العـــطــــر!!!!

الأخ الجابري الهذلي

صح الله لسانك على هذي القصيده الجميله

وتمام منك تقبلك للنقد لأن الشاعر وخصوصا في بدايته يحتاج للنقد الهادف البناء عشان يظهر بعد كذا بالشكل اللي يتمناه ولكن ثق ثقه تامه أنك بمجرد تقبلك للنقد فأنت وضعت رجلك على أول الطريق وهذي بداية خطوة المليون ميل على قولتهم .

والحقيقه القصيده ما فيها عيوب من ناحية المعنى والقافيه ولكن المشكله اللي عندك بسيطه وهي مشكلة الوزن فالقصيده تفتقد للوزن ولكن مع الوقت صدقني راح تتجاوز هذي المشكله ولو تطلع على المواضيع المثبته عندنا في الموقع عن البحور والأوزان أعتقد أنك راح تسنفيد منها كثير .

وفيه ملاحظه ثانيه بسيطه على عجز البيت الأول اللي يقول :

ولقيت العطر فيه الوفا أكثر من أصحابه

أنا أعتقد أني سبق وسمعت هذا البيت وأنا ماني متأكد من هو الشاعر ولكن أعتقد أنه بدر بن عبد المحسن وكان المفروض أنك تقوس البيت حفظ لحق الشاعر في أبتكار هذي الصورة

عموما الله يوفقك ويوفقنا جميع

وتقبل تحيات أخوك

هشام الهذلي