قصيده / عاجل وبالفاكس

الشعر ينضح له من الراس هوجاس
.................. بيت نصوغه والمعاني كبيره
نسوقها جزله ونمـــــلا بها الكاس
..................ماينقصك يابحر حبه شعيره
تاصل عميد القوم عاجل وبالفاكس
.............يقرا خبرها قبل وقت الضهيره
يسري بها يم ( المعاطـــــين ) حٌراس
............. جيبن من الشرطه ونجده صغيره
يا من حويت الطيب والمرجله ساس
...........يا عزوتي يوم الليالي الخطيره
مثلك يبو راكان نرفع به الراس
.............وحنا سلاحك يالخوي والذخيره
يعل ما يلحقك في النايبه باس
............ونته سندنا يوم كسر الجبيره
يا شاربن ياخذ من الحق نبراس
.............. لحيتك تكرم ما تشوف الحقيره
ما هو بطرار على القدر لحّاس
................ يشرب قراح العدّ والبير بيره
الشور شورك والشكاله لها ناس
................يا سعد لابتنا وشيخ العشيره
الحق ياخذ منك طنخه ومقياس
............... يالعارفه يالقرم يا ذا البصيره
اقولها وطولها وعرف الماس
..............وعرف مكان الاوله والاخير ه


احمد الطلحي ...........................

كفو يااحمد وصح لسانك وأبوراكان يستاهل المدح والمدح قليل فيه

بيض الله وجهك

عز الله انك راعي الاوله وما نتعداك ونا افخر بك وبربعي ولا هنت