ياللي تطيع النفس منته بمغصوبحرام عن دينك تشذ وتعرا
يرسل لك الشيطان مع كل عرقوبويجر لك ما تشتهي النفس جرا
يرميك في الحاجة بترتيب وأسلوبوبعد ما وقعك فيها تبرا
ليتك تطاوع كلمة العقل وتتوبوتمشي على درب الهدى ماتحرا
العمر لحظة وآخر الوقت محسوبوالوقت مهما طال بك ما استمرا
كل شئ عند الله مقدر ومكتوبوالفالح اللي بالهداية تذرا
يالله انا طالبك ياخير مطلوبيا محصي الأرزاق جواً وبراً
ياخالق العالم جماعات وشعوبوبأمرك يدور الوقت برداًوحراً
يامجزي بالخير في صبر أيوباللي أكتمل صبره وهو ما تزرا
ياعالم بالسر في نفس يعقوبورديت له نور البصر واستسرا
ونصرت يوسف بعد ماكان مغلوبونورت له في الدرب من حيث مرا
وفرًجت عن يونس بعد كان مكروبوكتبت للمؤمن نجاة ومفرا
ورفعت ابن مريم ولاكان مصلوبوخذلت من رد الكتاب وتجرا
وارسلت من عندك لنا خير مندوبوسريت به لي سدرة المستقرا
تحسن خواتمنا على علم محبوبوتكتب لنا خيرات من غير شرا
صلوا على من بالهدى خير مصحوبراعي الرسالة والجبين الأغرا
