هنا تسجيل اقوى بيوت النقض والفتل

[هذلي والفخر لي]

يقول الجبرتي:

عظامي يابسه والراس يابس والعيون يبوس
أشوف الضلع قد الحبحبه والحبحبه قده





قال المسعودي:



تبى تآبس عظامك دامت إنك تشتغل بفلوس
بعيرٍ يآكل الضرمه يبى يصبر على الكده

يا سلاااااااااااااااااااااااام

هنا الكلام اللي له طعم

نقض عجيب جدا جدا جدا

مشكور يالذيب الطلحي على التفاعل الجميل

والفرق واضح طال عمرك

 

[الذيب الطلحي الهذلي]

الجبرتي قائلاً للمسعودي رحمهم الله :
أنته سوات الحيّه اللي وازيه في بطن غـور=ترقد بغير فراش - مير انحاش ياحوت البحر

رد عبد الله المسعودي :
انته كما السيّاره اللي عاكست خط المـرور=يسوقها الحشّاش - مير انحاش ياحوت البحر

 

[الذيب الطلحي الهذلي]

وقال محمد ابن تويم
ترى هذي الديره يسمّونها ام سباع=وفيها سباعٍ تاكل الذيب سرحاني

ورد المسعودي الله يرحمه
انا جيتها في الصيف ماجيت في المرباع=وش تقول جيت السبع و السبع ماجاني

 

[الذيب الطلحي الهذلي]

وقال عبدالله المسعودي رحمة الله عليه
ماني بجيب الفصاحه غير عند الفصيح "=" امشي مع الناس واعطيهـا قوانينهـا

مطلق الثبيتي الله يرحمه..
بعض المعاني تعنيني وانا مستريح "=" وام الموازين لا تصغي موازينها

 

[الذيب الطلحي الهذلي]

الــــمــــســــعـــــودي

نهاية يوم ذي الحجه بداية يوم من عاشـور = هـلا يامرحبـا والمملكـه باحلـى لياليهـا

انا ماهمني فالوقت لا مطلـق ولا مستـور = مركبها على قمـة جبـل وتهـز رجليهـا



مــــــطــــــلـــــــق

انا اشوف المدافع فالمحاجي والفرود اتثـور = يدوم الك البقا وانته جملها وانـت راعيهـا

تقوله وانت محني في يديه حنيـة الباكـور = وانا اللي من قديم الوقت طابخها وشاويهـا

 

[الذيب الطلحي الهذلي]

الــــمــــســــعـــــودي


عينت الشايب اللي لقمته ماوصلت الحنجور = فضيحه لن تفلها وان بلعهـا سمهـا فيهـا

منول ياذهبنا كنت في صندوقنـا مصـرور = وذلحينـه تشالتـك الحرامـيـه باياديـهـا


مــــــطــــــلـــــــق

عينت الطرقي اللي شق قدرة شعلة الدافـور = لياجاتـه ضيـوف الله يـزري لا يعشيهـا

انا ماني بشايل لي عصاة راسهـا مشقـور = لكـن التاجـر اللـي جابهـا لازم يوديهـا

 

[الذيب الطلحي الهذلي]

الــــــــــمســـــــــعـــــــــودي

ياخيال وبروق ورعود مسموعه * لكن مايشرب الطير من ماهـا

ما فالسنه حب خوخ ورماني * والحال مايسمـن الا مـن الـزادي

مجنون ليلى سقى الرمل بدموعه * عشرين ليلـه وليلـه مايلقاهـا

البطن جيعان والطرف سهراني * والراس مرشوش بالورد والكادي



مـــــــــــســـــــــــــتــــــور العـــصيمي

كلٍ جوابه على قيس موضوعه * واللي كتبهـا عـرف كيـف يقراهـا

انا على الدرب محدٍ تعداني * احرص من ابـرص وبـادي ورا بـادي

الضحك بالضحك والحرب بدروعه * واللي على البال مدري وش اطراها

جاكم نبـا مـن سبـا ياسليماني=اوحيـت مرسولـه ايصيـح وينـادي

 

[الذيب الطلحي الهذلي]

الــــــمـــــــســـــــعـــــــودي }
ياسـلامـي عـلــى الـلــي طـــال عـنــي غـيـابـه = والمغـيـبـه بـــدون اســبــاب فـيـهــا وفـيـهــا

صـاحــب مشـلـحـه ضـافــي وغـاطــي ثـيـابــه = لا حــــرارة ســمــوم ولا غــبـــار يـجـيـهــا

{ الـــــــجـــــــبـــــــرتـــــــي }
مـرحـبــا يـارفــيــق جـابــنــا الله وجــابـــه = كـــل مــاجــات بـيـعــه غـالـيــه يشـتـريـهـا

يــوم احـضــر كـتـابـي غـــاب عـنــي كـتـابـه = فـــي لـيــالآ يـحـضــرون الـريـاجـيـل فـيـهــا

{ الــــــمـــــــســـــــعـــــــودي }
مامـعـي شــك فـــي خـنــدف ولا فـــي شـبـابـه = وإن مـشــت ماهـجـرنـا راسـهــا فـــي يـديـهــا

كــم عـقــولآ ماتـعـطـي كـــل شـــي حـسـابـه = تـعـرف الـلــي لـهــا مـاتـعـرف الـلــي علـيـهـا


{ الـــــــجـــــــبـــــــرتـــــــي }
مــاش عــود يـشـيـب ويغـتـنـي عـــن شـبـابـه = والـولـد يـذكــر الـلــي قـلــب عـــوده نسـيـهـا

انـــت هـايــب وحـنــا الـلــي لـنــا مانـهـابـه = وان هـبـطـنـا نــبــي مـقـضـاتـنـا نقـتـضـيـهـا


{ الــــــمـــــــســـــــعـــــــودي }
ماعـيـنـت الفـقـيـه الــلــي قـريـتــو حـجـابــه = مـــن حـــروف كـتـبـهـا واحــــدآ مـاقـريـهـا

مـاتـطـول الـمـراجـل فـــي يــديــن الـعـصـابـه = والـفـراشـه ماتـقـطـع جـــوع مـــن يشـتـويـهـا

 

[الذيب الطلحي الهذلي]

مستور..
صدقونى.ليا منى هرجت..الصحيح
شفت عبداللة واقف لة على باب دار

لاحصل شى من قصدة..ولا مستريح
كل ماشاف قبة.قال هذى مزار

المسعودى
من يصدق كلامك يالبخيل....الشحيح
والبخيل الشحيح يمدها..باليسار

احرم اللة عيونك من عيون المليح
تنوى الصيد وانتة ماتحق..العيار

 

[الذيب الطلحي الهذلي]

مستور..
عذبتك الليالى ياللسان الفصيح
كل ماشفتلك طير من العش طار

اخر الوقت اظنك فى مصيبةتطيح
يفقدونك هذيل اهل الكرم والوقار

المسعودى..
انت جتك النصيحة من عميل نصيح
مار ماخذتها بين الضلوع القصار

ياعتيبة توحو فاالعتيبى..يصيح
كل ماشاف لمة شال ثوبة..واغار

 

[الذيب الطلحي الهذلي]

مــــــطــــــلـــــــق
الي وزعه مع الشعار ياليل الطرب محـلاك
نجومك مشرقه واشوفهـا فالعـرش سباحـه
ياعبدالله تهرج كـان دنيـا الملعبـه دنيـاك
انا وانته على درب العرب والمشي بالراحـه

الــــمــــســــعـــــودي
الا ياشاعر ماجابنـي مـن ديرتـي لـولاك
كما دار المصيف اللي نضج خوخه وتفاحـه
ظروف الوفت تبعدني وتدنيني بدون رضاك
لكن الذيب بانيابه فـزع والصقـر بجناحـه

 

[عبيدالله المجيريشي]

[blink]ابيات من محاوره بين الجبرتي وعبدالله المسعودي يرحمهم الله
الجبرتي
اليوم شفت الداب الاحمرملتويله فوق داب==مدري عن اللي مستقي واللي مروح مااستقى

عبدالله

ياللي تشوف الداب ودك تلحقه لكن تهاب == ليتك تمد الساق مع دربه وتلقى مالقى[/blink]

 

[بحر الندى]

حبيب العازمي

رحمك الله ياعبدالله رميت الدلو جوف البير = وصارت قصة مابين قاريها وكاتبها


رد عبدالله المطرفي

انا خايف صلاة الصبح يطلعلك سنام بعير = ويقلون العرب هذا العلوم منين جايبها

 

[فهد الندوي]

م ابيات الفتل والنقض كثيرة واحفظ بعضها ولكن لا تحضرني الأن وسوف اضيفها بمشيئة الله فيما بعد

 

[فهد الندوي]

عباد السفياني


الليلة انا صقر(ن) قوي المخاليب


وخدك اكفوف الصقر ما قواها






عبدالله المطرفي

إن كنت صقر(ن) حر نرسلك وتجيب

جيب الطيور اللي نقلك علاها

اللي يلاحظ كيف عبدالله نقض البيت وقلبه على عباد رد ماكل شاعر يرده










وسمحولي اذا فيه خطا في الابيات او كانت بغير الشكل هذا لانها قديمة

 

[فهد الندوي]

فيصل الرياحي (رحمة الله عليه)

الليلةانا ضامي وبشرب من بحر والا غدير

جعل العدود اللي وصلناها يروي عدها

الفارس اللي مامعه بلجيك وحزامه ذخير

لاعاد يندر في المعارك كان ماهو قدها


عبدالله المطرفي


اشرب من البحر المجرب لين بطنك يستدير

الشربة اللي يوم تاصل للحلوق تسدها

لوالضحك مثل البكا والا الرغى مثل الهدير

يمدي العلوم اللي نواقص كان زلة حدها

 

[بن سعد الهذلي]

شامان بن عجير الهذيلي من هذيل البقوم
كان وهو صغير يشكون انه شاعر واراد وا ان يختبروه ذوي مهدي جبل وجمل وسعيد في احدى الملاعب آنذاك
قال
جمل
ياشامانا ثوبك طارا....... انصحك ترخي فيه شويه
قال جبل
ياشامانا طافي النارا...... ماشبيت نار(ن) حيه
قال سعيد
وان جتك الظبا عبارا...... ماتشوفك يا القفعيه
قال شامان
ثوبي مجوده بزرارا..... وان طار جودته بيديه
خويك كما العطارا.... وانت حمارة(ن) شهريه
تسعى الليل مع النهارا... مابين الحطب والريه
وشامان لما كبر صار من اعظم الشعراء في نجد فهو شاعر الحرب
وهو صاحب القصيدة المشهورة التي منها
العيد قرّب والشهر جا كماله.... بكرة يطب السوق روسِ محناه
والسوق ناخذ مايجي من جزاله... فعلِ عليه جدودنا مابدعناه
وقصايده اكثر من تحصى
وكذلك يوجد قصة تشابه لهذا الحدث وهي ان عيال برمان بن سدير من هذيل البقوم وكانوا صبيان صغار سمعوا ان يوجد عند الشيخ عاضة بن شلهوب شيخ المرازيق طهار في تربة وهم كانوا في تربة فأتوا للعشاء ولما قلط العشاء وضعوا عندهم عنز ووضعوا الطليان عند كبار السن والناس المعروفين مما احز في انفسهم فلما انتهى العشا وقامت الملعبة قام شاعر المرازيق يبحث عن الشعار وكانت تربة في القيظة تجمع اكثر القبايل
قال المرزوقي
الطراقي تليمت اربعين...ياطراقي يامال النكرا
فقام عايش ويقال انه ابن اثنى عشر عام
سامعين الشيوخ مطهرين.... متهمين بذبح الفطرا
قلطونا على العنز السمين.... حيل الضان عنا تقهرا
قال ابن شلهوب الورع هذا منهو منه قالوا من هذيل ولد برمان بن سدير قال بن شلهوب قوموا اذبحوا له طلي هو واخوانه والله لو دريت عنهم لااقلطهم على اطيب الطليان واعتذر منهم بن شلهوب وعشاهم مرة ثانية

 

[الحرف الحزين]

شكرٍالما قدمته ايه المجتهد لكن هناك بعض القصر اما بالصدر اوالعجز بالابيات وهذا لاينقص من جهدك . فقط للاحاطه
اعانكم الله

 

[ابن عطاالله]

البدعه هاذي لشاعر (عطاالله بن عوض السعيدي الهذلي)
وكانت في عرس عند قبيله الثبته
سلام الله برديه ولي بين الرجال حساب
ابرد السلام ومن معه عمله يعاملنا
تولم يالثبيتي ياذنب حيه وراس الداب
نبا نكسر سنون الداب قبل الداب ياكلنا

 

[أبو فارس البلوي]

السلام عليكم

هذه من محاوره بيني وبين الشاعر ناصر عليثه الجهني
اتمنى ان تحوز على رضاكم

ناصر عليثه

ياذيب لاتصير مثل معايد القريتين = = وإلا مثل من لقي قبـه وصلابهـا
أن طعتني لاتقدا غير فى الغانمين = = وبعض البشر يا أبوفارس لاتقدابها

ابو فارس البلوي


ياذيب حذرا تجدد قصة ام القرين = = ياراعي القبه اللي طاح محرابهـا
انا اقتدي في محمد خاتم المرسلين = = المشكله عند ناس الجهل ضحابها
​