||وش تسوي لاعشقت انسان ماهو من نصيبك!||

[أمــيــ اللثام ــرة]

--------------------------------------------------------------------------------

هذي قصيده نقلناهاااا لكم ......ان شاء الله تعجبكم زي مانالت علي اعجابنا الشديد بابياتهااا سلم لنا ذوووق الشاعر كاتب القصيده....


وش تسوي لو عشقت انسان ماهو من نصيبـك
لا لك بهالوضع يد .. و لا له بهالوضع سبه !!


وشهو ذنبك لو غدى من بين خلـق الله حبيبـك
تعرف إن قربه محال .. و قلبك مصمم يحبه !!



و انته متأكد و عارف يب يجي يوم و يسيبـك
يعني متوقع بأي لحظه يغيب و تغتـرب بـه !!



كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتـب بـه !!



كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه !!



واللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَـرْف انّـك تحبـه !!



ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه !!



وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!





.....منقـــــــــــــول.......

 

[هشام الهذلي]

يعيطك العافية

قصيدة جميلة

مشكورة على النقل

ينقل إلى مجلس المحاولات والمنقولات

 

[فايز الهذلي]

يعطيك العافية على هذي القصيدة

تقبلي تحياتي

 

[مشعل الهذلي]

السلام عليكم ورحمة الله وبركاته.
وش تسوي لو عشقت انسان ماهو من نصيبـك
لا لك بهالوضع يد .. و لا له بهالوضع سبه !!
وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!

الله على هذا الذوق وعلى إحساس الشاعر الغير طبيعي تصوير ولا أروع .....

تقديري أختي

 

[أمــيــ اللثام ــرة]

الله يعفيك هشام وفايز
مشعل هذا كله من ذوقك
مشكوووووووور

 

[هــادي الــهــذلـي]

مشكوره يا بنت عمي

 

[أمــيــ اللثام ــرة]

العفوووووووووووووو
يا ولد العم

 

[مشهور الطلحي]

نوبروبلم (كل واحد يصلح سيارته)

 

[عايش القارحي]

قصيده روعه
وصح لسان قايلهل
والله وعندك ذوق يالكبكبيه

 

[ابوفهد]

واللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَـرْف انّـك تحبـه !!

قصيده رائعه