الوجهـ صفحهـ .. والمفارق تلاوين .. والغدر رسمهـ والظروف الايادي

الوجهـ صفحهـ ..والمفارق تلاوين
والغدر رسمهـ..والظروف الايـادي
//
وِلاّ اقلكـ .. خـل هالبيت بعدين
مادمت في وادي ..وحظـي فـوادي
//
انـا وحظـي.. كـل مـاقلت بتـزين
شانت بنا الدنيا.. على غير قادي
//
أشيل.. ماشالت ظهـور البعارين
واقنب قنيب الذيب في كل حـادي
//
ولا خذيت من الزمن ..غير ثنتيـن
حظي الردي والياس.. شربي وزادي
//
الوجهـ صفحهـ .. والمفًارق تلاوين
والغدر رسمهـ .. والظروف الايادي
//
عادي يغيب.. ايـام وشهـور وسنيـن
واشفق على شوفهـ.. وانا في بعادي
//
وعادي اعيش.. الحزن والآه والبين
لكـن غدرهـ بي .. مـاهـو بعـادي
//
هو مادرى ان الغدر .. في الحب سكين؟
تجـرح فـؤادهـ ..قبـل تجـرح فـؤادي
//
وامر وادهى .. اللي بقوله فبيتين
فـاخر لقـا.. يومـه تعمـد عـنـادي
//
غنى علـى فرقـاهـ.. ياليـل ياعين
((البس على فرقاي ثوب الحدادي))
//
وغنيت شطر(ن) ..حافظه عن دواوين
((جرب هوى غيري ..وتعرف ودادي))