عبدالله المطرفي وحبيب العازمي

[بن معيش]

السـلام عـلـيـكـم ورحـمـه الـلـه وبـركـاتــه

كيف حالكم يا اهل المنتدى اعذروني على الغيبه بس والله غصب عني تعرفون رمضان واشغال الله لا يشغلنا الا في طاعته وقبل لا انسى شهر امبارك عليكم جميع واعاده علينا وعلى المسلمين بكل خير

وهذي محاوره بين شاعرنا عبدالله المطرفي وحبيب العازمي


حبيب العازمي:


انا لي صاحب(ن) غايب وكم دورت له مالقاه
لكن اليوم حصلته وشاهدته علـى الشاشـه
من اول كل ماطب المدينه يشتـري مقضـاه
وذلحينه على رمل الصحاري يبسط فراشـه



عبدالله المطرفي :



لك الله ياحبيب لك صحيب وصاحبك تنساه
وانا ماني مدور ناس عجلانه ومنحاشـه
بعير القوم اكل شوك الكداده وانتفخ علباه
يدور شي مير الشـي لاجابـه ولاناشـه



حبيب العازمي :



انا مانسى صحيبي لين اشوف الارض ماتبغاه
على فين وكلامك زين رايـح ويـن ياباشـه
ياعبدالله هداك الله وقـدم مصحفـك واقـراه
انا والله ماغشك مير غيري نـاس غشاشـه



عبدالله المطرفي :



انا شايف حبيب شايل الرشاش في يمنـاه
وجاه المدفع اللي فجر حبيـب ورشاشـه
انا ماشفت عند اللي تقوله غير عنز وشاه
ويرعاها مع الحضران والحضران حشاشه





حبيب العازمي :



رميت المعترض والمنقرض يوم استوى مرماه
لكن المطرفي لايشفط الكهـرب مـن افياشـه
يقولون الخواجه جا يبا يتجـر وبـاع حـذاه
شراها حضرمي(ن) جدته في السوق فراشـه



عبدالله المطرفي :




نصحك اللي يشيل الحب في كيسه وفي مخباه
يجي تحت الرحا لاجل الرحا للحب دشاشـه

 

[هشام الهذلي]

وعليكم السلام ورحمة الله وبركاته


الله يحيك أخوي بن معيش


وكل عام وأنت بخير وصحة وعافية والله يبارك لنا ولك


ومشكور على المحاورة الله يحفظك


والشاعر عبدالله المطرفي (( أبو فيصل ))


لا يشق له غبار في المحاورة ما شاء الله عليه


ونتمنى عودته للمحاورة

 

[مشعل الهذلي]

وعليكم السلام ورحمة الله وبركاته.
شهر مبارك أخي الغالي.
وحياك الله من جديد .
وبيض الله وجهك على هالمحاورة ..
والله أن عبد الله المطرفي شاعر كبير.. ياسبحان الله .....وحبيب شاعر معروف.

تسلم يالغالي.

 

[مطرفي الدلم]

مشكور على هالمحاوره يابن معيش وتمنى منك أكثر وأكثر وأنا عندي محاوره للشاعرين عبدالله وحبيب وكل يوم أقول أبنزلها ولكن كل يوم ليوم
لكن انشاء الله قريب ابنزلها .

 

[سلطان الندوي]

محاورة رائعة

الله يعطيكـ العافية يابن معيش

وننتظر منكـ المزيد

 

[هذلي والفخر لي]

الحمد لله على العوده يابن معيش

والشهر مبارك يالغالي

سلمت يمينك على ماجابت لنا

محاوره رائعه كروعة ناقلها وروعة شعرائها

لاهنت يالغالي ولا تطول الغيبه

 

[المحسني]

السلام عليك ورحمة اللة وبركاتة


وكل عام ونتة بخير



بن معيش عودا حميدا ان شاء اللة

وبيض اللة وجهك الطيب مايجبي الا الطيب

تسلم يمينك ياغالي وواصل في مسيرتك لاتحرمنا من مجهوداتك

 

[المحسني]

بن معيش

السلام عليك ورحمة اللة وبركاتة

كل عام وانتة بخير ويعطيك الف عافية على مجهودك الواضح


وواصل ال تحرمنا من الكلام الطيب ياطيب

 

[عز الرفيق]

كل عام وأنت بخير يا بن معيش

ومحاورة رائعه وننتظر المزيد

 

[هذلية للأبد]

انا ودي اعرف دائما كل محاورات الهذلان مع حبيب العازمي
ليييييييييييييه ماادري؟؟؟؟

 

[سـامي الهذلي]

مشكور يا بن معيش على هذا النقل الرائع

وبيض الله وجهك وعبدالله المطرفي (( شــــاعــر هــذيل ))

عبدالله المطرفي :

انا شايف حبيب شايل الرشاش في يمنـاه

وجاه المدفع اللي فجر حبيـب ورشاشـه

 

[راعيها]

تسلم ياخوي بن معيش وطيبين طاب حالك والشهر مبارك عليك المحاوره رائعه جداوعبدالله المطرفي نسمعه ونشوف مقتطفات من محاوراته ليش مايحاور في المناسبات العامه عسى ماشر على الرغم ان محاوراته نقض وفتل على مستوى عالي الله يوفقك ويوفقه انشاء تحياتي للجميع

 

[بن معيش]

مشكور عالمرور الجميع والله يجملني معاكم
وبيض الله وجيهكم جميع


تحيـاااااااااااااااااتــي