لا ضاق صدري رحت اقلب عربسات

[صقر هذيل]

[align=center]قصيدة ( لا ضاق صدري رحت أقلـّـب عربسات ) ... والرد عليها [/align]

لاضــاق صدري رحـت أقـلّب عـربساتقـمـت أتـفـكــــر في عـجــايب زمــاني

مـتـنـقـلٍ مــابـيـن ذيـك الـمـحـطـاتبـإبـهــــامـي ألــفّ الأرض في ثـواني

ومـاشــدّ ني مـن بـيـن كــل الـقـنواتالـلـي بـهـــا نـاظـرت شـيٍ دهــــاني

قـم يانـديـمي فـوق زيـن الـموديـلاتVxr تــــــــ،،ـوّه صـــادرٍ بـالـمــواني

النوع Toyota من أرقى الموديلاتJapan صـنع الأ فـنــــــــس الكيفراني

يصـبر عـلى قـطـع الـوعـور الصعـيباتيـطـــوي صحــاصـيح الخــلا مايعــاني

عـلـيه مطـنـوخٍ يحـفــظ الــوصــــياتعـنـد اللــوازم ذيـب مـاهـــو هـــداني

شــيـّك عـليـه وجـهّــزه لـلــمهــماتثـم فـلــّله من (شـيـشـة) المسلـمـــاني

وخــذ الـنـفـود قـطوع صـوب الـقــرياتوعَـدْ الحــدود لــدار صــاف الـثـمــاني

مـتـنـحـرٍ دار الـطــــرب والـونـاســاتعشــايـرٍ مـن قـــوم)طـوني) و (هاني)

الـديـرة الـلي سَــلـم أهـلـها خـذ وهــاتمـاللـحـيا بـطبـوع ربعـــه مـعـاني

لاجـيـتـهـم تلـقـا الـهـنـا والـمســرّاتوالـضـيف لـه قـيـمــة وقــدر ومكــاني

يْـقلطـون (الـتـرتـه) ومعــه (كـيـكـات)ومشــروبهـم .. مشـروبهم شكـل ثاني

حــيـاتـهــم هـــزٍ .. ووزٍ .. ود بـكــاتويـرددون الــهـابـط مـْـن الأغــــاني

دارٍ بــهـا لـلــزيـن وســمٍ وبـصـمــاتبـه ناعـســات الـطـرف سـيـد الغـواني

لاشـفــت أنـا هــاك الغــنج والـحـركـاتمسـكـت راسـي ثـم قــلـت آه يااااااااني

وأخـص أنا بالـقــول باسـكــال بالـذاتهي شيء .. والـلي غـيرهـا شيْ ثاني

عـلـيـه عـيـونٍ تـقـطـع القـلـب بسكـاتهمت .. ضعـت و(جـمدت) بمكـاني

تـبـلـغــه شـــوق وسـلام وتـحـــيـاتوتحـب جـبهـت عـودهـا (مشعـلاني)

صـحيح قـالـوا قـبـل مـن يـخـتـشي ماتوالله يسـتـر مـن تـوااااااالي زمـــــاني

[align=center]وهذا الردّ على القصيدة السابقة ،،،[/align]

لاضاق صدرك ياقليل المرواتصل الصلاة ولا تجي للاغاني

استخدم ابهامك في طي الصفحاتصفحة كتاب الله باب الاماني

اخير من شوفة وجية الخواجاتاللي غضب ربي عليها يباني

لحمة مخمة فالبلا والملذاتغرتك صبغة وجهها البهلواني

ترسل نديبك في ردي المهماتاهل الردى فالدرب دايم خواني

"والفكس" لاتطرية بالذات بالذاتماهو بمركوب النذل والهداني

الفكس مركوب الرجال الثقالاتمقنى عربين النسب والمجاني

باسكال يامسكين راحت ولاجاتمالك ومال الساقطة يافلاني

وجة عليه من التشاكيل صبغاتابيض مع احمر والشعر برتقاني

لاشافت الطرقي تبدية نظراتوتميل مثل الداب والعقرباني

بنت لها فالليل صولة وجولاتتضحك على مثلك بطرف العياني

تضحك على لحيتك بنت لها اخواتياكيف ترضى يافتى للهواني

تحب جبهة مشعلاني ياذا الشاةاثرك تدور ريحة الزعفراني

لاواللة الا راس مافية نعراتاتحب راس ابليس يامودماني

ياونتي ونيتها 10 وناتالادمي ياناس طلع جناني

خلك بدار اهل الكرم والجمالاتدار حباها الله رفعة وشاني

دار بها ستر البنات العفيفاتهذي بلادي ياطويل الاذاني

اشعب ركابك في جميع النحياتامن وامان ويش غير الاماني

اخير من دار تحب الريالاتباعوا الكرامة ياللة المستعاني

[align=center]تقبلوا تحياتي[/align]

 

[ماجد المسعودي]

مشاركة: لا ضاق صدري رحت اقلب عربسات

قصيدة ورد

يا سلام يا سلام

لو ذكرت لنا أسماء شعراء القصيدتين

لكي نتعرف عليها وعلى أصحابها



تحياااتي

 

[سلطان السويهري]

مشاركة: لا ضاق صدري رحت اقلب عربسات

لاضاق صدرك ياقليـل المـرواتصل الصلاة ولا تجـي للاغانـي

اخير من شوفة وجية الخواجـاتاللي غضب ربـي عليهـا يبانـي

الله يعطيك العافيه كلمات صحيحه في مبانيها ومعانيها


كفو ياصقر هذيل

 

[صقر هذيل]

مشاركة: لا ضاق صدري رحت اقلب عربسات

ماعليك زود اخوي وبالنسبه لشعراء جاري البحث عنهم

 

[أبو فيصل]

مشاركة: لا ضاق صدري رحت اقلب عربسات

[align=center]الله يعطيك العافيه اخووي

وياليت عجلنا بأسماء الشعااار

وتقبل مروري

ابو فيصل[/align]

 

[شبكه هذيل]

مشاركة: لا ضاق صدري رحت اقلب عربسات

الله يجزاك الف خير ياصقر هذيل

 

[الشامخ***]

مشاركة: لا ضاق صدري رحت اقلب عربسات

مشكور أخوي ...

طبعاً أنا لم أقرأ القصيدة الأولى لأنها ساقطة..!!!!


و صح لسان صاحب قصيدة الرد الرائعة...

ـــــــــــــــــــــــــــــــــــــــــــــــــــــــ

الشـــامخ***

 

[صقر هذيل]

مشاركة: لا ضاق صدري رحت اقلب عربسات

[align=center]اشكر الجميع على المرور ويعطيكم العافيه[/align]

 

[عبدالله الطلحي]

مشاركة: لا ضاق صدري رحت اقلب عربسات

[align=center]صقر هذيل

شكراً لنقلك الرائع

وفي إنتظار معرفة أسماء الشعار


لاهنت


.[/align]

 

[الطلحي]

مشاركة: لا ضاق صدري رحت اقلب عربسات

قصائد رائعة