القصيدة الفائزه بمسابقة رثاء الشاعر عبد الله المسعودي

[هشام الهذلي]

قصيدة الأخ غريب وأديب

والتي فازت بالمركز الأول في المسابقة الشعرية في مجالس هذيل

نبارك له الفوز وللبيقة نتمى حظاً أوفر إن شاء الله


واقلبي اللي تقل يصلى على الـصالي
ودموع عيني عــلـى الخدين هـمـالــه

مرحــوم يا شاعــر الهـذلان يا خـالي
مرحوم وانا ولد يبكي عــلـى خـالـــه

بنت الهوى قاصره في وقتنا الحالي
مالومها راح عنها محتمــي القــالــه

بنت الهوى بـعــد مــوته ما لـها والي
والله لتبطي وهي ماجابت امــثـالــه

حتيش لــو جمعـوا الاول على التالي
في ذمتي مايسـد القــرش فـ ريالــه

ما ذم شاعـــــر ولـكـن مــر يا حالي
وش جاب فيّ الــشجر للضلع وظلاله

كلاً يـهـابه ويســمـع لــه لـــيا قـالي
والناس بعده تقول وقولـــهــا قــاله

ماعاد خلّى لهم فـ العـرف مـــدخالي
ياهابط السوق مافا السوق جمّـــاله

كل البضايع قـــناها خالي الغــالي
ما يوم حط الرديه مــال مـــن مـالـــه

يسمو بشعره وراســــه دايما عــالي
معناه(دره) وقــوله (هيـل) ف دلالــه

الله يجعل له الـــفــردوس مــــنـزالي
مادام بيض القلوب اليوم منزالــــــــه

 

[مشعل الهذلي]

السلام عليكم ورحمة الله وبركاته.
استاذ هشام بادرة جميلة وتستحق الإشادة.
من القلب ابارك للشاعر والأستاذ غريب وأديب فهو جدير بكل أمانة ....والحقيقة أن الفوارق بين لاشعراء لم تكن كبيرة ...................تحية للجنة التي قيمت الشعراء .

الف مبروووووووووووووووووووك مجددا أستاذ غريب.

 

[ابو سعد]

الف الف الف الف مبروك


يستاهل الاستاذ اديب و غريب


و قصيده جزله من شاعر كبير


و نتمنى ان نرى ابداعاته في مختلف الالوان الشعريه الاخرى





تحياتي ,,,

 

[سلطان الندوي]

الف مبروك للشاعر غريب وأديب

واذا كنا نريد تكريمه فلابد ان نكرمه مرتين لفوزه بالمسابقة

وكذلك لانه هو صاحب فكرة رثاء المسعودي

ولاهان كل من شارك في المسابقة من شعراء المنتدى

 

[ابوجنوب]

ألف ألف مبروكـ ورايتك بيضااااااا ولو قلنا مهما

ولو قلنا مهما قلنا في رثاء شاعر هذيل ونادرهم

وسدهم المنيع في وجه شعار القبائل لما أوفيناه

حقه فهو أسمى وأعلى من أن تقال فيه مرثيه .على

أنه لا بد وان يرثيه كل هذلى وأن يدعوا له . فلعل الدعاء

بالغه ومستفيدٌ منه بإذن الله . اللهم إغفر له وأدخله مدخال

صدق وأبعد وجهه عن النار يا عزيز ياغفار يا من امره إذا

أراد شيئا أن يقول له كن فيكون .

وتقبل تحياتي وتقديري وتستاهل يا غريب وأديب ولا تحرمنا

من إبداعكـ لاعدمتك .​

 

[اللحياني الهذلي]

مبروووووووووووووووووووووك و تستاهل
يسلم لسانك يا غريب و أديب
قصيدة جزلة من شاعر جزل
بيض الله وجهك يا غالي
لك بالغ احترامي و تقديري فشكرا من الأعماق لك

 

[ابو خالد الهذلي]

مبروك اخوي غريب واديب على هذه القصيدة الجميلة الحاصلة على المركز الاول
ونحن باانتظار قصائد اخرى لك فلا تبخل علينا

 

[أبو حمدان]

الف مليون مبروك للشاعر الهمام (( قريب وأديب )) وصح الله لسانه حقيقة قصيدة رائعة وتستحق الفوز بجدارة وننتظر من شاعرنا الهمام المزيد من الإبداع .

 

[غريب وأديب]

[align=center]الأخوة الكرام

الخوال الأعز اء

السلام عليكم ورحمة الله وبركاته

شكراً على صدق مشاعركم وكريم خصالكم

شكراً لكل من شارك في رثاء المسعودي

شكراً للجنة والقائمين على المسابقة

ملاحظة/ كل من رثى المسعودي فهو فائز[/align]

 

[هذلي والفخر لي]

مبروك يالبناخي

وتستاهل اكثر والمعذره على التأخير ان حصل

والله يرحم المسعودي