حماس مطلوب

محاوره ملغوومه ..

صحت اللسن شباب حماس ولا هنتو

عز الرفيق حياك الله يالغالي

الحميا لاتدعي على اخوك المسلم بارك الله فيك

عابد الهذلي حياك الله يالذيب

رايد الهذلي الله يبارك فيك تحية لك ولشعرك الجميل

هلابك ياحماس ومشكور لقبول الدعوة الاخوية الكريمة

شباب
هلا يامرحبا ترحيبة ٍ تربش ولاتربش
واشوف الارض قدم العين بالازهار مفروشة
حماس مزهّب البندق حماس يغيب ويوشوش
وحنا اللي ذبحنا التركي الاحمر وطربوشه


حماس


يدوم الك البقا يا اللي كما ريح الصبا منعش
يطير الطير ويوقع ما دام الارض مرشوشة
ترى اللي حشّ شبّاب -العصر- لا بد ما ينحشّ
معك علم وخبر والا تدشّ أبواب مدشوشة ؟


شباب


عسى ربي يبارك فيك وانته مالفيت ب غش
وبعض الناس لما رحت قام يقلّب رموشه
ترى طير السما من مخلبه ياصاحبي يبطش
وانا لو الزم المذكور ابى اشده من الشوشة


حماس



يقول الاكلبي ما دام تمشي في سنعها مَشّ
يبى يشقى ويلقى ما لقي فرعون وجيوشه
معا بنت الهوى لونين لو ما شافها الاطمش
كحلنا عينها وتغطـرست والكف منقوشة


شباب


اظن الاكلبي طاحت سنونه صار عظمه هش
لكن فرعون في مصر العزيزة بادت عروشه
ترى حنا كماكم فوقها بالصارم المدهش
لكن انشد وتلقى اللي وقف في ساعة الهوشة


حماس



ترى بعض الورق يا صاحبي مغشوش ومخشخش
وبه قبـرين مدفـونة وبه قبـرين منبـوشة
ليا منك هبطت السوق خلّ السوم في المشمش
عسى يعطيك راعي الورد من ورده ومن دوشه



شباب


ليا شفت الورق مغشوش لاتتعب ولاتبلش
ترى الماضي رحل مايسعف الرجال شاكوشه
زكاة المال محسوبة في وقت الجهل به عشعش
ورى قمة شُعار تحصلون عظام معروشة

للتوضيح


البيت الاخير قمة شُعار من اعلى جبال ديرتنا (شفا السوالم ) مقابل لجبل غراب اللي يتربع عليه قصرنا العالي حرسه الله والتحية للكل