][يـــلــــعـــــن آمـــــــــكـ][

[محبوب]

السلام عليكم ورحمه الله وبركاته ....


ماتلاحظون ان كلمه يلعن امك ...


انتشرت انتشار غريب ومريب ...

. وصارا لي يقولها عااادي

كانه قايل السلام عليكم ...

والاغرب ان الي تنقال له راضي عااادي ...

كيف وليش ...



بعض الشباب الحين بالعكس صارت عندهم يلعن امك مدحه ...




مثلا يجي واحد يقول والله امس سويت كذا وسويت كذا ,,,

يجي الثاني يلعن امك ياشيخ ...:


واذا قاله يلعن امك مد الخشه شبرين كنه قايله ... شعر يمدحه ..


ولا بعض الشباب ... واحد يسال ثاني ... وش رايك بالدكتور الفلاني ...


يقول يلعن امه ...

=-=-=-=-=-=-=-=

طيب قولي وش دخل امه بالموضوع ...
للاسف الشديد ان الكلمه هذي منتشره عندنا انتشار كثير
وتنقال ببساطه
ولا كنه صار شي .......

وياكثر اللي اعرفهم يقولونها

وللاسف انها تقريبا اكثر كلمه تنقال هالايام ....

الله يهديهــم يارب ..


وش رايــــكم انتم ؟؟


واسسسسسف على الغيبه الطويلة

وشكراااااا لكم

 

[العميد]

أولا حياك الله مره أخرى ..
ثانيا نعم هي انتشرت مثل انتشار النار في الهشيم ..
و صراحه ما عندي حلول لهذه المشكله .. صراحه مستعصيه ..
****
تحياتي .. العميد ..

 

[ذيب الفيافي]

هلاااااااا والله محبوب الساعه المباركه الي رجعت لنا فيها والله[line]

فعلاً أخوي محبوب الكلمه أصبحت شي عادي والعياذ بالله
وأنا ما أقول الا الله يصلح اخواننا وشبابنا

بارك الله فيك يا محبوب
ولا عاد تطول علينا

 

[الهذلية]

إي والله إنك صادق صارت علك في فم شبابنا
الله يهديهم يارب
الله يعطيك العافية أخوي على الموضوع

 

[مشعل الهذلي]

وعليكم السلام ورحمة الله وبركاته.
غيابك مؤثر أخي محبوب ..
ونبارك لك بالشهر الكريم ..

موضوعك أستاذ محبوب قضية أخلاقية ومهمة جدا ودائما نتحدث عن التربية ....وتأثيرها في سلوك الطفل حتى يصبح شابا ....


وفقك الله .

 

[هشام الهذلي]

وعليكم السلام ورحمة الله وبركاته


أهلا بك أخوي محبوب


وحمدا لله على السلامة



قضية منتشرة ونتمنى أن تزول



وأنا من وجهة نظري يجب عدم التساهل مع من يقولها ومحاربتها



بارك الله فيك أخوي محبوب

 

[هــادي الــهــذلـي]

عز الله انك صادق لكن اذا كان كبارنا تعودوا عليها وش عاد تشره على صغارنا

 

[سلطان الندوي]

الله يحييكـ يامحبوب

والحمدلله على السلامة

والله يهدي الجميع المشكلة انها اصبحت عادة لا تفارق الجميع تقريباً

ويغلب الظن ان اغلب الاخوة غافلين عن الكلمة برغم معرفته لمعناها

والله يصلح الحال

 

[خالد الياسي]

هلا محبوب وهذا تسمعه كل يوم في الشارع بين الشباب
و الله اني مره واقف على الشارع انتظر اخويه طبعا رايح الديره
ولا هالشباب واحد منهم يقول يابن الق*** وينك قلت لاوالله اللي قبست بينهم واستعديت افرع بينهم والا احط رجلي طبعا الاثنين ما اعرفهم لكن العصي والحصا لاقصدي قطع الازفلت والرصيف بتتطاير من كبر الهوشه واخاف على خشتي
ولكن ما اطول عليكم وانا افكر والا الشباب ما خذين بعضهم بوس واحضان ما شاء الله اثرهم اصحاب اجل لو كانوا اعداء ويش يقلون لبعض


طبعا الحل لوكل من سمع الكلمه احتقر قائلها ووبخه كان انتهت السالفه ولكن هذا يسمونه زحف اصبح الزاحف قدوه وصاحب العلوم الطيبه والمرجله يسمونه طماع

 

[فـتى هذيل]

والاغرب ان الي تنقال له راضي عااادي

شفت الكلمه على قوتها والله هينه مقابل بعض الكلمات التي سأشرف المنتدى بعدم ذكرها

والله العظيم مصيبه ياأخوان ........والمشكله وصلت _للأعراض_ والعياذ بالله

ومع ذلك تلقاهم مبسوطين من هالكلام !!!!

 

[بكيفي اتحادي]

مشكور اخوي محبوب على هذه المشاركة وهذا الواقع الذي نعيشه من بعض الشباب هداهم الله
ولانقول غير الله يهدي شباب المسلمين ويردهم الى الصواب

وتقبل مرور اخوك بكيفي اتحادي