ام الخلايق كيف ما ترحم قوي ولا ضعيف ( للعموم )

[العقيد]

السلام عليكم ورحمة الله وبركاته
اخواني شعراء واعضاء منتدى قبيلة هذيل العريق اسمحولي على هالطاروق و ....

خلوووووووووووووووها

سلام ردية كما سيف العرب صيف وخريــــــــــــــف 000 يوم اعتزى هاجوسنا عباد قدم اجموعهـا
ام الخلايق كيف ما ترحم قوي ولا ضــــــــــــــــعيف 000وعيالها راحوا لها وجبة عشا في جوعها

 

[هشام الهذلي]

يا مرحبا يا مرحبا وأقلط على دله وكيف **** فـ الحله اللي تحتمي كل العرب بدروعها

وأم الخلايق ما لها فـ الحكم الأول والوصيف **** ملزوم مربطها بيّد اللي يعرف يصوعها


يا مرحبتين بمطوّل الغيبات أخونا العقيد

 

[مشعل الهذلي]

حيا الله العقيد ..
كنت ناوي العب معك واتعلم منك لكن أخوي هشام يسد ..

صح لسانك اخوي هشام ..

 

[ابو سعد]

حياك اخوي العقيد


و بيتين رائعه صح لسانك


و مجاراه اروع من اخونا هشام و صح لسانه بعد






تحياتي ,,,

 

[هشام الهذلي]

هلا وغلا بالأخ مشعل الهذلي

والأخ أبو سعد

مروركم أسعدني

..........

الأخ العقيد

يوجد في أعلى الصفحة موضوع خاص للتسجيل للمحاورات

ولكن بما أنك قد بدعت فلن نلغي المحاورة

ولكن ليكون اليوم السبت لقاءنا هنا الساعة 9.30 مساءُ

إن كان الموعد مناسب لك

أو ضع موعد يتناسب معك تقترحه أنت

وأهلا بك أخي مرة أخرى

 

[العقيد]

خلوووووها

دام البقا دام البقا لهذيل مير الحق سيف 000 من عزوةٍ بسيوفها قامت دول في طـوعها
اتقولها وفعولها جابت نجاسة للنظيف !!!000 والله ولي العرش موصلها على مقطوعها

الله يبقيك يا هشام مرتين وابشر بالغنايم ....

 

[العقيد]

الله يحييك ويبقيك يا مشعل الهذلي ويشرفني اللعب مع اي شاعر متمكن وكلكم فيكم الخير والبركة ...
بعدين انت لا تكبرني وتحط نفسك انك تعلم مني يا شيخ انا اتعلم من الجميع وجعلني الله مستفيد ومفيد ..

تحياتي

اخوك
العقيد

 

[العقيد]

اخي وعزيزي ابو سعد ...
الله يبقيك ويبقي جميع اهل التراحيب من هذيل وتكفي ترحيبتكم بالمنتدى اللي تقول
مرحبا حيل عدد السيل العقيد في منتدى هذيل ..

الرائع حضورك وتشريفك هنا ...

تحياتي ،،

اخوك
العقيد

 

[هشام الهذلي]

الله الله الله

صح لسانك يا العقيد

وهاك الرد

الله ولي العرش وثق حكمها والحال شيف ***** من وين ما لديت عينك شارعٍ مشروعها

وإن كان مريت المراغة لا تحسف يا حسيف **** لا بد تشناك بمراغتها وشين طبوعها

 

[العقيد]

مع اللــــــــــــــــــــــــــه ..

اهل الشعر جوكم مع البنيان يبنون المضيف 000 ويل العرب مما اقترب بغياب نور شموعها
لابد مايــُكشف جبين الطين لعيون الكفيف 000 مير البلا وش هو مصير اهل النظر بسموعـها

 

[هشام الهذلي]

طيب طيب

بعض السوالف خلها يا صاحبي حيد الرصيف **** والشجره اللي ظلتك وشبك تهز فروعها

أما رضيت الحق ولا ّ لا تدوّر لك وليف **** بكرة سنين الحق يضرب روسكم فاروعها

وين الصفوف يا النشامى

 

[مشعل الهذلي]

السلام عليكم ورحمة الله وبركاته.
مساكم الله بالخير أخونا الشاعر العقيد ..
والشاعر الغالي والأخ هشام..

ياسلام عليكم واصلوا لاهنتوا ..الله يعطيكم الصحة ..

 

[العقيد]

مـــــــــــــــــــــــــــــــــــــــــــــــــــــــــــــــــــــع الله

سمعت شي وقلت شي وشي شفته قول شـِـيف 000 واختار بين الانتظار او العجل بطـْـلوعها
لاصبح جميع الكون (كان) اكتملت اشروط النزيف 000 توخذ حقوق الخلق صارعها على مصروعها

 

[العقيد]

اخي وعزيزي مشعل الهذلي

حضورك يزيد المحاورة رونقاً وجمالاً

اشكرك على المرور الطيب ..

تحياتي ،،،

اخوك
العقيد

 

[مشعل الهذلي]

لاصبح جميع الكون (كان) اكتملت اشروط النزيف 000 توخذ حقوق الخلق صارعها على مصروعها

حيا الله العقيد...

 

[هشام الهذلي]

هالله هالله

الله وكبر يا عقيد أحوالكم صارت تخيف **** ما أدري علامك تاكل الحلوه وتنكر نوعها

أظننا بنزّل الرتبه وبنردك عريف **** ونذوّقك مر الحياه وهمها وفزوعها


هلا والله بالأخو العزيز مشعل الهذلي

 

[العقيد]

مـــــــــــــــــــــــــــــــــــــع الله

يعني لأنك ضعت بالدمام ما تدخل لعفيف 000 حتى امتلت بطنك بحزنك واستمر بلوعهــــا
منته من الاسرة مجرد شاعر اهذيلي ظريف 000وان قلت ابن عبــاد كل العافيه بتزوعها

مرحبا مليون يا مشعل ...

 

[العقيد]

التعديل طاف وتوني انتبهت يا هشام
والبيوت هي كما يلي :
يعني لأنك ضعت بالدمام ما تدخل عفيف 000 حتى امتلت بطنك بحزنك واستمر بلوعهــــا
منته من الاسرة مجرد شاعر اهذيلي ظريف 000وان قلت ابن عبــاد كل العافيه بتزوعها

 

[هشام الهذلي]

حياك الله يا القرم يا ابن عباد

تهرج بها وأنا ملقمكم من أطراف الرغيف **** ودياركم يشهد عليكم غصنها وطلوعها

أنا هذيلي والهذيلي ما يجي علمه خفيف ****صليب رايٍ لا ألتوت حوله يطش جموعها

 

[العقيد]

مـــــــــــــــــــــــــــــــــــــــــــــــــــع الله :
نفعل بها والهرج لامثالك على الفرسان ريف 000واليوم واحد فيه يكمل شهرها واسبوعها
وانا مطيري والمطيري هابه السيف الرهيف 000 ولاّ انتم الخنجر مع السكين هبتم كوعها