إليكم أقوى قصيده في المدح

[عادل بن تركي الهذلي]

بسم الله الرحمن الرحيم

هذه القصيده الرائعه والجزله التي لا يجيد حبكتها وصياغتها إلا شاعرً متمكن وصل عرش الشعر وأمتلكه وأصبحت القريحه الشعريه الجزله هي مملكته وحده ....

ولكن العتب الوحيد عليه والتسأول المتكرر دائماً أين هو عن الإعلام وأين الإعلام عنه ؟؟!!

هذه القصيده قالهافالشيخ : زايد بن سلطان آل نهيان رحمه الله قبل وفاته

أترككم مع الابداع والإستمتاع وستجدون إسم شاعر القصيده في ختام قصيدته .

.

من بعد ما جا للقريحه تغاريدجاوبلها قلبٍ من الشوق قايد

وغنٌت معه روس الضلوع العناقيدفرايدٍ ماتزهر الا فرايد

وذعذع لها من نسمة الشعر ترديدوفاحت على البيدا العريضه قصايد

والشعر لن ما فاح مع صحصح البيدانا اشهد انه ياهل الشعر بايد

شرايده مثل الجوازي شواريدولاكل قناصٍ يصيد الشرايد

يزها الملوك اهل الفعول الاماجيداللي لهم روس الثريا وسايد

اللي بنوا في صدر الامه تقاليدحتى غدت في صدر الامه قلايد

امثال منهو زاد باالمجد تمجيدزايد اليا عدوا نهار المزايد

غانم لابن غانم وزايد لبو زيدوكلك سماحه ياوسيع البنايد

معك الملوك ايام يافرحة العيدومقابلك قبل المعايد معايد

فرحة قلوبٍ من دهرها مهاجيدومن الطنا تشكي صنوف الزهايد

وسبع المراجل حازها دون تحديدمعها كثير الناس عنصر محايد

الدين الاول مايباله شواهيدعلى كتاب الله وخير العقايد

وطيبك وتوحيدك مع الناس توحيديلوح براقه نهار الشدايد

كنك شهابٍ فوق روس النماريدوقايدٍ سعٌر عليها وقايد

اتهيد عن طاريك باالدين وتحيدومصفده با مر الولي باالحدايد

وبالعروه الوثقى يدينك مجاويدمتجودٍ في حبلها ما تحايد

والثانيه طبع الكرام الاجاويدمن جود ربي جدت يابا الجوايد

فيك الكرم موجود مع رضعة الديدطبيعةٍ ماهي مجرد عوايد

يابو عطاياً للعطايا مواريديورد عليها من جميع البدايد

ومقيدٍ شح المخاسير باالقيدومن العطا مطلق عنان الفوايد

وللطيب في وجهك مواري وتخليدوراحة يدينك للبرايا موايد

والثالثه لك فاالشجاعه مواعيداما النصر ولا عبير الشهايد

فعلك بريد الموت بين البواريدرسايله روس النشاما ردايد

مخلي صناديد المخاطر رعاديدوكايد بفعلك فوق كل المكايد

وتارك رعاديد السلامه صناديدتبا تصيد من المخاطر صوايد

قدايمٍ فيها على الطيب تجديدوسيل القدايم في شعيب الجدايد

حتى لبست من الاماره مقاليدحكمٍ مقاليد زها كل قايد

وخليت الامارات من بدت الغيدغيدً يشيد بزينها كل شايد

عنقا تطاول عنقها تلعة الجيدببروجها اللي في سمها عمايد

والرابعه فيك الذكاء له مواقيدمتوقدٍ تسري بضوه مشايد

عن شوحة تقصر عيون الحواسيداللي هدبها للنشاما مصايد

وطامح طموحك في سما الفكر وبعيدكنك على السماكين سايد

وكنك اليا حلقت باالفكر تسهيدنشوف في عينك نجومٍ بعايد

والخامسه حب الجهام المعاويداباعرٍ من دون اهلها سنايد

سوق الغناه وجوخة العز والفيدوبيت الذرا يوم السنين النكايد

سماح الوجيه مصوبرات المفاريدكبار الجماهي طيبات العدايد

عراض الدفوف ملحفات العجاريدوساع المناحر لينات الجرايد

نقحا السنام اللي على حدها حيدوعثانينها عكشٍ سوات الكتايد

وشط الوروك اللي سوات الجلاميددرام السماري والكراسع مدايد

واحاليلها روس الجمامير في حيدمطفحاتٍ مع طرفها بجايد

الشقح والحمر العرابا المواديدوالسود والوضح امهات الوجايد

من دونها يفرون روس الاواليدبحدب السيوف اللي خبرها وكايد

والسادسه عسف المهار المقاويداصايلٍ ما في نسبها جحايد

قب الضهور المسرجات الصواهيداللي مخاذعها سوات اللحايد

وكن الهلال اموسد الراس توسيدوزوايده روس الاذاني زوايد

غرٍ لها من نجمة الصبح تصعيدفي جبهة الليل القصير المهايد

عبال القوايم ضامرات الاسانيدشلع المناخر شامخات القوايد

احجال الايدي والسراجيف صعٌيدواذيالها مثل الشعاع المقايد

شقرٍ اليا شالت على جرهد الريدتقطٌعت عنها سراب الوهايد

تخلي صفا خد البسيطه تجاعيدوتطوي مناكبها سوات الجرايد

والسابعه حب الطيور الجواريدشقر الحرار اللي تشيل اللهايد

جرد العواتق والمناكب عواميدحرش الكفوف امبرزات الصوايد

وعيونها فص الخواتم مقاعيدسود الفصوص ام السواد المحايد

وكن الطواقي فاالثنادي مشاديدوفيها من الزري المقصٌب رجايد

وعنها المواسي والذنيبا عراجيدمتعاقباتٍ مثل هدب الجرايد

وان حولت مثل النجوم المراويدعلى نحا طلعٍ عن الجول نايد

وطاب محداها فاالحزوم الجراهيدعلى الجيوب وخابرين الوعايد

وراحت نماريد الحباري ملابيدفاالقاع واللي فاالخضيرا طرايد

ولا كنها وان كوسرت فاول الصيدمتمشلحٍ في دحة العرس قايد

ثم داسها بين القشع والجراميدوخلا مزوع الريش عنها فنايد

وزانت هواية كل قرمٍ وصنديداهل الوناسه مبعدين الضهايد

وهاذي مشاعر خاطري ياالقواصيدمرادها ما ياصله كل رايد

والشعر يزها فاالسلاطين ويزيدخصاً ليا من صار فاالشيخ زايد

علمٍ صحيحٍ مايباله تواكيدواللي مكذبني يسال القصايد

.

الشاعر : صالح بن دخيل الله المطرفي الهذلي

.

 

[نجــ هذلي ــد]

قصيدة قوية بمعنى الكلمة وجزلة ولو لم تكن في زايد لجزمت بأنها من قصائد الشعراء الاولين لقوة ألفاظها وعمق معانيها ولا أخفيك قبل قراءة كاتبها تمنيت انها لشاعر من هذيل.

أكثر مااعجبني فيها دقة الوصف للطير والابل

بيض الله وجهك وسلمت على النقل المميز

 

[مشعل الهذلي]

السلام عليكم ورحمة الله وبركاته.
حياك يالنشمي وحيا ماجبت لنا .
ماشاء الله تبارك الله ..
الصدق مايحتاج قصيدة فريدة في تعبيراتها وألفاظها وجزالتها..

والشاعر صالح بن دخيل الله شاعر معروف جدا والحق أقول أنه ظُلم إعلاميا كثيرا لأنني سمعت له من القصائد الرائعة ماجعلني اجزم أن سيكون له شآن ..

تقديري لك يانشمي.

 

[امــ هــذ ـبراطـ يـل ــور]

مشكور اخوي النشمي الهذلي

على هذي القصيدة الجزلة والرائعة

وتقبل مروري

 

[هشام الهذلي]

الشاعر صالح بن دخيل الله المطرفي

مدرسه منفرده وأسلوب خاص

وفي الوقت اللي نشوف الأعلام يركز على الكثير ممن هم أقل منه

نشوف شاعرنا بعيد كل البعد عن الضوء الأعلامي وقريب كل القرب من الضوء الأبداعي


صح لسان شاعرنا صالح

وسلمت أخو ي النشمي على ما نقلته لنا


تحياتي

 

[مشهور الطلحي]

صراحة شاعر وأي شاعرلله دره لافض فوه
ونعم بصالح بن دخيل الله المطرفي لكن لماذ لانراه في منتدنا هنا ونحن بحاجة اليه والى ابداعه.
وشكرا لك ياااخوي على النقل والله يوفقك لما يحبة يرضاه .

 

[عايش القارحي]

بيض الله وجهك

 

[سنا عـــــود]

احسنت
بحق بيض الله وجهك
نقله جيده
في حفظ الله

 

[بكيفي اتحادي]

مشكور اخوي على القصيده

 

[عبيدالله العرابي]

من فرائد القصائد يالنشمي
صح الله فكرك ولاهنت على طرحها هنا
بالفعل من أقوى القصائد التي قرأتها
دمت لي

 

[فواز السعيدي]

صح لسان ابو فااارس


فعلا قصيدة قوية ومذهلة


دايم من عادته ابوفارس يذبح القافية ذبح ماشاء الله عليه



شكرا على النقل اخوي عادل

 

[راعيها]

عــلــمٍ صـحـيــحٍ مـايـبـالـه تـواكـيــدوالـلــي مكـذبـنـي يـســال القـصـايـد

العلم الصحيح انك شاعر مافيك حيله

صح لسانك وبيض الله وجهك والممدوح يستأهل الله يرحمه

وتسلم اخوي على النقل الرائع لهذه القصيده النادره ,,,,,,,,,

 

[مطرفي الدلم]

قصيدة رائعه جداً إبداع من فارس الصحراء .

تحياتي .