لا تشتكين البعد يا بنت الاجواد**مادام شيوخ هذيل فيهم بقية

[خيال الرحا بن قاسط]

هذه القصيدة موجهة للشيخ الدكتور/ فهد بن سالم المعطاني الهذلي.

لا تشتكين البعد يا بنـــت الاجــواد***مادام شيوخ هذيل فيهم بقيــّـــــة
من دوننا يا بنت عســـــكر ورعّــــاد***هم عسكر البارود في كل هيــّــة
زيزومهم يابنت كســـــاب الامجــاد***الشيخ ابو راكان ذيـــب الســــريّـة
والله لو يدري عن الحـــال ما حــــاد***يرخص حشاش الروح زبن الونيّـــة
يفزع لنا بالسيف وسْــــنان وزْنــــاد***وهو سيد الناموس جود وحميـّـــة
لا عاد يوم(ن) فيه ماجيــــه لاعــــاد***ماينقضي من غير رايـــه قضيـّـــــة
ماغير ابو راكان لي عــــز وسْنـــــاد***هو عزوة المضهود صبح ومسيّــــة
استبشري يا بنت في فزعة الضـاد***يا هذيل يالتاريخ نعم السميـّـــــــة
تاريخكم يكتــــب ويقــــــرأ وينعــــاد***اسم علم بين القبايـــل يا حـــــيّة
دكتورنا هو الامل نسل الاجـــــــداد***اللي بنا للطيب دار(ن) فضيّــــــــة
دار(ن) بها الناموس والبن والـــــزاد***هي ملتقى الضيفان من كل نيّـــة
يسلى بها القاطن ويفرح بها البــاد***ولا يختلف الحيضــري وبْدويــّـــــــة
لي حاجة(ن) يا سيدي صارت عناد***حاجة بسيطة في ضروف(ن) قويّة
من فعلكم لا شك تقبل وتنقاد***من عقب ماهي بالحديــــد مْحميـّــــــة

خيال الرحا بن قاسط الوائلي العنزي.

 

[أبو رديد]

سلمت يالعنزي وصح لسانك ويستاهل الشيخ فهد الأمداح
شكراً لحضورك وقصيدك الله يحييك

 

[خيال الرحا بن قاسط]

الله يسلمك ويحييك يابو دريد وشكراً على مرورك اللطيف وابو راكان حقاً قامة علمية وادبية ورجل اجتماع من الطراز الاول ويستاهل المدح فهو كذلك أحد رجالات قبيلة هذيل ومشائخها المرموقين وذائعين الصيت ،على مستوى الجزيرة العربية ، والعالم العربي ، والاسلامي على السواء .

 

[بندر الهذلي]

صح اللسانك