انقدني ولاتتردد ... كلي آذان صاغية

[فايز الوقادي]

النفس ملت ( هذة القصيدة من بنات افكاري)

النفس ملت والصبر أصبح محال *** والوقت روح والدقايق دقايــق

صبري نفذ والوقت ياصاحبي طال *** والهم باسرار قلبــــي موايــــــق

يمكن تحسن وصار من حال الى حال *** لكن تغيرلية قاعـــد ورايـــق

والله مايدرون ان خاطري شال *** واصبح بحالة مزرية بالحــــقايـــــق

يوم صادقي كذب وروح ولاسال ***وخلى جروحي والدموع الرقايـــق

تسري بليلٍ مظلم فية ماجال *** الصاحي الصاحي بعقــــلة وفـــايـــــق

والله صمتي من طوارية مانال *** وماني بمثل الي متطــفل يهـــايــــق

لأني اعز النفس في ندرة المال *** ولأني صديق الصدق في وقت بايق

هاذي علومي اخذتها من صاحب دال *** للخير والمعروف وماهو بطايق

للشح والنكران والعلم لازال*** لانه لحالة مدرســـــة في الطـــرايـــــق

هذا ابوفايز ليا صار في البال *** تهيجت روحـــــي لاجــــاه عــايــــق

هو الرشيد الي لياصرت باضلال*** وهو الفزيع الي لياكنت ضايــــــق

الله يحفظ والدي حيث مامال *** وهذا الدعـــاء لله رب الخـــــلايــــــق

 

[هشام الهذلي]

حياك الله أخوي فايز


ولك مده ما شفناك عسى المانع خير


وكل عام وأنت بخير بمناسبة شهر رمضان ولو أنها متأخره وبمناسبة عيد الفطر ولو أنه متقدمه



بالنسبة للقصيدة فيها أفكار جميلة والقافية أتقنتها


ولكن فيه بعض الأبيات تحتاج لتركيز أكثر على الوزن


وهذي مع الأستمرار والقراءة راح تتغلب عليها إن شاء الله



وبالمناسبة أقول الله يحفظ لك أبو ك ويدمه لك ذخر ولمن يحبه



تحية طيبة لك أخوي فايز


ولا تقطعنا وأنا أخوك


وحنا معك إن شاء الله باللي نقدر عليه من توجيه

 

[سلطان الندوي]

الله يعطيكـ العافية

وصح لسانكـ

يقولون ماينتقدكـ الا من هو مثلكـ والا احسن منكـ

وانا لا ذاكـ ولا ذاكـ

ولم أصل مرحلة الانتقاد اي لست ناقد

انما متذوق للشعر ومستمع فقط

وتقبل تحياتي

 

[مشعل الهذلي]

السلام عليكم ورحمة الله وبركاته ..
حياك الله أخوي فايز ..
أفكار قصيدتك للحق مميزة ..
والنقد ليس لي وقد تفضل أخي هشام بالتوضيح وأتفق معه .

ننتظر جديدك ........وصح لسانك .

 

[فايز الوقادي]

شكرا اخوي القدير هشام والله اتشرف في نقدك الرائع

وعساك على القوة ياذوووووووووق

 

[فايز الوقادي]

بالعكس يااخوي يكفيني شرف مرورك على الرائع على المشاركة

وعساك على القوة

 

[فايز الوقادي]

اخوي مشعل اشكرك من اعماق قلبي على المرور
وعساك على القوة

 

[ذيب المرخه]

يوم صادقي كذب وروح ولاسال ***وخلى جروحي والدموع الرقايـــق

تسري بليلٍ مظلم فية ماجال *** الصاحي الصاحي بعقــــلة وفـــايـــــق

والله صمتي من طوارية مانال *** وماني بمثل الي متطــفل يهـــايــــق

لأني اعز النفس في ندرة المال *** ولأني صديق الصدق في وقت بايق

بيض الله وجهك يابو عبدالرحمن عز الله جبتها ولا عدمناك
وننتظر منك المزيد
وتقبل مروري

 

[فايز الوقادي]

مشكور ياذيب المرخة والله انك اخجلتني
بمديحك والله يجعلنا نكون عند حسن الظن