والحكم لكم أيها الأفاضل من القراء :(

فهمت الآن.

شوفي أيام ، إحنا في وقت نتعامل مع أناس " كثير " أناس لا يخافون الله ولاتخفى عليك مشاكل الفساد الإداري التي نعاني منها.
لذلك أنا مع إنكم تتعاضدون وتتكاتفون وترسلون برقية محترمة لوزيركم المحترم.
إذا شايفين أنكن متظلمات وحقكن ضايع ليش تسكتون؟
سنوات وإحنا نعرف ونسمع إن جامعة أم القرى بتقبل كثير بنات واسطة وفي التخصص إللي هم يبونه برغم أن معدلاتهن لا تسمح والتصرف هذا أضر بأخريات هم الأولى بدخول الجامعة ولم تعاضدوا المتضررات ايش صار ؟ تم قبولهم وقبول الأخريات يعني الخير عم الجميع والله يخلي لنا الملك عبدالله.

لذلك لا تسكتون ، شوفوا لكم طريقة مناسبة لوصول صوتكم للمسؤولين بس لا تسكتون وتقولون خيره ونصيب ومدري ويش صحيح هذا الكلام بس إحنا نعاني من التلاعب والفساد ولازم نتكاتف ومانسكت حتى نحل هذه المشكلة إن شاء الله.
قبل سبع شهور ياأيام أو اكثر ، مركز التدريب والإبتعاث بوزارة الصحة احتجز شهادتنا تبع التدريب في المستشفى بسبب إن اكاديميتنا لديها مديونية لوزارة الصحة ، طبعا يستحيل تطلع لك شهادة تخرج بدون شهادة الإمتياز أو التدريب هذه ، قعدنا يمكن شهر ونص نراجع ادارتنا وبرضوا ماطلعت الشهايد وقالوا لنا السبب إن مركز ادارتنا الرئيسي في الرياض ماارسل لنا الشيك حتى نعطيه للتدريب والإبتعاث عشان كذا احنا محنا قادرين نطلع لكم لا شهادات ولا نقدر نعطيكم ملف ناقص
تخيلي إحنا ورانا اختبار كان ، والمديرة كانت كل مره توعدنا بالخير وماشفنا شيء!
أخذت موعد من المديرية الصحية أقابل فيه دكتور حسين غنام وأخبرته بكل ماحصل لنا.
قلت له إحنا مالنا ذنب في مشاكل التدريب والإبتعاث و ادارتنا ، بالنسبة لنا دفعنا كل المستحقات ليش تنحجز الشهادات قال طيب ادارتكم مادفعت اللي عليها ، قلت إحنا مالنا ذنب ، المفترض التدؤيب والإبتعاث يعرف يحفظ حقه ويجبر ادارتنا تسدد بدون ما نحشر إحنا في المنتصف
قال كلامك صحيح وأنا عنده كلم التدريب والإبتعاث واخبرهم بوصول الشكوى وامرهم بتسليم الشهادات حالا واليوم الثاني وصلت شهاداتنا وجات شهادتي وشهادات صحباتي وكل الدفعة والحمد لله.
إللي سووه التدريب والإبتعاث قرار ارتجالي - من نفسهم - يبغون يحفظون حقهم وماراح فيها إلا إحنا لكن تخيلي لو سكتنا؟
كنا حنجلس بدون شهادات ولا احد داري عن أحد يمكن لهذا الوقت!

لذلك يا أيام فيه وسائل كثير توصلون فيها صوتكن وتاخذون حقوقكن بالطرق الصحيحة.
وبعدين مين الأولى بالله من النقل ، المرأة اللي متغربه وتاركه اهلها وقد لا تجد من يعينها هناك ويشوف متطلباتها واحتياجاتها لا ومسكينة مامعها سيارة(:
ولا الرجل المعلم الذي يستطيع تجاوز صعوبة هذه الأمور؟!

أنا حاسه محد سينقذكم إلا صحبتك الشطورة هذه ، ليش ؟
لأن هي مقهورة أكثر واللي زي كذا ممكن يفعل أي شيء حتى ينول مبتغاه
إنت " وعيها " بأهمية الشكوى وخلي الباقي عليها هههه

الله يعينكن وإن شاء الله تتيسر أموركن قريبا.