محاورة شعرية بين كلاً من سمو الأمير / خالد بن سعود الكبير وتركي الميزاني

[كحيلان لحيان]

يعد شاعر الرد بحاجة إلى الصفوف - الردادة - دائماً، فالشبكة العالمية (الإنترنت) مليئة بالمحاورات المباشرة. وفي هذا العدد نضيف لوناً آخر، حيث ننشر محاورة جرت بين سمو الأمير
الشاعر خالد بن سعود الكبير والشاعر تركي الميزاني.. عبر الجوال:



تركي الميزاني:

سلام الله سـلامٍ للعلـوم الطيبـة عنـوانوأعرف معزبه والضيف في حكمة معازيبه

وأنا لي صاحبٍ ما ينطق الكلمة بلا برهانأبا سولف معه والعلم يدري به وانا أدري به

خالد بن سعود:

ألا يا مرحباً وأهلاً بقلطة شاعر المطرانتراحيب لها بالصدر تشريقـه وتغريبـه

وانا يا صاحبي ما نيب مثلك للشعر ميزانترفق بي ترى توي غشيم وداخلي ريبـه

تركي الميزاني:

يدوم الك البقا والطير ما يكفخ بلا جنحـانوانا خابرك صقر وكل صقر له مخاليبـه

سبحنا في البحور اللي تضم اللول والمرجانواخذنا ما نبي والوقت ما تصفى مشاريبـه

خالد بن سعود:

صحيح الوقت ما يصفى وتعكير الزمان ألوانوأشوف الخايبه تعجب وهـذه والله مصيبـه

غدى عند الهزيلة شان والجزله ثمنهـا هـانوسيف الكذب والتهريج اشوف الناس تغزي به

تركي الميزاني:

أشوف اللي تشوفه طال عمرك يالله الغفرانواشوف الناس قامت تبتسم بسنون تركيبـه

لو ان اللي بنى البيت المسمى ثبت العمـدانما شفنا الريح تلعب بين ذرياته واطانيبـه

خالد بن سعود:


يا

كيف الحل والحالة سفينه ما لهـا ربـانيمشيها الهوى من حيث ما هبـت دواليبـه

عربها ترقص وتزفن على حس الوتر والدانيحسبون المعاني صولها من جاب له خيبـه

تركي الميزاني:

اظن الحل نتركهـا تهيـم بغبـة النسيـانعساها من نصيب القيض لا هبت ملاهيبـه

لو أن النابغة مخطي ما عود بالرضى حسانيكفّينا رضى حسـان والوقـت وتجاريبـه

خالد بن سعود:

أنا خابرك ميزاني وربعـك كلهـم شجعـانعلامك يوم عرّض لك هدفها ما تضحي بـه

ترى صمتك عن الغاوي وتصديدك عن الخوّانعذاب للضمير الحي ولا في هرجتـك غيبـه

تركي الميزاني:

أنا مثلت فيك القاف ما مثلت فيـه فـلانوطبعي كل مقفي ما الحقه واشذب عراقيبه

نبي نبعد عن المنقود والمشروه مهما كانولا نفرح على المسلم ليا كثرة عذاريبـه

خالد بن سعود:

اجل بنشدك عن فيلٍ يحب مغازل النسوانتضيق ابه الاماكن والمداخل من لغابيبـه

يقول إلهن انا الساحر انا الباهر وانا الفنانوهو ياكل شنق غيره وكل داري بعيبـه

تركي الميزاني:

سمعت انه على كبره يحس بعقدة النقصانمجند له رعاة تمدحه وتقـول يـا طيبـه

لكن الفيل يبقى فيل يوم ان الحصان حصانوضلع طويق ما كل يبي المرقى يعدي به

خالد بن سعود:


ما

بين ممسح الريضان وبين ملهي الرعيانغدى ما للجزاله دور ولا لاهل السنع هيبه

الا يال الزمان الشين الا يا ضيعة الوجداننزل في سوق ابن قاسم وكلٍ قال كم هي به

تركي الميزاني:

من أول كنت يا هداج تيما تروى الضميانلكن اليوم جمك ما نذوقه مـن غثاريبـه

لا بد الوقت يكشف من هو الرابح من الخسرانوكلٍ يلتبس له ثوب في قده يصلي به

خالد بن سعود:

انا يعجبني الشاعر قوي الحبك والبنيانالي منه بني بيته يشوقك فن تقطيبـه

اجاذبه العلوم اللي تونّس والخفا ما بانمثل تركي عساه يفوز بالمليون ويجيبه

 

[مشعل الهذلي]

السلام عليكم ورحمة الله وبركاته.
أخوي كحيلان لحيان..
نقل موفق والصراحة بيوت جزلة لشعراء كبار رغم اني لم أعتقد أن الأمير يجيد شعر القلطة..
لكنه أبدع أما تركي فليست بغريبة عليه..

وفقك الله..

 

[نجــ هذلي ــد]

يعطيك العافية محاورة رائعة أعجبتني كثيراً ومثال للمحاورات الخالية من التعصب وإن لم يكن هناك مجال للتعصب أصلاً

بالنسبة للشاعر الأمير خالد بن سعود فهو شاعر متمكن ومتواضع جداً وقد لاحظت حسن خلقه في كثير من المقابلات وهو أفضل من الكثير من الشعراء الذين يحبون الظهور الاعلامي


مشكور ياكحيلان

وياليت أحد من الأخوان يوضح المقصود

اجل بنشدك عن فيلٍ يحب مغازل النسوان****تضيق ابه الاماكـن والمداخـل مـن لغابيبـه
يقول إلهن انا الساحر انا الباهر وانا الفنان ****وهو ياكـل شنـق غيـره وكـل داري بعيبـه

 

[كحيلان لحيان]

السلام عليكم ورحمة الله وبركاته.
أخوي كحيلان لحيان..
نقل موفق والصراحة بيوت جزلة لشعراء كبار رغم اني لم أعتقد أن الأمير يجيد شعر القلطة..
لكنه أبدع أما تركي فليست بغريبة عليه..

وفقك الله..

على الرحب والسعه

 

[كحيلان لحيان]

يعطيك العافية محاورة رائعة أعجبتني كثيراً ومثال للمحاورات الخالية من التعصب وإن لم يكن هناك مجال للتعصب أصلاً

بالنسبة للشاعر الأمير خالد بن سعود فهو شاعر متمكن ومتواضع جداً وقد لاحظت حسن خلقه في كثير من المقابلات وهو أفضل من الكثير من الشعراء الذين يحبون الظهور الاعلامي


مشكور ياكحيلان

وياليت أحد من الأخوان يوضح المقصود

حياك يا هذلي نجد

والفيل يقصد به (الشاعر اللي ياخذ قصايد غيره ويشتريها ) بس عاد من يقصد بهذا الفيل كشخص ... الله العالم .....

 

[هشام الهذلي]

سلمت أخو كحيلان لحيان

نقل موفق ومحاورة قمّة

والمعاني كلها تدور حول الشعر

بدأوا بالمحاورة

وأنتقلوا للنظم

وأنا أوافقك في تفسير البيت اللي أستفسر عنه أخوي نــجــ هذلي ــد

يعطيك العافيه

أخوي