السلام عليكم ورحمة الله وبركاته

صح لسانك قصيدة ملغمة

ابداع يابن قاسي لاهنت

صح السانك يا بن قاسي للامانه اعجبتني كامله لم القى بيت واحد ما اعجبني


بيض الله وجهك ولا تبطي علينا .ههههه


دمت بووود,,,,

يعطيك العافيه

يابن قاسي

صح السانك بن قاسي قصيده جزله تستحق الاشاده في معانيها وتماسكها وترابط بيوتها فالك النجاح وتقدم والك مني جزيل الشكر

	المشاركة الأصلية كتبت بواسطة بن قاسي الهذلي

	[poem=font="arial,5,,normal,normal" bkcolor="" bkimage="" border="none,1," type=1 line=0 align=center use=ex num="0,"] المزنه اللي برقها لاعبها=وارزم رعدها وانهمر ساكبها ياعلها تسقي ديار محيله=يبس شجرها والدهر ناهبها تهدي لها ثوب الربيع الضافي=يكسي عراها والبدو جاك ابها نزالها تضحك حجاجه فرحه=واهل الدبش تو حصلت ذاهبها وانا ذهيبي جرته مقطوعه=فوق الثرى ماينعرف صاحبها ماقصها المري بعد عاينها=لابعد الشكه ولا قاربها مير العلوم الها عقول تميز=تعرف صحيح العلم من كاذبها من يرفع التكبير باعلى صوته=والصومعه تهدم على راهبها ماغير دين الحق دين الدوله=امن العراق اليا اليمن غاصبها والسيف الاملح في يدين الحاكم=يومي على روس العدى راهبها ايامنا تكشف لنا ماغيب =عن لحيةٍ ماكرمت شاربها والخطوه اللي للهوى مسروجه=يم النهايه قادها راكبها واليا حصل وضع القلم وارتفعت=صحايفٍ ماتعبت كاتبها ماعاد باقي للفتى من كره=الفوت فات ومانتظر تايبها والطيبه تبقى بعد راعيها=بين العرب وسمه على غاربها ذكره ينومس كل راعي نخوه=اللي علوم المرجله راغبها وان عدوا الاجواد بيّا مجلس=طاري حياة فلان ماجانبها والهينه قسم البعيد الهافي=اللي دليه ماروت شاربها لو يفعل المعروف تحسب غلطه=كل السلوم الطيبه قالبها الناس دورات الزمن تكشفهم =في كل دوره يتضح رايبها والعرق في طبع الرجل غلابي=يظهر على افعاله ولو غالبها اليا عجبك بزين فعله مره=ايجيك مراتٍ وهو عايبها حظه من الطالات حظ المفلس=لا مفلت الدنيا ولا قاضبها واللي على سمعة ابوه وجده=نقمه عليه ان كان ماواكبها مايرفع الرجال غير افعاله=هذي تورثها وذي كاسبها هذا بعض ماشفت في هالدنيا=مامن تجارب مير انا حاسبها[/poem]

ياسلام ياسلام


والله اني فخور بهذه القصيده الباذخه


وبصاحبها صاحب الابداع الهذلي الاصيل


لله درك يابن قاسي ماهي غريبه من بيت اصيل


سجل اعجابي

واللـي علـى سمعـة ابـوه وجــده
نقـمـه علـيـه ان كــان ماواكـبـهـا

اللـه الله ..

صح لســـــــــآنكـ يــآبن قــآسي

قصيــده وافيــه من شاعر وافي ..

	المشاركة الأصلية كتبت بواسطة حـمـدي الهـذلـي

	ياسلام يابن قاسي .. راااااااااااااائعة صح لسانك .. مدد بلا عدد .. وين هالمزون ما تهل من زمان .. تهدي لهـا ثـوب الربيـع الضافـي يكسي عراهـا والبـدو جـاك ابهـا لكن ياصاحبي ( جاك ) لا يناسب الجمع ( البدو ) أظن جوك هي الأنسب .. ربما خطأ كيبوردي ... لك خالص الشكر والثناء ..

حيا الله شاعرنا حمدي وحي مداخلاته الجميله

لا لا وانا اخوك لم تكن غلطه كيبورديه:

الفعل جاك فاعله ثوب الربيع ,اي ان الربيع هو اللي جاب البدو


احترم وجهة نظرك اخي حمدي وحياك الله مره اخرى

صح لسانك يا بن قاسي

جزله من صاحب الجزلات وبيض الله وجهك

صح لسانك يابن قاسي..

أبيات جميلة

ياعـلـهـا تـسـقـي ديـــار محـيـلـه
يـبـس شجـرهـا والـدهـر ناهبـهـا

تهدي لهـا ثـوب الربيـع الضافـي
يكسي عراهـا والبـدو جـاك ابهـا

أخي بن قاسي .. المعذرة ان تواجدت هنا أكثر مما يجب ولكن من خلال
تعقيبك وجدت أن هناك لبس وقع بيننا .. ولذلك لي تعقيب أتمنى قبوله..

عندما قلت في ردي أن ( جوك ) أنسب من ( جاك ) فأنا حسبت حساب
الضمير في القافية في كلمة ( ابها ) على اعتبار أنه يعود على ( الديار )
ولكي تسلم القافية جعلت الفاعل هو البدو .. فإذا كان الفعل يعود لثوب الربيع
فإن ذلك يقتضي أن يعود الضمير في ( ابها ) على البدو .. والبدو ليس مؤنث
وبذلك فأنت نقلت الملاحظة للقافية .. فعلى توضيحك لابد أن تقول ..
( والبدوا جاك بهم ) وهذا سيتعارض مع القافية .. وهذا هو الذي جعلني
أستبعد أن يعود الفعل ( جاك ) على ثوب الربيع ..

ولهذا أخي بن قاسي .. فلا يمكن حل ذلك الا بأن نجعل البدو فاعل ( جوك)
والضمير في ( ابها ) يعود للديار .. وليس به حل آخر ..

أكرر اعتذاري .. عن الاطالة وتكرار الزيارة .. ودمت في حفظ الله

	المشاركة الأصلية كتبت بواسطة حـمـدي الهـذلـي

	ياعـلـهـا تـسـقـي ديـــار محـيـلـه يـبـس شجـرهـا والـدهـر ناهبـهـا تهدي لهـا ثـوب الربيـع الضافـي يكسي عراهـا والبـدو جـاك ابهـا أخي بن قاسي .. المعذرة ان تواجدت هنا أكثر مما يجب ولكن من خلال تعقيبك وجدت أن هناك لبس وقع بيننا .. ولذلك لي تعقيب أتمنى قبوله.. عندما قلت في ردي أن ( جوك ) أنسب من ( جاك ) فأنا حسبت حساب الضمير في القافية في كلمة ( ابها ) على اعتبار أنه يعود على ( الديار ) ولكي تسلم القافية جعلت الفاعل هو البدو .. فإذا كان الفعل يعود لثوب الربيع فإن ذلك يقتضي أن يعود الضمير في ( ابها ) على البدو .. والبدو ليس مؤنث وبذلك فأنت نقلت الملاحظة للقافية .. فعلى توضيحك لابد أن تقول .. ( والبدوا جاك بهم ) وهذا سيتعارض مع القافية .. وهذا هو الذي جعلني أستبعد أن يعود الفعل ( جاك ) على ثوب الربيع .. ولهذا أخي بن قاسي .. فلا يمكن حل ذلك الا بأن نجعل البدو فاعل ( جوك) والضمير في ( ابها ) يعود للديار .. وليس به حل آخر .. أكرر اعتذاري .. عن الاطالة وتكرار الزيارة .. ودمت في حفظ الله

هلا هلا باستاذنا الفاضل حمدي,يخوي لخبطت السرى في الردود :

البدو=العرب

نستطيع ان نقول :1-قالت العرب

2- قال العرب

حياك الله مره اخرى ,وحاضرين للطيبين

وعليكم السلام ورحمة الله وبركاته

صح لسانك يابن قاسي

قصيده جميله استمتعت بقراءتها

يعطيك العافيه يالغالي ولا عاد تطول علينا

صح لسانك يابن قاسي وإن شاء الله نراك تقيم أمسيات شعرية وتفتخر بك ربعك هذيل

بسم الله الرحمن الرحيم



السلام عليكم ورحمة الله وبركاته

مشاء الله ابداع لا هنت يابن قاسي نتضر جديدك

صح لسانك أخوي ابن قاسي


قصيدة راقية


آوت الحكم الثمينة في قالب لغوي يخصك


وأمتعتني حقيقتاً


تستحق القراءة أكثر من مرة


تقبل مروري