أبو حمدان
:: عضو جديد ::
- إنضم
- 2 ديسمبر 2006
- المشاركات
- 7,299
رايد الحتيرشي
سلطان السويهري
رايد الحتيرشي
سلطان السويهري
رايد الحتيرشي
سلطان السويهري
رايد الحتيرشي
سلطان السويهري
رايد الحتيرشي
سلطان السويهري
رايد الحتيرشي
مـرحـبـا بالبـعـيـد ومـرحـبـا بالـقـريـب =
ويـن سلطـان غايـب ودي اهـرج معـه
غبـت عنـا ولا بــه شــك مافـيـه ريــب =
وانت رجل ٍ وسيع ومن سعه في سعه
سلطان السويهري
البـقـا والله الـلـي فــوق خـلـقـه رقـيــب =
من ضواحي طريـف ليـا آخـر المجمعـه
وانت واحد من أهل الدار ما انته غريب=
ما انت لاحـق ورانـا مطمـع(ن) تطمعـه
رايد الحتيرشي
ويـن غايـب وحنـا قلـنـا لــك لا تغـيـب =
من سنه لا سنـه منتـه بقـادر تجمعـه
من هل الدار وانته امرك امر اً عجيب =
تعرف الشعر وقالو بانك انت اصمعـه
سلطان السويهري
يا أبيض الوجه مافالوقت شي(ن) غريب =
أرسـل الـحـرف يـمـي والثـمـن تسمـعـه
الذبيحـه غـدت مـا بيـن حصـنـي وذيــب =
كــل واحـــد يـبــى حنـجـورهـا يقـطـعـه
رايد الحتيرشي
كيف توعد وتخلف فالوعد يالصحيب =
والحـروف القديـمـه جـاتـك مجمـعـه
كـل ذيـب يحـد الـنـاب يقنـيـب قنـيـب =
نــار والــي يـجــي لـنــار لا تـدمـعـه
سلطان السويهري
يا بن الاجواد لايزعل علاك النقيـب =
لو يقول اصنع المدفاع قوم اصنعه
الوعد ما يفوّت شـي فيـه النصيـب =
والعرب يعرفون العلـم مـن مطلعـه
رايد الحتيرشي
يابن الاجواد وشبك منفعل مستصيب =
مابـهـا شـــي كـانــك ودك بمـرجـعـه
الوعد وعد عنـد الـي معـرب عريـب =
بطـن جيـعـان منـتـه يـاولـد مشبـعـه
سلطان السويهري
أنـت ودك تعجـب فـي الـزمـان العجـيـب =
ليش ترمي صميلك وانـت فـي المقطعـه
والدمـرجـي بـعـد قـفـل عــلاه الطـبـيـب =
زرفت الباب صكت وأوسمت في اصبعه
رايد الحتيرشي
ظني الي هقيتـه ياعـرب مـا يخيـب =
وانت وشبك تكب الفرض ما تركعه
اليمين الغموس الـي حلفهـا شبيـب =
مــن يعِلـمـه ياعـربـان مــا تنـفـعـه
سلطان السويهري
أنت يابن سليم رحـت شاعـر وأديـب =
واوسـم العلـم وثّـر فيـك يـا مسـرعـه
بعد أكلت العنب وأدرقت عنا الزبيب =
قوم شيل الصحـون اللـي لهـا قربعـه
رايد الحتيرشي
ليش شيبت ياسلطان قبل المشيب =
وانت وشبك تخم الدرب وتضيعـه
وزعتك جاهـزه ياصاحبـي يالبيـب =
والشراب المصفى زين من منبعه
التعديل الأخير:
