الشاعر بندر الدعدي والشاعر محمد بن سالم المسعودي ...

[عمر العميري]

بندر الدعدي

سلام رديه علا أكراد العرب
اللي مجمعهم عمر وسط القروب

أهل الفصاحة والثقافه والأدب
وأهل الثلاث البيض بيضان القلوب


محمد المسعودي

يامرحبا باهل الحسب واهل النسب.
ترحيب وافي عد همال النصوب

حنا تجمعنا على عز وشبب
وهذيل تعرف عند حزات الوجوب


بندر الدعدي

اللي يشب النار ويزيد الحطب
وش ينفعه لو كان زاد الها الشبوب

مادامت إن الموت من حلقه قرب
ماله نجاه وقفلت كل الدروب


محمد المسعودي

الموت يبغاله يابن عمي سبب
هذا صحيح القول والدنيا لعوب

بنشدك عن عذرا لها راس وذنب
ارويسها فالشام وتعاين جنوب


بندر الدعدي

الموت جايه في الطريق أبو لهب
ماله ذرا لو يلتبس عشرين ثوب

أن كان تبغا الصدق مافيها عجب
شيعه علي ياصاحبي من كل صوب


محمد المسعودي

اللي يصيح فالخلا جاه الطلب
جته الفزوع اللي تغلق كل نوب

واللي على بالك بلاها ام الركب
سد الشغا تحذف وعيت لا تتوب



بندر الدعدي

جته الرجال اللي يفكون النشب
اجبال ما تهتز مع صفق الهبوب

واللي تحب اللهو وتحب الطرب
ماحصلو في وقتنا غير الذنوب


محمد المسعودي

يادعد بندر صاحبي هذا شنب
وده يروح وغرته بعض الدروب

لكن خلك مع مطوعت الصعب
اللي يبوجون الدير من كل صوب

 

[سلطان السويهري]

صح افكارهم ، شعراء متمكنين ومشكور ع النقل يامدير

 

[عمر العميري]

العفو اخوي سلطان

شرفني مرورك العطر

 

[أبو رديد]

صح لسان بندر وصح لسان محمد
وبيض الله وجيههم على الإبداع

وألف شكر يابوعبيد على التوثيق

 

[عمر العميري]

صح بدنك بالنيابه عنهم

شرفني مرورك العطر ياسعود

 

[رايد الياسي]

صحت الالسن وسلمت على النقل يابو عبيد

 

[العود القماري]

صحت الالسن

محاوره جميله

 

[صومعة السيوف]

نترقب المزيد من جديدك الرائع
دمت ودام لنا روعه مواضيعك