الدنيا عبر

هذه من قصائد الوالد طلب إنزالها في المنتدى

وهي من آخر القصائد التي كتبتها له ولعلها تنال استحسانكم

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
لاخير في الدنيا ولافي اللي وراها يركضون = ولا خير فينا إن كان ما ناخذ من الدنيا عبر


والله يصبرنا على شيء نشوفه بالعيون = بعض العلوم اللي تقص القلب وتقص الظهر


واشوف لي ناس على وجه البسيطه يسبحون = دفو عمود الشعر لين أصبح على باب الخطر


ناس على بيض الدفاتر يكتبون ويمسحون = واقلامهم تكتب بيوت الشعر ياشعر القشر


وليا تقفيّت الحقائق يصدقون ويكذبون = وازريت أميز شعرهم مدري هدد والا نثر


كلا يلاعب سبحته ويجيب لك عشرين لون = عشرة تقبلها وعشره كلها كدش وكسر


مدري طرب مدري ذكا مدري غباء مدري جنون = ويلقون ناس يرفعون السرج في ظهر البقر


والشعر أمانه وانت ياراع الأمانه لا تخون = حافظ علاها لين ياتيك العميل المنتظر


وانقش على صم الحجر واقطف من ازهار الفنون = مثل السديري يوم قال اللي بصدره واختصر


وان كان ما تقدر تريح قبل تاخذك الظنون = كم واحد قبلك شرى سبحه وعود ما قدر[/poem]


وسلامتكم