يا أيها المطــران أنا عندي كــلام .. المطرفي ومطير

[نواف المطيري]

تحيه للكل هناا


إليكم قصيدة عزوه جديده لمطير للشاعر الرائع حماد بن حمدي المطرفي الهذلي
ألقاها في حفل الملازم أول / عبدالرحمن بن الشيخ عبدالله المندهه


فكل الشكر لحماد وبيض الله وجهك وأنت من قبيلةٍ
عزيزه وشامخه تحضى بالإحترام والتقدير

هذه القصيده منزله بمنتدى مطير ومثبته للإبــــــد


لأنــــه لايأتي بالجزالة الا من كان اهلا لها

تلك الشامخة بشموخ من قيلت بهم تستحق ان نصفق طويلا لشاعرها

حمـــــــــــــــــــاد المطرفي

ابدع وصور في اجمل حله

تواجده استاذ القصيد واختياره تضفي على الشعر هيبة وقبولا.


لك كل التقدير والاحترام






في خمسه وعشرين بعد أربعميه بعد ألف عـام
إثناعشـر ستـه مـن أيـام السنـه وأليالهـا
جاني كتـابٍ فيـه ترحيـب ومعـزه وإحتـرام
لحضور حفل مطيـر جعـل الله يزيـن فالهـا
واليوم جيت ملبي الدعوه وأقـول إلهـم سـلام
فـي ليلـةٍ مـاغـاب فارسـهـا ولاخيالـهـا
ليلة فرح فاحـت بوردوغنـت ألحـان الحمـام
ساقـت بشايرهـا وغنـت للطـرب موالـهـا
برق ورعد هتانها منهـل مـن وبـل الغمـام
يعانـق الطايـف وأراضيهـا وروس إجبالهـا
الليله اللي تجمع الأصحاب فـي أمـن وسـلام
بحضور شيـخٍ شيختـه فـي دقهـا وجلالهـا
شيخة وفا شيخة حميـه مـع نزاهـه وإلتـزام
المندهـه كــلٍ يـقـدر كلمـتـه لاقالـهـا
راع اللزوم وعن لزومه طـول وقتـه ماينـام
وأهل الوجوب لراعي الواجـب تشـد إرحالهـا
ياأيها المطران أنـا عنـدي بعـد هـذا كـلام
تصغـي لـه العقٌـال وتحطـه مثـل لأمثالهـا
عزوة جموع مطيـر أيـام المعـارك والزحـام
مطيـر حمـران النواظـر والسعـد يبرالـهـا
وإحنا نقول: مطير حمران النواظـر والحسـام
عزوه جديـده للرجـال اللـي تسـر أفعالهـا
كم سربةٍ قـدام سبـق خيلهـم راحـت عـدام
لاطالـت الوقفـه مطيـر مقصريـن أطوالهـا
أمر العبادل عند بـن جبريـن جـلاي المـلام
إلياأنتخيت إبهـم جـلا عنـك المـلام إقبالهـا
وإبن بصيص في جموع بريـه يـوم الإلتحـام
حـلال معضلـة المشاكـل لاعجـز حلالـهـا
وجموع علوى تحت رايات الدويش إلها إزدحام
كم خاض معضلة الجموع اللي يفـك إشكالهـا
شيخ الشيوخ اللي يكف مطير عن شرقٍ وشـام
لاصبحـوا قـومٍ تشـد القـوم مـن منزالهـا
ماعندها وقت اللقا للخصـم ضحكـه وإبتسـام
ينـدار بالفنجـال ماواحـد شـرب فنجالـهـا
أهل الكرم مـن سابـق الأيـام لاعـد الكـرام
وأهل الشجاعه يـوم تقبـل للجمـال إجمالهـا
وأصحاب جيره جارهم لاحـل فيهـم مايضـام
ترفى خماله وتحمـى مالـه بـروس أموالهـا
وأهل نواميسٍ لهـا حـظ الأسـد بيـن الأنـام
العرف عنـد قضاتهـا والشـور فـي عقالهـا
قبيلـةٍ تستاهـل العليـا وتمـشـي لـلأمـام
قبيلـةٍ ربـت علـى العلـم الجميـل عيالهـا
وإن قال صاحب حقد مايخرج عن احدود النضام
أقول له : وقـف وثمـن كلمتـك وإصحالهـا
مطير جمـعٍ فـي مواقفهـم تضيـم ولاتضـام
ماأقول عنهم غيـر يكفيهـا حميـد إخصالهـا
الحـي منهـم للبقـا والميـت منهـم للرحـام
لو كان الأنفـس عنـد ملاهـا كتـاب أجالهـا
قلته وأنا ربعي هذيـل اللـي شواهدهـم ديـام
أرسوا لهم تاريخ مـن صـم الحجروأرسالهـا
أهل الفصاحه والحصافه والمواقيـف العضـام
نالوا بهـا أمجـاد ماأحـدٍ فـي حياتـه نالهـا
أصحاب سيدنا رسـول الله وأنصـار السـلام
معـارك الأبطـال لاقالـوا هـذيـل ابطالـهـا
وأرجو السموحه لو حصل مني خطا ياأهل المقام
عـذراً جميـل الله يجمـل للرجـال أحوالهـا





الشاعر / حماد بن حمدي المطرفي الهذيلي



عزوة جموع مطيـر أيـام المعـارك والزحـام
مطيـر حمـران النواظـر والسعـد يبرالـهـا
وإحنا نقول: مطير حمران النواظـر والحسـام
عزوه جديـده للرجـال اللـي تسـر أفعالهـا


.

.



لن انسى هذا الاسم


( حماد بن حمدي المطرفي الهذيلي )


الله يصح لسااااااااانه ويطول بعمره ويقدرنااا على رد الجزاء

والطيب ماله الا الطيب

.

 

[ابو سعيد]

صح لسان الشاعر
وأنتم يالمطران تستاهلون ما قال وزود .

أخوك / فيصل بن سعيد .

 

[هشام الهذلي]

عزوة جموع مطيـر أيـام المعـارك والزحـام
مطيـر حمـران النواظـر والسعـد يبرالـهـا
وإحنا نقول: مطير حمران النواظـر والحسـام
عزوه جديـده للرجـال اللـي تسـر أفعالهـا


ألف ونعم بمطير


حمران النواظر والحسام


وصح لسان الشاعر حماد المطرفي



نقل رائع


من شخص أروع


نواف المطيري ... شكرا

 

[هــادي الــهــذلـي]

أشهد ان الجزل مايجيبه الا الجزل

وحمرا ن النواظر كفو ويستاهلون وحماد مايمدح الا من يستحق المدح

تسلم ياولد مطير على النقل وصح لسان قايلها

 

[سلطان الندوي]

والله ونعم بقبيلة مطير

وتستاهلون أكثر

وصح لسان الشاعر حماد المطرفي

لقد اشرت مراراً وتكراراً بهذا الشاعر العملاق

لابد ان نلتفت الى هذا الشاعر ونكرمه

ونحفظ قصائده التي تحسب في الوقت الحالي معلقات مقارنة بالغث اللي يقولون عنه قصائد

ومشكور أخوي نواف على المشاركة الرائعة

 

[هذلي والفخر لي]

صح لسان الشاعر حماد المطرفي

ونعم بمطير وسبعة انعام

يستاهلون المدح

وهم كفو له

 

[مشعل الهذلي]

السلام عليكم ورحمة الله وبركاته.
حياك أخوي نواف...
وماعليك زود حماد المطرفي غني عن التعريف ..وشاعر كبير.
ومطير يستاهلون المدح ...ونعم فيهم .

فعلا قصيدة لا تُنسى ....

 

[ذيب الفيافي]

والله ونعم بقبيلة مطير حمران النواضر
وصح الله لسان الشاعر حماد المطرفي

 

[ابو ياسر]

صح لساااااااااااان الشاعر
وتستاهل مطير

 

[نواف المطيري]

ابو سعيد

والنعم بحالك
كم يسعدني هذا الحضور
وكم يسرني هذا التواصل الكريم
اشكرك لحضورك الرائع بصفحتي
واعجابك بما نقلت
واتمنى من الله لك التوفيق
تحياتي وتقديري

 

[نواف المطيري]

هشام الهذلي

ماعليك زود

والنعم بحالك

يسعدني هذا المرور الرائع

وتخجلني كلماتك الجميله

بقدر مايسرني حضورك العزيز

اتمنى ان اصل الى الجزء
اليسير من ذوقك وطيب كلماتك
الاكثر من رائعه ومهما كتبت
من عبارات لن اصل الى ذوقك
تسلم على هذه العبارات الرقيقه
واشكرك واكرر الشكر لك
تحياتي وتقديري

 

[نواف المطيري]

هادي الهذلي

والنعم بحالك


كلماتك لن استطيع القول عنها
الا رائعه من انسان ذواق مبدع
كم اسعدني هذا المرور العزيز
وتمنياتي ان اكتب مايليق برقة
مشاعركم وجمال حضوركم
ودعمكم لي بالتواصل الرقيق
ومهما قدمت من شكر وعرفان
لذوقكم وذوق شاعركم ماوصلت الى جزء من ذوقكم
ولك مني تحيه عاطره وشكر موصول
لعباراتكم الجميله واشكركم واكرر الشكر
لك اخي العزيز
تحياتي وتقديري
واحترامي

 

[نواف المطيري]

اخي العزيز نداوي

والنعم بحالك

ومهما سطرنا لايكفي بحق شاعركم حماد الهذلي



اسعدني هذا المرور الجميل

والتميز هو تواجدك الرائع بصفحتي

وكم يسرني تواجدك بكتاباتي وردودك
الاكثر من رائعه وتسلم
يعطيك العافيه
وفقك الله
تحياتي وتقديري

 

[نواف المطيري]

هذلي والفخر لي

والنعم بك ياالغالي




اسعدني هذا التواجد الجميل
وأنار صفحتي هذا الحضور الرائع
وكم يسرني هذا الاطراء من شخصك
العزيز مع تمنياتي ان اصل الى ذوقك
لك تحياتي

 

[نواف المطيري]

مشعل الهذلي

والنعم بحالك

البقى يالغلا

اسعدني هذا التواجد الجميل

تحياتي وتقديري

 

[نواف المطيري]

ذيب الفيافي


تحيه طيبه
اسعدني هذا المرور الجميل

يعطيك العافيه
وفقك الله
تحياتي وتقديري

 

[نواف المطيري]

فتى بني ياس

يعطيك العافيه
وفقك الله
تحياتي وتقديري

 

[مطرفي الدلم]

هلا والله ومرحبا حياك الله أخوي نواف في منتداك

 

[أبو حمدان]

والله والسبعة أنعام بمطير كلهم حمران النواظر والحسام (إسم على مسمى ) وانا أشهد إنهم يستاهلون أكثر وصح الله لسان شاعرنا العملاق حماد المطرفي الهذلي وهو بلا شك لسان قومه بارك الله فيه ورفع من شأنه .

 

[ابو سعد]

و الله و النعم بالمادح و الممدوح


قصيده جزله من شاعر جزل


و تستاهل مطير كل خير و كل مديح



و شكرا لك اخوي نواف







تحياتي ,,,