شفتها ياسعود

[مرسوم ملكي]

شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

جيتها ثم قلت ممكن في سؤالي تسمحــين *** ناظـرت فينـي بدهشه نظره متواضعـه

قالت انته تـحسبني من بنات صـــــايعين *** تـحسبني في زماني عن طريقي ضايعـه

قلت انا ماراح اطـــــــول كلبوها كلمتين *** وابعـدت عني شويه ثم جتنـي راجــــعـه

قالت اسال واضح انك من رجـال طيبين *** بس هرجك يالسنـافي كان وشهو دافـعـه

قلت انا حبيت وحده يـوم كنا صغـــيرين *** ومن ثمان سنيـن راحت للمواصل قاطعه

عقبهـا ماذقـت نـوم يهتنيــــــــه النايمين *** ساهر في طــول ليلي لين شـمسي طالعـه

اذكر انه فيه حبه فـوق ثغـــره من يمين *** واذكــــــر انه لاجـرينا كـن شعـره تابعـه

واذكر انـه عاشـق الورد والياسمـــــين *** وصار قلبي بالـورود اللي عشقهـا زارعـه

قاطعتنـي بقولها سبحـــان رب العالمين *** كـررتـــها مـــره .. ومــرتين .. ورابـــعه

قلت وشفيك وشبـــــلاك يابنيه ترجـفين *** ليـــش عينك يابنـــــــيـه من كلامـي دامعـه

قالت الموقف وقلبـي والمحبـه والحنين *** كــيف اشــوفك بعد ماكنــــت عنك قانعـــــه

قلت انا بســألك ان كانك انتـي تذكرين *** عـــن مواثـــيـق ثـمنها من حيــــاتـي دافعـه

قالت ظروف الزمان ماتطيـع العاشقين *** بيعونـي غصب حبك لو هو ماني بايـــــعـه

انا في دنياي حالي كنهـا حال الســجين *** حتـى لو فكـوا ســــــــراحه فيه شي ٍ مانعـه

زوجوني غصب واحد وحـرموني حاجتين *** السعـــــاده فـي زمانـي والحيـاه الرائعـه

والحــــين انا ام لثـــلاثه ريـم وياسمين *** والولد اسمه على اسمك والمشاعـر جايعـه
..............................................
منقول

 

[نجــ هذلي ــد]

روى لي أحد زملائي وهو موظف في المستشفى الجامعي أن أحد المراجعين رأى إحدى الموظفات وقد كان يحبها في الماضي ورآها صدفة في المستشفى وأنشد هذه الابيات (والعهده على الراوي)

قصيدة صادقة


مرسوم شكرا

 

[مشعل الهذلي]

السلام عليكم ورحمة الله وبركاته.
أخي الكريم..
قصيدة بها من الشجن والعاطفة والفكرة ما جعلني أحس أنها قصة قصيرة حبكتها تدل على تمكن شاعرها في المعنى ولا أقول في البناء.

أخي العزيز إختيارك رائع وتفاعلك اروع لك ودي..

 

[فارس الدهما]

قصيدة جميله مشكور على النقل

 

[مرسوم ملكي]

تحياتي للاخوان
فارس الدهما
مشعل الهذلي
هذلي نجد

واشكركم على المرور

 

[مهتاض]

صح لسانك وشكرا ا على هذه القصيده الرائعه

 

[أبو حمدان]

قصيدة رائعة أستطاع من خلالها الشاعر أن يعبر عن قصة حب عاشها وعانا منها كثيراً ونظمها في أبيات تناولت القصة بتسلسل درامي رائع منذ بداية القصة عندما كان هو ومحبوبته صغار وبينهم نوع من الحب العفيف وماحدث لهم بعد ذلك من فراق لفترة طويلة حتى التقى بها صدفة وعرفها وذكرها بتلك الأيام الجميلة وعرفته ولكن بعد ماذا بعد أن طارت الطيور بارزاقها فقد تزوجت من غيره خلال تلك الفترة وأنجبت بنتين وولد ومن حبها لهذا الشخص والعيش على ذكراه سمت ولدها على إسمه .
مثل ماتفضل الأخ مشعل الهذلي هي قصة أكثر مما هي قصيدة وقد دمجت الإثنتين في واحدة وخرجت جميلة جداً .

(( تحليل للقصيدة ولاالدكتور غسان يقدر يحلل مثل تحليلي )) عيني علي باردة إن شاء الله .
الف شكر يامرسوم ملكي على هذا النقل المميز والله يعطيك العافية .

 

[مرسوم ملكي]

اشكرك اخوي ابو حمدان على هذا المرور والتعليق
الجميل وانت افضل من الدكتور غسان
وفالك المليار