في أحدى زوايا السجن
.
.
.
عذراً فلم أجد سواها
فهي عامية
وحزينة
وقديمة
ولكن تذكرتها حينما شعرت بالوحدة
فهي :
أكثر من خاطرة
ومن حكاية عابرة
ليلة فراق وقلم
وورق وبعض إنسان
وأفكار أو أحزان
أو يمكن أحساس بغرابة
أو يمكن أشيائي تشابه
بس الأكيد
ليلة فراق وقلم
حروف تغصبني أو أغصبها
وسطور تكتبني أو أكتبها
وشعور ما مثله شعور
وإنسان غالي
قالوا أنه كان خالي
وترك محله خالي
ليت الزمن يوقف هنا
عند الأخير من الحروف الأربعة
الكلمة اللي كلها ضيق وسعة
ضيقة فراق
وشعور ما مثله شعور
شعور لا قبله ولا بعده
تكره تعيشه حتى في حلمك
لا صرت بعض إنسان
بين الورق تبكي
وأفكار أو أحزان
تتساقط وتشكي
حتى التساؤل عنه
في ساعة الفرقا
وشعورك إنك منه
أقرب ولا تلقا
بعض المصير اللي لقاه
أو حتى نص اللي لقاه
كله مجرد تمتمه
في ليل صعبه تفهمه
في ليل أغرب من غرابه
أو يمكن أشيائه تشابه
كله يأكد لك حكايه
ليلة فراق
وقلم
يمتص بعض جروحك
ما كان يدري أنه
أمتصها من روحك
وترك بقايا منه
تعيث فيك وتسرقك
من كل شي وتخنقك
أو تغرقك
في سطر من حزن وشعور
شعور ما مثله شعور
شعور لا قبله ولا بعده
لا صار كل اللي حفظته من حروفك أربعه
الكلمه اللي كلها ضيق وسعه
[poem=font="Arial,5,#4b0082,normal,normal" bkcolor="" bkimage="" border="none,1," type=2 line=0 align=center use=ex num="0,"]
خالي ولو طال الزمن يبقى محلك خالي = خالي وهذا اللي قدرت من السنين أشوفه
خالي وكل اللي حكيت وكل ما هو تالي = هذا البسيط اللي قويت أجمعه بحروفه[/poem]
خالي وعمري ما نسيت
أني سكت وما بكيت
كأن كل الصدق في عيني غرابه
أو كانت أشيائي مع أشيائي تشابه
كل شي نفس الشي
والحي ما هو حي
من وين دمع
وكيف سمع
وليه صوت
ما عاد فيني حيل أموت
في خاطرة
أو كانت أكثر من مجرد خاطرة
أو حكاية عابرة
في وقت كان الوقت يسألني
وش أكثر اللي تذكره منه
قلت أذكر أنه
وأذكر أنه
وأذكر أنه
لكن أهم اللي بقوله عنه
[poem=font="Arial,5,#4b0082,normal,normal" bkcolor="" bkimage="" border="none,1," type=2 line=0 align=center use=ex num="0,"]
أحيان تتساءل هو أيحس ويضيق = لا صار في الجرح جنبه خشيره
وتتأكد أنه عن جميع المخاليق = سوا ما أحزانه حكايه مثيره
جمع عناه وشدة العوز والضيق = وأعاد تكرير الحزن في ضميره
ونتج على وجهه بشاشه وترويق = وهنا دفن كل الجروح الكبيره[/poem]
ما كان بس إنسان
كان أكثر من إنسان
كان غالي
وترك محله خالي
يا فجعة اللحظة وتقصير الزمن
كيف ابتسم حضن الكفن
لعيون حي
تعرف معه وشلون حي
.
.
.
.
عودة للعنار
وتوجّه للعنبر (( 3 ))
