عبد المحسن بن حمود الهذيلي

[الدعدي]

هذه القصيدة لعبد المحسن بن حمود الهذيلي اطال الله في عمره , وقصتها انه في احد الايام وفي عام 1401هـ كان عبد المحسن الهذيلي وبندر السبهان وسليمان الشبرمي وفرحان بن سعيد ومعهم سالم الشبرمي وعيسى الناجي الحربي وعبد العزيز العبد المحسن الهذيلي واخرين لاتحضرني اسمائهم اطال الله في عمر الحي منهم ورحم الله الميت , كانوا طالعين قيلة بين اللغف وأم المسايل فقال أحدهم ان هذا المكان وبحضور هذه الوجيه الطيبة الكريمة يستاهل ان تكتب فية قصيدة فقال عبدالمحسن الهذيلي هذه القصيدة :-








ياما حلا القيلات باطراف حايـل
في ظل طلح ٍ والمكيف طبيعـي
بكناف حايل والجبـال الهوايـل
اللي كما الجوهر حصى كل ريعي
لاصرت بين اللغف وام المسايل
وجليسك السبهان وايا القويعـي
بديار شمـر كاسبيـن النفايـل
اللي لهم عصم الشوارب تطيعي
باجاء وسلمى مكرمين السبايـل
امجادهم من قبل دور المنيعـي
اللي حموها بالسيوف الصقايـل
شمر هل الطولات ريف المجيعي
اهل الجبل وافين لاكـال كايـل
ولولا السنا كان القدايم تضيعي
مافيه شك ولاتبـي قـول قايـل
وحتى معشي الذيب فعله يضيعي
وراعي جفيفا من خيار الدلايـل
وغضبان والمجفي وولد القفيعي
وياما وياما لو نعـد الفضايـل
ما يحصي الكاتب لها والمذيعي
وادخل على الله مانسيت القبايل
مار إن شمر لي ربوع ٍ ذريعـي
مناثر البـن الحمـر كالنثايـل
عند البيوت اللي قراهم ربيعـي
اهل المناوخ بالسنين السحايـل
ترفع لهم بيضاء بصوتٍ رفيعي
وصلات ربي عد ما قـال قايـل
على النبي الهاشمـي الشفيعـي







عبد المحسن بن حمود الهذيلي



مـنــقـــــــولـــــه



اتمنا ان تحوز على اعجابكم

 

[بنت القصيم]

صح لسان شاعرنا

وسلمت يداك على النقل


^_^

 

[عبدالله السويهري]

صح الله لسان الشاعر وسلمت يمناك اخوي ومشكور

 

[حب هذيل]

صح لسان الشاعر قصيده جميله مشكور اخوي على النقل

 

[نجــ هذلي ــد]

صح لسان القايل وبيض الله وجه القايل

والطنايا يستاهلون ألف نعم مافيهم قصور

 

[الدعدي]

بنت القصيم - عبدالله السويهري - حب هذيل - هذلي نجد

شكرا على مروركم وتعقيبكم على الموضوع وسلمت اياديكم ابناء العم

 

[هشام الهذلي]

صح لسان الشاعر


وبيض الله وجهه


ويستاهلون شمر


ومشكور أخوي الدعدي على النقل


تقبل مروري