اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"

[العقيد]

بسم الله الرحمن الرحيم

السلام عليكم ورحمة الله وبركاته
مما يسعدني ويشرفني الانضمام اليكم بهذا المنتدى
وخلووووووووها

سلام الله سلام(ن) تسمعونه يا رجال هذيللونه يا عرب مكتوب فالشاشة تشوفونه

يجي منهو يجي يا جيل نعرفكم بذاك الجيلبشرط الثقل ياهل العقل والافكار مفتونه

 

[عزوتي]

[align=center]وعليكم السلام ورحمة الله وبركاته
ويسعدنا ويشرفنا
إنضمامك لهذا المنتدى
العملاق
وبيتين جميله بجمال قائلها
عزوتييييييييييييييييييييي[/align]

 

[العقيد]

الشرف لي يا من لقبت نفسك بأجمل لقب
عزوتي
واشكرك على هذا
المرور الجميل
والرد الاجمل
والذي دل على جمال صاحبه

تقبل تحياتي ،،،

العقيد

 

[فهد هذيل]

يامرحبا ومسهلا بك يالعقيد بين اخوانك

وحياك الله

 

[العقيد]

المرحب باقي يا فهد هذيل والمهلي ما يولي
ويشرفني ويسعدني وجودي بين
الاخوان رجال قبيلة هذيل


تقبل تحياتي

اخوك
العقيد

 

[مشعل الهذلي]

وعليكم السلام ورحمة الله وبركاته..

هلا يامرحبا وابشر بعلم الطيب والتكميل
وصلت وجا سلام كل بولهذلان يوحونه
تعودنا على سلم الجدود ومابها تبديل
نبى صرف الذهب وان كان غيره لا تعدونه

اخي الكريم العقيد الحقيقية انني لست بشاعر بل هي مجاراة وترحيب بشخصكم الكريم...
وهناك من هم أفضل مني بكثير وأخص بالذكر الأخ والصديق هذلي ولفخر لي وابو حمدان واغيرهم الكثير..

تشرفنا بك مرة اخرى..

 

[هذلي والفخر لي]

حياك الله يالعقيد

وتشرفنا بانضمامك لنا

وصح لسانك

ولسان الاستاذ مشعل الهذلي

ونتمنى ان تواصلون فنحن متابعون لكم

وبارك الله فيكم

 

[شـ هذيل ـبل]

أرحب يالعقيد


حيااك ربي


تحيتي

 

[العقيد]

مشعل الهذلي


هذلي والفخر لي

شبل هذيل


المهلي ما يولي وابقاكم الله جميع
واشكركم على مروركم الكريم

تقبلوا تحياتي

اخوكم
العقيد

 

[العقيد]

استلم يا مشعل الهذلي

عسى فيك البقا واللي رقى الممسوس بالترتيل
يبى ياصل وكل الجن مكشوفات بعيونه
تعودنا على الدين القويم نقيم كل الميل
واقر الدين سلم اجدودنا وحدودنا دونه

 

[مشعل الهذلي]

السلام عليكم ورحمة الله وبركاته.

ترى بعض السوالف تقبل التحريف والتاويل
ومن يارد بحر يشتال منه بقدر ماعونه
أخاف أن العقيد إن مال ميزان الزمان ايميل
وحنا دون دين الله وعز الدين واركونه ..

خير أخوي هذلي والفخر لي ....بيض الله وجهك .

ولاهنت أخوي العقيد .

 

[هذلي والفخر لي]

ومن يارد بحر يشتال منه بقدر ماعونه

يا سلام يا سلام

بحر يا مشعل

الله يكون بعونك يالعقيد

البحر من امامك والصفوف من وراءك

واصلوا بارك الله فيكم

فنحن متابعون

 

[العقيد]

خلوووووووووووووووها :


كلامي جاك بالبرهان والقرآن بالانجيل :
ذكر منهو توحاه وبداه وسنن سنونه
انا مثل الجبل مازحزحه صفق الهوى بالحيل
لونه يقتوي زادت لنا قوات مجنونه

 

[مشهور الطلحي]

ترى بعض السوالف تقبل التحريف والتاويل
ومن يارد بحر يشتال منه بقدر ماعونه
أخاف أن العقيد إن مال ميزان الزمان ايميل
وحنا دون دين الله وعز الدين واركونه ..
الله الله صح لسانك اخوي مشعل

 

[مشعل الهذلي]

السلام عليكم ورحمة الله وبركاته.

علومك غانمة جتنا على الهقوة وبالتفصيل
وصاحبك إهذلي والي سواتك وش يسمونه
وقول ونعم لكم يالسنافي شفت نجم سهيل
تبا تبطي عظم ماتاصله وتطيح من دونه ..

أخوي هذلي أنا تلميذك والشعر في حضرتك يطلبك العذر.
أخوي مشهور صحيت يالغالي..

لاهنت أخوي العقيد.

 

[سلطان السويهري]

مرحبا يا عقيد والله يحييك :HeartSpin6: :HeartSpin6:


ومن سلام إلى ملعبة :waaady34:

وأقول يا عقيد :
ليا منك بغيت البحر بتلقى من يعومونه

عموما واصلوا والله يقوي كل واحد على صاحبه :waaady37:

 

[أبو حمدان]

أخوي مشعل
بيض الله وجهك عزالله إنك سنافي وماقصرت واكتشفنا موهبتك الشعرية وآسف إنني تأخرت عن الدخول للمنتدى منذ يومين ولم أشاهد هذه الدرر النفيسة التي قدمتها أنت وأخونا العقيد الذي أتحفنا تواجده معنا صح الله لسانكم الإثنين وبارك الله فيكم ونحن متابعون لكم .

الأخ العقيد
تشرفنا بمعرفتك وبداية موفقة ورائعة وننتظر منك المزيد والله يعطيك العافية .

 

[مشعل الهذلي]

السلام عليكم ورحمة الله وبركاته.
واقول ونعم لكن يالسنافي شفت نجم سهيل
تبا تبطي عظم ماتاصله وتطيح من دونه...

الصدق اني كنت متعجل شوي والميم قريبة من النون ..يعني خطأ إملائي المعذرة من شاعرنا..

أستاذنا سلطان الله يخليك ويكرمك ..
أخوي أبو حمدان ماعليك زود والعقيد شاعر وأخوك عليمي ..

للجميع تقديري.

 

[العقيد]

خلوووووووووووووووووها

علومي يالهجومي مجد ابو مع جد وقت الخيل
وربعي لا عتزوا عبـــاد بالميقاف يحمونه
انا ماسب خنذف مير الاجرب بطرده يا شعيل
واعزله عن فحول الذود قدم الناس يطلونه

 

[العقيد]

اقدم الشكر الجزيل لكل من عطر هذه الصفحة بمروره الكريم
واطلالته البهية ...

اخواني اعضاء منتدى قبيلة هذيل العريقة
تقبلوا جزيل شكري وفائق تحياتي ،،

اخوكم

العقيد