قصيده لشاعر/ عادل بن محمد المطرفي مع الرد. - ::{ مجالس قبيلة هذيل }:: موقع يهتم بتراث القبيلة ومفاخرها

12-09-2011, 10:00 PM

السلام عليكم ورحمة الله وبركاته..,
هذه قصيده للشاعر خالي / عادل بن محمد المطرفي حينما كانَ يعاني من امراً ما مع الرد مني ..

يقول عادل :

يالله يامعبودي يافارج الهم
ياواحداً كل البشر تلتجيبه
انت الوحيد اللي بالاسرار تعلم
الطف بحال انسان ذاق الغليبه
يصبح على هماً ويمسي على غم
وزوداً على همومه فراق الحبيه
ام العيون الدعج معسولة الفم
من وين ماراحت بقلبي قريبه
يالله تجعل شملنا اليوم يلتم
ونرتاح من هم الحياه الكئيبه

الرد مني :

دامك ذكرت الله تبسم تبسم
ابقدرت الخالق تهون المصيبه
ارم الهموم الزايده لاتحطم
هذي سبايب وانت برضه طبيبه
ياكم واحد كان بالحب مغرم
يصبر على حبه وربي حسيبه
الصبر واجب وانت لابد تلزم
وتلقى ثمن صبرك وربي يجيبه
والثلث الاخر صل لله وتنعم
وكلن بهالدنيا يحصل نصيبه

وسلامتكم

12-10-2011, 09:11 AM

صحت الالسن

شكراً على ما اتحفتنا به

تحياتي

12-10-2011, 11:24 AM

وجد متدفق وأبيات زينها حرف القافيه المناسب لموضووع القصيدة

ومجاراة من شاعر يستحق الإشادة

لكن هذا البيت كأنه كتبت فيه ( واو ) زائدة


	والثلث الاخر صل لله وتنعم

والثلث الآخر صل لله تنعم = تمشيا مع الوزن

12-10-2011, 09:04 PM

صح لساااااااااان خالك ولسااااااااااانك

12-10-2011, 10:23 PM


	المشاركة الأصلية كتبت بواسطة سلطان السويهري


	وجد متدفق وأبيات زينها حرف القافيه المناسب لموضووع القصيدة ومجاراة من شاعر يستحق الإشادة لكن هذا البيت كأنه كتبت فيه ( واو ) زائدة والثلث الآخر صل لله تنعم = تمشيا مع الوزن

الله يسلمك على المعلومه الطيبه ذي لكن ياغالي البيت مافيه اي مشكله لاكسر ولا ثقل ونقبل النقد منكم وانتم شعراء وفيكم الخير

12-10-2011, 10:24 PM

صح بدنكم والله يسلمكم على الزياره الطيبه

12-11-2011, 01:03 AM

صح لسانك ياذيب

وصح لسان خالك

12-15-2011, 01:01 AM


	المشاركة الأصلية كتبت بواسطة أبو رديد


	صح لسانك ياذيب وصح لسان خالك

صح بدنك والله يابو رديد وبيض الله وجهك على المرور الطيب .

01-05-2012, 12:24 PM

السلام عليكم ورحمة الله وبركاته

أخوي عبدالرحمن صح إلسانك وإلسان خالكـ عادل

مجاراة طيّبة من شعراء متمكنين

وملحوظة لو تسمح لي :

كلام اخوي سلطان السويهري على حق ، كما أن كلامك على حق

والثلث الآخر صل لله تنعم

والبيت هذا على حسب نطق الشاعر فإذا نطق لفظ الجلاله عليه سكون يأتي البيت غير مكسور وهذا على كلامك أخوي عبدالرحمن

وإذا نطقت لفظ الجلاله الله ـــ عليه كسر في آخرة يأتي البيت غير مكسور وهذا على كلام أخوي أبو ثامر

وسامحوني على الإطالة

تحياتي لكم ،،،،،،،،،،