من بلد قابوس تطريزت وبرها

[صالح الكعبي]

راكب اللي لـ عطت البيدا نحرها
حققت كل الطموح المستحيله

بينما ريح الصبا تاخذ بثرها
وصلت علمي وجابت لي بديله

من بلد قابوس تطريزت وبرها
ضامر السرجوف خطوتها طويله

في عيون اللي تجود في ظهرها
كنها البراق في عرض المخيله

وصل ابياتي وفتش عن صررها
عند ابو ياسين زيزوم القبيله

قل له المضمون حاجة واتخبرها
ان قدرت اتزيدها عشرين ليله

الظروف الكايده نشكي ضررها
وانته ادرى بالكثيره والقليلة

شاهر الكعبي الهذلي

 

[أبو رديد]

أبدع الشاعر الجزل شاهر الكعبي
صح لسانه وسلمت أستاذ صالح للنقل والتوثيق

 

[صالح الكعبي]

حياك الله يالغالي
تشرفت بحضورك




تقديري لك