السلام عليكم
تشرفت بالانضمام إلى مجالس ملوك الفصاحة وسلاطين المعنى .
( هذيل ) أهل الخيل والهيل .
ويسعدني أن تكون إطلالتي الأولى عبارة عن مجاراة متواضعة
لرائعة شاعر الحكمة الكبير" عبد الله الطلحي " ( معوض خير )
التي شدا بها المنشد المبدع ( محمد العبد الله ) .
راجياً أن تنال بعضاً من رضاكم .. واستروا ما واجهتم .
تشرفت بالانضمام إلى مجالس ملوك الفصاحة وسلاطين المعنى .
( هذيل ) أهل الخيل والهيل .
ويسعدني أن تكون إطلالتي الأولى عبارة عن مجاراة متواضعة
لرائعة شاعر الحكمة الكبير" عبد الله الطلحي " ( معوض خير )
التي شدا بها المنشد المبدع ( محمد العبد الله ) .
راجياً أن تنال بعضاً من رضاكم .. واستروا ما واجهتم .
[poem=font=",7,darkblue,bold,normal" bkcolor="transparent" bkimage="" border="double,4,black" type=2 line=1 align=center use=ex num="0,black""]
تسلطن شاعر الحكمة وهو للسلطنة منوال= ومثله لا ارتكا للكايدة لابد يزهلها
عطانا من فنون المعرفة واسرارها شلاّل= و(جود) الخيل في ميدانها من جود اصايلها
ولا عندي من اسرار المعارف خير مماقال= ولكن هاضني زين العلوم وزين قايلها
وقلت آخذ مع (الطلحي) من اطراف الحكم موال= وانا من لابة طيب المعاني من شمايلها
ياهَبّ الرّيح : حنّا في زمانٍ يشبه الغربال= تساوت فيه زينات الصنايع مع فشايلها
تشوف الرَجل في هندامته بالبشت والدسمال= تقول ذولا الرجال اللي تنومس في قبايلها
تعجّب فيه لا منّه ظهر في مشيته يختال= وهو ماغيرشمّاعة هدوم السوق شايلها
يحسب المرجلة ثوبٍ يجرّ، وموترٍ، وعقال= ولا من جاته اعماها ، وهو ودّه يكحلها
حياته كل ابوها ما تغيّر بين رح ، وتعال= وحظه من صفات المرجلة صفرٍ يقابلها
يروحون العرب صوب اليمين وهو يروح شمال= ولا يغريه من بين الطبايع كود مايلها
انا وصّاني الوالد وحنّا في ذراه عيال= يقول احذر بحورالعيب لاتقرب سواحلها
وبنت الدون لا يغريك فيها رنّة الخلخال= ولوكثرت مفاتنها ، ولوطالت جدايلها
تراها تجحد المعروف ما تذكر منه مثقال= ليا شانت ظروفك قام يظهر لك تحايلها
ولا تسمع في النشمي عريب الخال قيل وقال= وشياطين البشرحذراك تنشب في حبايلها
صحيح ان البلد فيها من اقروم الرجال اجيال= رجالٍ تكسب الطالات والميلات تعدلها
أقوله ماني اطيبهم ، ولاني دونهم منزال= ولا من يصنع الكذبة على كيفه يفصّلها
ولكنها تجارب عشتها في كثرة الترحال= ومن عايش طباع الناس ما يجهل وسايلها
معوض خير يا رَجلٍ فقد ناس وفقد مدهال= خسايرجايرة لاشك ماتغني بدايلها[/poem]
