلها
نقطه نهايه تﻻقي النفس موعدها

مرحوم ياناقض الجابه وفاتلها
ياللي بيوتك جماهيرك ترددها

من روس قحطان وان جاء حفل في اولها
ومن اول اهل الشعر لن جيت اعددها
يا عل روحك رفيعاتن منازلها
في جنه الخلد جعل الله يخلدها

بندر الدعدي الهذلي


يا مهون الدنيا ويا مسرع الموت
حقيقةٍ فيها تذوب الحقايق
لو تنفع الصملات والصيت والصوت
ماكان ننشد وين غاب ابن شايق

فيصل بن عباد السالمي الهذلي

 

[أبو رديد]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الحزن خيم في ربوع الجزيرة=من بعد قالوا الناس مات ابن شايق
ياالله طلبتك من عذابك تجيره=والموت حق وماعن الموت عايق[/poem]

عبدالعزيز الطلحي الهذلي / أبوعون

 

[خالد الهذلي]

اسمحولي مابقي فيني على صبري جلاده
بعد ابن شايق كما قالو على الدنيا السلامي
والرضا وقت القضا نصف النديين والعباده
مانقول الا عسى روحه تغمده الرحامي

خالد الطلحي الهذلي

 

[عمر العميري]

مرحوم ياشاعر بكته القحاطين
وتبكي عﻻه اهل العقول الرشيده

كل يقول ودمعته داخل العين
عزالله انك ياابن شايق فقيده


وصل الله العقيلي الهذلي

 

[عمر العميري]

كلٍ من أجل العاطفي ذاع صوته
هذا فقيده للشعر والميادين

الله يعوّض فالشعر بعد موته
والله يعظّـم أجركم يا قحاطين

عابد السعيدي الهذلي

 

[عمر العميري]

ابن شايق مات والموت حاصل لا محال
عظم الله اجركم يابني قحطان فيه
شاعرن لامن نزل ساحة الميدان قال
الشعر شعري وانا في زماني محتميه
والكلام الي عليه الكلام ولا جدال
الشعر فاقد فقيده ورمز ن معتليه

رايد الحتيرشي الهذلي

 

[ماجد الزايدي]

صحت السن شعراء هذيل كفو ووفو وبيض الله وجيههم

 

[نادر النادر]

الله يرحمه

وتسلم يابن عادي على الطرح الجميل