عاشق هذيل القارحي
:: عضو جديد ::
- إنضم
- 10 أغسطس 2006
- المشاركات
- 947
سمان المعاني "
سمان المعاني جاتني والله المنان = وهرجٍ بلا معنى مضره على اصحابه
انا يوم افكر في زمن سالف الجدان= تذكرت تاريخ البطولات و اربابه
وجنبية الزيدي شباها ثلاث الوان = ورمح الرديني بان فعله ومضرابه
وسيفٍ يقص الراس يُسلم به الشيطان=ليا ما بغيت المجد قدم له اسبابه
سباق الزمن قدم فـُلين ورد فلان=ويقعد لحاف الخوف للي تغطا به
ا
نا اخترت من بد الطيور اشقر الجنحان=وجهزت للهدات راسه ومخلابه
تحولت عن فلتان وملهي الرعيان=ومن ينقص المكيال ما اقف على بابه
وللعلم ماريه وللمعرفه فرسان=وللخيل خيــــــــاله وللـــــــــــوقت حسابه
وللشعر حزاته وللموهبه عنوان=وشيٍ على عـــــاداتنا مـــــــــا ابتلشنا به
ومن عادتي ما اخذ قراري و انا عجلان=بعيد النظر يختار دربه ومجنابه
تخيّرت في الشعار و اخترت ( بن جدلان )=ولا اضن يسمع بي مثل ما سمعنا به
عرفناه من شعره وشفناه بالميدان=ونور القمر يبــــدي على الضلع و اشعابه
سلامي سلام الله على شاعر الديوان=من الشاعر اللي كــل طاروق غنا به
حصيله من الدنيا معرفة هل الأذهان =كبار العقول اللــــــي الحسد ما تحلى به
ليا شافت الرجال بالمعرفه مليان=تباشر بميـــــــــلاده وتـــــــذكره بغيابه
وبعض المعارف مثل بنيه بلا سيسان=تروغك وبعضـــات المواقيف غصابه
أنا يا " سعد " ما جيت اعجزك با الألحان =ولا جيت ادور غير جابه بدل جابه
أروز الجبال الصم والوزن بالميزان=موازين فكري تعرف الشــــــعر و اصحابه
سوالف عوارف والحقايق لها برهان=وتلقى اختلاف الناس في كل مهذابه
اصابع يدك ماهي سوا والعباد اخوان=ولا يسلم الرجال صـــكات مشعابه
ودنيا بلا منهج سفينه بلا ربان=ومن لا تغـــــــــــدا من عـــــدوه تعشى به
تدور الليالي والفلك في يد الرحمن =وما ينكتــــب للعـــــبد لابـد يرضى به
ابنشد " سعد " وش سالفة مكرم الضيفان=بعد قدم الميســـور والنار شبابه ؟
وابنشد " سعد " وش حرّك البحر بالطوفان=وخلا هل المـــشرق من العلم منصابه ؟
وراعي سمان الهرج دايم حشيم لسان=وحنا نعز اللي حمـــى راس مرقابه
هذا ما تهيض به ضميري و انا نشطان =بعد شفت بن جدلان يطبع على حسابه
اخوكم
عاشق هذيل القارحي
سمان المعاني جاتني والله المنان = وهرجٍ بلا معنى مضره على اصحابه
انا يوم افكر في زمن سالف الجدان= تذكرت تاريخ البطولات و اربابه
وجنبية الزيدي شباها ثلاث الوان = ورمح الرديني بان فعله ومضرابه
وسيفٍ يقص الراس يُسلم به الشيطان=ليا ما بغيت المجد قدم له اسبابه
سباق الزمن قدم فـُلين ورد فلان=ويقعد لحاف الخوف للي تغطا به
ا
نا اخترت من بد الطيور اشقر الجنحان=وجهزت للهدات راسه ومخلابه
تحولت عن فلتان وملهي الرعيان=ومن ينقص المكيال ما اقف على بابه
وللعلم ماريه وللمعرفه فرسان=وللخيل خيــــــــاله وللـــــــــــوقت حسابه
وللشعر حزاته وللموهبه عنوان=وشيٍ على عـــــاداتنا مـــــــــا ابتلشنا به
ومن عادتي ما اخذ قراري و انا عجلان=بعيد النظر يختار دربه ومجنابه
تخيّرت في الشعار و اخترت ( بن جدلان )=ولا اضن يسمع بي مثل ما سمعنا به
عرفناه من شعره وشفناه بالميدان=ونور القمر يبــــدي على الضلع و اشعابه
سلامي سلام الله على شاعر الديوان=من الشاعر اللي كــل طاروق غنا به
حصيله من الدنيا معرفة هل الأذهان =كبار العقول اللــــــي الحسد ما تحلى به
ليا شافت الرجال بالمعرفه مليان=تباشر بميـــــــــلاده وتـــــــذكره بغيابه
وبعض المعارف مثل بنيه بلا سيسان=تروغك وبعضـــات المواقيف غصابه
أنا يا " سعد " ما جيت اعجزك با الألحان =ولا جيت ادور غير جابه بدل جابه
أروز الجبال الصم والوزن بالميزان=موازين فكري تعرف الشــــــعر و اصحابه
سوالف عوارف والحقايق لها برهان=وتلقى اختلاف الناس في كل مهذابه
اصابع يدك ماهي سوا والعباد اخوان=ولا يسلم الرجال صـــكات مشعابه
ودنيا بلا منهج سفينه بلا ربان=ومن لا تغـــــــــــدا من عـــــدوه تعشى به
تدور الليالي والفلك في يد الرحمن =وما ينكتــــب للعـــــبد لابـد يرضى به
ابنشد " سعد " وش سالفة مكرم الضيفان=بعد قدم الميســـور والنار شبابه ؟
وابنشد " سعد " وش حرّك البحر بالطوفان=وخلا هل المـــشرق من العلم منصابه ؟
وراعي سمان الهرج دايم حشيم لسان=وحنا نعز اللي حمـــى راس مرقابه
هذا ما تهيض به ضميري و انا نشطان =بعد شفت بن جدلان يطبع على حسابه
اخوكم
عاشق هذيل القارحي
