السعيدي والعبيدي

جرت هذه المحاورة على المسنجر...........


اليكم المحاورة:



فواز السعيدي


ياعماد الصبح قرب والهواجيس استعدت==== شد حيلك يالعبيدي وش تشيل ووش تخلّي


صاحبك عاف الديار وسرعة الخيّال هدت ==== لاتحاول لا تحاول خني ارجع في محلي




عماد العبيدي

قوم يافواز شـبّ إلين أشوف النــار شبــت====علنا نرضيك بالميسور قبل إنا نصــليّ



منت فالطرقـة مخير ..ويش جابت ويش ودت====قبلك أزرق وأنته أخضر..لا تحيد ولاتزلي



فواز السعيدي

اكثر وجيه النشاما ياولد معتوق صدّت ===== قمت احسّب خاطري قلت الصواب انا نولي



واعذاب عيال جدّي عقب نص القوم شدّت ====== عقب ماتشرب حليب اللقح تشرب بامجلّي




عمااد العبيدي


ليه تحسبها وتقسمها وهي راحت وعدت====النشاما فالمواقف فعلها دايم يسلي



أنت عينـك وش بلاها يوم للمقفين لدت====لاتعيب الناس وأنته قبل تتعشى تحلي



فواز السعيدي



والطراقي من بعدها كل ما مرّت تغدّت ==== خلها يامرحبابك والمهلي مايولي



و انت لاتزعل لياشفت العمانيه تردت ==== جنّب المنقود خللك مثل ضلع(ن) مستقلي



عماد العبيدي


لا تطالع في هروج الناس لن كثرت وقلت====البقى ياللي على روس المنيفات أمتعلي



مازعلنا والصدور وساع هلت وأسفهلت====لو يقول العلم جاني بالخطا ..وفلان قلي



فواز السعيدي


طوّرو في سوق لندن والقوانين استجدّت ==== والعرب ماعبّروها كلن يعمّر محلي




اكثر العربان لوهي من نصايحك استمدّت ==== جاتك الشرهات منهم مثل مزن(ن) مستهلّي




عماد العبيدي


أنت لك فالسوق سهـم ويدك فالماعون ضلت====عفت سمن أهلك وعينك يم لحم المرتدلي




كيف نرضي الناس واحنا خابرين اللي تردت====جهدنا وإللي يصير يصير والدنيا تبّــلي


فواز السعيدي


ويش ابي بالطايرات اللي على الصدقان هدّت ==== ابرك ابرك ياشعيل ولا تتل الحبل تلي


بارك الله فالرجال اللي على المذهب تقدت ==== لا تلف ولا تدور ولاتكل ولا تملي



عمااد العبيدي

والله إنا من رجالن فالمواقف ماتخلت====وش تبي بالحملة إللي حبلها جاك متدلي



لو تصيح حرف أذاني الصم ماسمعت وردت====عان بن قاسي مشمر لايهاب ولايذلي



((ارجو ان تنال اعجابكم))

صح لسان الشاعرين

وبيض الله وجيهكم


ويعطيك العافيه علي النقل الجميل

بيض الله وجيهكم شاعرين متمكنين



معنى جمييييييييييييييييييييل من الشاعرفواز


واستلام ولا اروع للمعنى من الشاعر عماد<<لجنة شاعر المعنى

صحت السنتكم جميع وبيض الله وجيهكم

ليه تحسبها وتقسمها وهي راحت وعدت====النشاما فالمواقف فعلها دايم يسلي



أنت عينـك وش بلاها يوم للمقفين لدت====لاتعيب الناس وأنته قبل تتعشى تحلي


وفا يا ابو معتوق ولا هان ابن عمه

تحياااااااااااااتي

صحت ألسنتكم

بس لا تعودونها في المسن

خلوها عندنا في المنتدى

تراها بلاش فتح الصفحة ههههههههه

يا ليل من انت ليله؟

ههههههههه

كفيتو ووفيتو وصحيتو

لا هنت يافواز ولا هنت ياعماد

والجايه هنا في قسم المحاوره

ياسلام عليكم يافواز انت وعماد
صح لسان الشاعرين

وبيض الله وجيهكم

شاعرين متميزين ومحاورة رائعة

بارك الله فيكم

الله لايهينكم جميعا صحت ابداانكم

	المشاركة الأصلية كتبت بواسطة عماد معتوق العبيدي

	الله لايهينكم جميعا صحت ابداانكم

حتى انا كنت فالمحاورة لازم ارد


صحت ابدانكم يالربع


الله لايهينكم كلن باسمه يالنشاما