ياهيه

[عادل المطرفي]

هذي القصيدة موجهه للمحترم / بدر صفوق العضو في لجنة شاعر المليون
**مناسبة القصيده ** القيت قصيدة في مسابقة شاعرالمليون رقم2
وأعـتـز في آخر بيتين من القصيدة بنفسي وبأهلي وعزوتي اللي هم الشعب السعودي
ما مشيت الا بعز وعز عزي من هلي ما يغير نظرتي كثرالمجامل والمديح
ومن يبا يمشي ويتعب لجل يا صل منزلي بلغـه مني تحياتي وقـوله يستريح

وعندما انتهيت قال المحترم بدر صفوق : وانت وش سويت وش فعلت عشان نستريح وبطريقه غريبه وقلت:

[poem=font="Arial,4,,normal,normal" bkcolor="" bkimage="" border="none,1," type=2 line=0 align=center use=ex num="0,"]
تقول وش سويت وقول ياهيه"="وشلـون تنسى فعلنا قــبل عــامـين
فعّلي تعرفه يا بدر منت ناسيه"="فعل الرجال أهل السيوف الشجيعين
نهار فيه الظـفـر بانت مـواريه"="ما فـتكك الا شلـفـنا يا حمر العـين
ثمّن كلامك وعـرفه قـبل تلقـيه"="قـدمـك رجـــالٍ للمـعـالي عـناوين
حنا هذيل المجد حاضر وماضيه"=" أهل الشعر والسيف والكيف والدين
وحنا عتابه خصمنا سم نسقيه"=" دم العـــدو نشرب منه لين يروين
وحنا قحطان وفعلنا ما نسميه"=" يسمونه اللي يعـرفـون القـحاطين
وحنا جهينة والخبرعند راعيه"="أهــل اليـقـين وللقـبا يــل دواوين
وحنا سلـيم العـرف والعـلم نعطيه"="من خلقت الدنيا على العز ضارين
وحنا الحروب ودمنا ما نخـليه "="نأخذ بثأره صدق لو هـو بعد حين
وحنا مطير وكـل جـرح نداويه "="حـنا رجال الحـق دانـي وقـاصين
وحنا البقوم ومن نوى الشر نعميه"="أرجــال مـا فـيـنا رخـوم ورديـين
وحنا بني زهران والكيل نوفيه"="أهل الكرم والعز في العسر واللين
وحنا بني سفيان والحق نمشيه"="أهل الكرم والجود وهل الميادين
وحنا بني غـامد لنا فـعـل نبديه"="أحـزامـنا مـن نار فـعـله له يـبين
وحنا بني حارث مـطر من مناشيه"=" نمطر على روس ألعداه الملاعين
وحنا بني مالك رجـالٍ مـناويه "=" ونعّـلم اللي ما دروا كـان غـاوين
وحنا بني شمر هوى العز نشريه"=" أديـارنا للضيف ورد ورياحـيـن
وحنا عسير ابهـا رجالٍ منابيه"=" أمعانقين السحب فـوق الملايين
وكل الجنوب ارجال قاصي ودانيه"=" وكل الشمال أرجال ورجال وافـين
والدار شرق وغرب تزهى مرابيه"=" حنا سعـوديين با لـشرع ماشين
حنا هـل الميقاف والـدار نحميه"=" في حكم ابو متعب زعيم السلاطين
ما تدري انك تحت حضرة معاليه"=" انته وأنا وصحابـك الـلي موالين
وشعب الكويت ارجال والكل نفديه "=" آل الصباح وشعـبهم صدق غالين
وكل الخليج ارجال والظفر نغليه"=" ولا أنت ما دري يا بدر جيت من وين
صحيح من لا يعرف الصقر يشويه"=" ولا الغراب يمـوت ما جاب شاهـين

الشاعر/ عادل بن وصل الله بن علي المطرفي الهذلي[/poem]

 

[قناص الساحل]

كفو والنعم بك اخوي عادل كفيت ووفيت ولاهنت



وعساك على القوة والعز دايم



اخوك قناص الساحل

 

[مشعل الهذلي]

السلام عليكم ورحمة الله وبركاته.

الأستاذ الكريم والشاعر عادل المطرفي..
تناقشنا في موضوع شاعر المليون والحقيقة أنهم غير مؤهلين لتقييم الشعراء أصلا ...
ومن هذا الصفوق الذي تتحدث عنه رغم متابعتي للشعر لم اسع شاعرا أو ناقدا بهذا الإسم فمن هو ..
صحيح مـن لا يعـرف الصقـر يشويـه"
" ولا الغـراب يمـوت مـا جـاب شاهيـن..

ولو ان الي جاه يكفيه فإني أتمنى أن يأخذ الموضوع حقه لإظهار الوجه السئ لهذا البرنامج فليس من حقهم أن يتحدثوا عن موضوع خارج إطار الشعر ....

لك تقديري.

 

[نجــ هذلي ــد]

بيض الله وجهك وصح لسانك ياعادل

قصيدة جزلة ورد جزل

ولو أن المنة بالمعروف من أطباع العرب كان كتبنا مجلدات في أفضال السعودية على دول الجوارولكن الطيب وأنا أخوك هو الي يفعل الخير ولا ينتظر جزاه والردي مهما سويت له مايملى عينه

 

[سلطان السويهري]

صح لسانك اخوي عادل


وبيض الله وجهك ونصرك

 

[من أبناء هذيل]

حقه وما جاه
و لافض فوك الاخ عادل بارك الله فيك .

 

[هشام الهذلي]

صح لسانك أخوي عادل

ولعل أحد أكبر عيوب اللجنة

هو تركها للنقد وتوجهها لأمور خارجه عن أطار النقد

وأعتقد أن الصفوق يعد هذا أول ظهور له في البرنامج وحينما تكون هذه هي البداية فأنا لا أمل خيراً في القادم منه

تقبل تحياتي وتقديري

 

[أمــيــ اللثام ــرة]

صح لسانك اخووي
وبارك الله فيك
تحياتي للجميع

 

[اللحياني الهذلي]

صح السانك و هذي قليلة فيك

و ليته يقراها هذا المصفوق

 

[ذيب الاشراف]

صح لسانك وبيض الله وجهك اخوي عادل

واصلا اللجنه غير مؤهله لتقيم الشعراء .......


تقبل مروري
اخوك \ذيب

 

[عاشق هذيل القارحي]

[poem=font="Arabic Transparent,4,#ffffff,normal,normal" bkcolor="#ff1493" bkimage="" border="none,1," type=1 line=0 align=center use=ex num="0,"]
ثـمّــن كـلامــك وعـرفــه قـبــل تـلـقـيـه"
"قــدمــك رجــــالٍ للـمـعـالـي عـنـاويــن
حنـا هـذيـل المـجـد حـاضـر وماضـيـه"
أهل الشعـر والسيـف والكيـف والديـن [/poem]



اخوي عادل المطرفي بيض الله وجهك

وصح لسانك


تحياتي لك
عاشق هذيل القارحي

 

[ابو سعد]

صح لسانك اخوي عادل


و رد قوي ألقمته به حجرا ... بارك الله فيك






تحياتي ,,,

 

[أبو حمدان]

أخوي عادل بيض الله وجهك أي والله بيض الله وجهك وين ماوجهت ، وأنا دائماً أنتقد هذا البرنامج ولجنة التحكيم اللي فيه لأنهم بصراحة غير مؤهلين للحكم على الشعراء ومن هم هؤلاء اللجنة إنهم شعراء وقد قرأت وسمعت للعديد منهم قصائد شعرية لو ألفنا مجلد كامل في نقد قصائدهم لما كفى فكيف بهم ينقدون ويحكمون على قصائد غيرهم . وفوق كل هذا يخرجون عن إطار النقد والحكم على القصائد إلى أمور أكبر من حجمهم هذا الذي لاينبغي . ومن هو هذا المصفوق مدري الصفوق اللي ينتقد ويتساءل مالذي فعله السعوديون من أجل راحة ضيوفهم وزوارهم وكأنه يجحد كل الجهود الجبارة التي تبذلها السعودية من أجل هذا الهدف السامي والنبيل ( راحة الزوار والحجيج والضيوف وغيرها ) .

هذا الشخص لايمثل إلا نفسه فقط والجبال لاتهزها الرياح .

 

[عز الرفيق]

أخوي عادل بيض الله وجهك على هالابداع

بس يا أخوي ترى ما يتأهل في شاعر المليون
الا من عنده دعم

فكل الي تأهلوا سابقا أو سيتأهلون الأن لا بد أن يكون لهم واسطة

أما من لجنة التحكيم أنفسهم وهذا ما صرح به أحد شعار المليون الثمانة والاربعون
عندما قال بأنة شارك بناءً على دعوة تركي المريخي لة
طبعا في موقف مثل هذا مستحيل أخويا تركي يفشلونة

أو يكون الدعم ؟؟؟
أو رجل اعمال


والله لو يشارك المتنبي ما معه دعم ما يتأهل


على العموم بيض الله وجهك
وصح لسانك

 

[عادل بن تركي الهذلي]

حـنـا هـــل المـيـقـاف والـــدار نحـمـيـه"
.........." في حكـم ابـو متعـب زعيـم السلاطيـن
مـا تـدري انـك تحـت حضـرة معالـيـه"
........." انـتـه وأنــا وصحـابـك الـلـي مـوالـيـن

الشاعر : عادل وصل الله المطرفي

صح لساااانك على هذه القصيده

وعسى هذيل على العز والقوه

تقبل تحياااتي