قصيدة بمناسبة زفاف الشاب متعب محمد عطية المسعودي

[معوض درويش المسعودي]

مني سلام ومرحبا بالحاضرين​

في الحله اللي ما يسكر بابها​

حله و اهلها بالوفــاء متقدميــن​

عرف وكرم كل يحسب حسابها​

فيها الدلال الصفر والكبس السمين​

كرامة فوق اللحــاء و اشنابهــا​

بضيافة اللي مد واخذ باليمين​

وكل الامور تبين فوق اصحابها​

الشيخ ابوماجد امام الغانمين​

مايشــري الهزله ولا جلابهــا​

ابن عطيــه ماتغيــره السنيــن​

وان صعبت الايام داس اصعابها​

هذا محمد واسمه مع الاولين​

ماتصعب العليا عليه و جابهــا​

جبنا القليل من الكثير مبعدين​

افعال ابوماجد صعيب احسابها​

مبروك يامتعب عساها فرحتين​

فرحة زفاف و فرحة بحدابهــا​

الله يديم افراحكم في كل حين​

ياهل البيوت العامره ياربابهــا​

واليا دعيتونــا ترانــا جاهــزيــن​

مانقصر الخطوه سعي نسعابها​

ومشاركتكم فوقنا واجب ودين​

واللي تخالف هقوتي مرضابها​

صلوا على خير البشر يالسامعين​

خسران من يسمع و لا صلابها​

الشاعر/ معوض بن درويش المسعودي الهذلي

 

[أبو رديد]

كفو ياابو درويش
ونعم بك وبالشيخ محمد بن عطية وأبناؤه
صح لسانك