حب هذيل
:: عضو جديد ::
- إنضم
- 30 سبتمبر 2007
- المشاركات
- 328
[frame="2 50"][poem=font="Arail,4,#4169e1,bold,normal" bkcolor="" bkimage="backgrounds/8.gif" border="solid,1,#f2b7f0" type=0 line=0 align=center use=sp num="0,"]
عد ما صلو فروض الصلاة الصايمين=اذكر الله واشكره واتقيد بالنظام
ذكر ربي خير ذكر(ن) يقال بكل حين=جل شانه مبدي النور من جنح الظلام
ابتديبه والتجيبه وبه دوم استعين=واذكره فالمبتدى واذكره عند الختام
من لجابه والتجابه كسب دنيا ودين=ومن عصاه اعمى بصيرة ويغشاه الملام
ربنا اللي كلنا تحت رحمته اجمعين=ابتهله وأسأله بافضل اسماه العضام
واطلبه يغفر ذنوبي وذنب الحاضرين=واطلبه عفوه ولطفه نهار الازدحام
في نهار(ن) قدمه احفاة(ن) اعراة(ن) نبين=والعرق بعض المخاليق يلجمها لجام
جعلنا برضاه نحسب من اللي فايزين=بالصلاه وبالصيام ودعانا والقيام
والصلاوات وسلامي على ازكى المرسلين=الرسول المصطفى خير من صلى وصام
وكل عام وانتم بخير ومن العايدين=يا هذيل ومن حضر واستمع نص الكلام
ويا وطنا عاد عيدك وكل المسلمين=كل عام(ن) يا وطنا تعيش امن وسلام
في ظلال القايد اللي يغيث المعسرين=جعل عود(ن) عقبه في فسيحات الرحام
قلتها من هاجس(ن) يعشق القول الثمين=ما يقدم غير شيء(ن) على قد المقام
والبيوت الها شوارد وصعبة ما تلين=كود للي ملهمه ربنا فيها الهام
والمعاني تتعب الفكر والعقل الرزين=من يقول انه تعب من سببها ما يلام
غصت في غباتها من شمال ومن يمين=عاصب(ن) راسي وجاشي ربطته بالحزام
والحقيقة جيت منها معي خفي حنين=ما بلغت لمقصدي واعذروني يالحشام
الطموح اكبر من القول وانتم عارفين=يا رجال(ن) في ضميري لكم كل احترام
عيدكم عيد الفرح فرحتي به فرحتين=فرحتي بالعيد وبشوفكم في كل عام
والتواصل والتكاتف صفاة المؤمنين=والتباعد والتشاحن يجيب الانقسام
يا رجال(ن) تدركون الامور وفاهمين=اجتماع الصف للنا عز وللأمام
والوفاء والطيب سلم الرجال الغانمين=ومن برك في مبرك الهيم لا بده يهام
ولا يلم الشمل كود الرجال المصلحين=ولا يفرق صف الاقراب كود ابن الحرام
يا هذيل انتم هل الفعل والراي السمين=وانتم احفاد الصحابة هل الفعل التمام
بالفتوحات القديمة لهم فعل(ن) يبين=مع نبي الله سطو فالمهمات الجسام
جيتو من اديارهم في قديمات السنين=والسبايب كلبوها الشجاعة والخصام
بأسمكم واموالكم والقبايل شاهدين=ونفتخر باسم الهذيلي لنا مثل الوسام
يعني النا الاصل والاصل به متمسكين=ولا يدس الراس تحت الثراء كود النعام
احتفظنا باسمنا فالجدود الالولين=يوم بعض الناس فالناس ضايع فالزحام
سيرة(ن) نفخربها فالزمان وصادقين=وفعلنا ذكره يحزم الخشوم ام العرام
قلتها اشرح ماضي الوقت للي جاهلين=والحقايق واضحه للرياجيل الفهام
يوم جينا في حضن وانبنا الساس المتين=بارك الله فالمنازل وقام الحظ قام
ما ذبحنا شاة غرم وطلبنا المحسنين=روسنا عليا واخذنا المقاصد والمرام
اثبت اللي قلت لو يسألون السايلين=الكلام اللي بلا ثبات ما يرفع مقام
فعلنا قبل وبعد واحمد الله فايزين=فالمعارك كلها ما نعرف الانهزام
يوم جينا في شعر بالشجاعة نازلين=قالها بشير يوم يعرض فوق العدام
ما نزلنا بالتمسكان وافهم يا فطين=نازلين بقوة الله ونضرب بالسهام
افتخر في فعل ربعي واغيض الحاسدين=عقب اللي ما يماريبهم شرق(ن) وشام
والقبايل نعم ما اقول عنا قاصرين=كل قوم(ن) عندهم طيب ورجال(ن) كرام
يا شباب هذيل واعم كل السامعين=اسمعو مني نصيحه عطوها الاهتمام
طاعة الله يا النشاما وبر الوالدين=ما يخيب اللي عليها يداوم واستقام
والغلو فالدين مكروه وانتم دارسين=الكتاب وسنة المصطفى خير الانام
والمراجل للرياجيل من كد الجبين=خير من نوم المهبل على ريش النعام
والثقة بالنفس والعلم كنز(ن) باليدين=تبني بيوت(ن) بليا عمد كانت هدام
وانتم ابنا قوم للطيب كله حايزين=الرجال اللي تسد اللزوم بكل زام
للعلوم الغانمه والمراجل كاسبين=الشجاعة والكرم والوفاء والالتزام
افعالهم فالفعول مشوقه كل عين=واقسومهم فالديار اخذوا فقار وسنام
اعدودهم في حضن تروي ضما الواردين=وغروسهم في حدود سبيع الها احترام
ما جت بحب الخشوم وكلبوكم خابرين=جت من جهود الرجال اهل العزوم الهمام
وانتم خلف للسلف وانتم عرب واحدين=ومن بينكم لا يصير الشك والانتقام
ترى الرفيق لرفيقه جعلكم سالمين=في سلم والانهار(ن) فيه عج وعسام
والدار بحصونها والرجال المخلصين=والمشكلة بالحلول وخلو الاصتدام
ومن كان فعله بربعه جعل فاله يشين=ولعل بيت(ن) ما تنصاه النشاما الهدام
الطيب عكس الردا يا ربعنا الطيبين=والصف ما ينهزم لا صار فيه التحام
والواجب ان العرب بالطيب متكاتفين=يقدرون الكبير ويرشدون الغلام
ابديت ما يكفي لعقل الذكي والذهين=ويمر ما عبروه الجاهلين الغشام
وذكرت فعل الرجال اجدودنا السابقين=عصر(ن) مضى يوم وقت الهوش والاحتدام
حنا هل الشعر بعض الناس مستشعرين=قصايد هذيل تروا عند شمر ويام
قصيد سالم وعايد ما اختلف به ثنين=انه مع هل الجزيرة ضمن عذب الكلام
قلته وحنا البقوم مخلصة كل دين=لا طار ستر الهنوف ام الكحل والزمام
نفخر بجمع البقوم وكل قاسي يلين=اهل الفعول الشهيرة محتمين الجهام
والله يعز الوطن والاسرة الحاكمين=وحنا سندهم على الطاعة نشد الحزام
دون الوطن كلبونا ننطح المعتدين=بالروح نفد الوطن لو كان رحنا عدام
وهذي قصيدة لربعي بالكلام الثمين=ما قلتها للتسلي والهواء والغرام
لو كان انا العاشق اللي من قديم السنين=غرقان في بحر حب مرودعات الوشام
والخاتمة باقي(ن) في خاطري كلمتين=باقولها واطلب المولى واختم الكلام
يالله يالله لا تجعلنا من القانطين=انزل لنا الغيث يا منشي ثقيل الغمام
حال العرب والديار مخيف يالله تعين=يشيب الطفل لو انه بسن الفطام
اديارهم ممحلة ومن الضما مخطرين=ونخيلهم من اسنين الوقت صارت حطام
يالله يالله تزينها بفضلك تزين=يا واحد(ن) نطلبه طول الدهر والدوام
انت العزيز القوي وانت اكرم الاكرمين=وانت الذي دوم عينك ساهره ما تنام
تمت وانا استغفرك يا ارحم الراحمين=عبدك وقدمك وانا كلي خطايا واثام
والصلاوات وسلامي على ازكى المرسلين=الرسول المصطفى خير من صلى وصام[/poem][/frame]
عد ما صلو فروض الصلاة الصايمين=اذكر الله واشكره واتقيد بالنظام
ذكر ربي خير ذكر(ن) يقال بكل حين=جل شانه مبدي النور من جنح الظلام
ابتديبه والتجيبه وبه دوم استعين=واذكره فالمبتدى واذكره عند الختام
من لجابه والتجابه كسب دنيا ودين=ومن عصاه اعمى بصيرة ويغشاه الملام
ربنا اللي كلنا تحت رحمته اجمعين=ابتهله وأسأله بافضل اسماه العضام
واطلبه يغفر ذنوبي وذنب الحاضرين=واطلبه عفوه ولطفه نهار الازدحام
في نهار(ن) قدمه احفاة(ن) اعراة(ن) نبين=والعرق بعض المخاليق يلجمها لجام
جعلنا برضاه نحسب من اللي فايزين=بالصلاه وبالصيام ودعانا والقيام
والصلاوات وسلامي على ازكى المرسلين=الرسول المصطفى خير من صلى وصام
وكل عام وانتم بخير ومن العايدين=يا هذيل ومن حضر واستمع نص الكلام
ويا وطنا عاد عيدك وكل المسلمين=كل عام(ن) يا وطنا تعيش امن وسلام
في ظلال القايد اللي يغيث المعسرين=جعل عود(ن) عقبه في فسيحات الرحام
قلتها من هاجس(ن) يعشق القول الثمين=ما يقدم غير شيء(ن) على قد المقام
والبيوت الها شوارد وصعبة ما تلين=كود للي ملهمه ربنا فيها الهام
والمعاني تتعب الفكر والعقل الرزين=من يقول انه تعب من سببها ما يلام
غصت في غباتها من شمال ومن يمين=عاصب(ن) راسي وجاشي ربطته بالحزام
والحقيقة جيت منها معي خفي حنين=ما بلغت لمقصدي واعذروني يالحشام
الطموح اكبر من القول وانتم عارفين=يا رجال(ن) في ضميري لكم كل احترام
عيدكم عيد الفرح فرحتي به فرحتين=فرحتي بالعيد وبشوفكم في كل عام
والتواصل والتكاتف صفاة المؤمنين=والتباعد والتشاحن يجيب الانقسام
يا رجال(ن) تدركون الامور وفاهمين=اجتماع الصف للنا عز وللأمام
والوفاء والطيب سلم الرجال الغانمين=ومن برك في مبرك الهيم لا بده يهام
ولا يلم الشمل كود الرجال المصلحين=ولا يفرق صف الاقراب كود ابن الحرام
يا هذيل انتم هل الفعل والراي السمين=وانتم احفاد الصحابة هل الفعل التمام
بالفتوحات القديمة لهم فعل(ن) يبين=مع نبي الله سطو فالمهمات الجسام
جيتو من اديارهم في قديمات السنين=والسبايب كلبوها الشجاعة والخصام
بأسمكم واموالكم والقبايل شاهدين=ونفتخر باسم الهذيلي لنا مثل الوسام
يعني النا الاصل والاصل به متمسكين=ولا يدس الراس تحت الثراء كود النعام
احتفظنا باسمنا فالجدود الالولين=يوم بعض الناس فالناس ضايع فالزحام
سيرة(ن) نفخربها فالزمان وصادقين=وفعلنا ذكره يحزم الخشوم ام العرام
قلتها اشرح ماضي الوقت للي جاهلين=والحقايق واضحه للرياجيل الفهام
يوم جينا في حضن وانبنا الساس المتين=بارك الله فالمنازل وقام الحظ قام
ما ذبحنا شاة غرم وطلبنا المحسنين=روسنا عليا واخذنا المقاصد والمرام
اثبت اللي قلت لو يسألون السايلين=الكلام اللي بلا ثبات ما يرفع مقام
فعلنا قبل وبعد واحمد الله فايزين=فالمعارك كلها ما نعرف الانهزام
يوم جينا في شعر بالشجاعة نازلين=قالها بشير يوم يعرض فوق العدام
ما نزلنا بالتمسكان وافهم يا فطين=نازلين بقوة الله ونضرب بالسهام
افتخر في فعل ربعي واغيض الحاسدين=عقب اللي ما يماريبهم شرق(ن) وشام
والقبايل نعم ما اقول عنا قاصرين=كل قوم(ن) عندهم طيب ورجال(ن) كرام
يا شباب هذيل واعم كل السامعين=اسمعو مني نصيحه عطوها الاهتمام
طاعة الله يا النشاما وبر الوالدين=ما يخيب اللي عليها يداوم واستقام
والغلو فالدين مكروه وانتم دارسين=الكتاب وسنة المصطفى خير الانام
والمراجل للرياجيل من كد الجبين=خير من نوم المهبل على ريش النعام
والثقة بالنفس والعلم كنز(ن) باليدين=تبني بيوت(ن) بليا عمد كانت هدام
وانتم ابنا قوم للطيب كله حايزين=الرجال اللي تسد اللزوم بكل زام
للعلوم الغانمه والمراجل كاسبين=الشجاعة والكرم والوفاء والالتزام
افعالهم فالفعول مشوقه كل عين=واقسومهم فالديار اخذوا فقار وسنام
اعدودهم في حضن تروي ضما الواردين=وغروسهم في حدود سبيع الها احترام
ما جت بحب الخشوم وكلبوكم خابرين=جت من جهود الرجال اهل العزوم الهمام
وانتم خلف للسلف وانتم عرب واحدين=ومن بينكم لا يصير الشك والانتقام
ترى الرفيق لرفيقه جعلكم سالمين=في سلم والانهار(ن) فيه عج وعسام
والدار بحصونها والرجال المخلصين=والمشكلة بالحلول وخلو الاصتدام
ومن كان فعله بربعه جعل فاله يشين=ولعل بيت(ن) ما تنصاه النشاما الهدام
الطيب عكس الردا يا ربعنا الطيبين=والصف ما ينهزم لا صار فيه التحام
والواجب ان العرب بالطيب متكاتفين=يقدرون الكبير ويرشدون الغلام
ابديت ما يكفي لعقل الذكي والذهين=ويمر ما عبروه الجاهلين الغشام
وذكرت فعل الرجال اجدودنا السابقين=عصر(ن) مضى يوم وقت الهوش والاحتدام
حنا هل الشعر بعض الناس مستشعرين=قصايد هذيل تروا عند شمر ويام
قصيد سالم وعايد ما اختلف به ثنين=انه مع هل الجزيرة ضمن عذب الكلام
قلته وحنا البقوم مخلصة كل دين=لا طار ستر الهنوف ام الكحل والزمام
نفخر بجمع البقوم وكل قاسي يلين=اهل الفعول الشهيرة محتمين الجهام
والله يعز الوطن والاسرة الحاكمين=وحنا سندهم على الطاعة نشد الحزام
دون الوطن كلبونا ننطح المعتدين=بالروح نفد الوطن لو كان رحنا عدام
وهذي قصيدة لربعي بالكلام الثمين=ما قلتها للتسلي والهواء والغرام
لو كان انا العاشق اللي من قديم السنين=غرقان في بحر حب مرودعات الوشام
والخاتمة باقي(ن) في خاطري كلمتين=باقولها واطلب المولى واختم الكلام
يالله يالله لا تجعلنا من القانطين=انزل لنا الغيث يا منشي ثقيل الغمام
حال العرب والديار مخيف يالله تعين=يشيب الطفل لو انه بسن الفطام
اديارهم ممحلة ومن الضما مخطرين=ونخيلهم من اسنين الوقت صارت حطام
يالله يالله تزينها بفضلك تزين=يا واحد(ن) نطلبه طول الدهر والدوام
انت العزيز القوي وانت اكرم الاكرمين=وانت الذي دوم عينك ساهره ما تنام
تمت وانا استغفرك يا ارحم الراحمين=عبدك وقدمك وانا كلي خطايا واثام
والصلاوات وسلامي على ازكى المرسلين=الرسول المصطفى خير من صلى وصام[/poem][/frame]
التعديل الأخير:
