محاوره نادرة بين المسعودي والجبرتي

- - - - - - - - -الــمـــســـعـــودى- - - - - - - - -

ياسلام على اللي طال عنا غيابه000 والمغيبه بـدون اسبـاب فيهـا وفيهـا

صاحبي مشلحه ضافي وغطاي ثيابه000لاحرارة سموم ولا غبار(ن)يجيهـا


- - - - - - - - الـــجـــبــــرتــــى- - - - - - - -
مرحبا يارفيق(ن)جابنا الله وجابه000كل ماجـات بيعـه غاليـه يشتريهـا

يوم احضر كتابي غاب عني كتابه000واليالي يحضـرون الرياجيـل فيهـا



- - - - - - - -الـــمـــســـعــــودي- - - - - - - -
مامعي شك في خنذف ولا في شبابه000 وان مشت ما هجرنا راسها في يديها

كم رجال(ن)ما تعطي كل شي حسابه000تعرف اللي لها ماتعرف اللي عليها


- - - - - - - -الـــجـــبــــرتــــي- - - - - - - -
ماش عود(ن)يشيب ويغتني عن شبابه000 والولد يذكر اللي قلب عوده نسيها

انت هايب وحنا اللي لنا ما نهابه000وان هبطنا نبـى مقضاتنـا نقتضيهـا



- - - - - - - -الـــمـــســـعــــودي- - - - - - - -
وين راح الفقيه اللي حجبتم حجابه000 واحد(ن)ماكتبهاما عرف مـن قريهـا

ماتطول المراجل في يدين العصابه000 والجراده ما تقطع جوع من يشتويها

	المشاركة الأصلية كتبت بواسطة النباتيييييي

	- - - - - - - - -\ كم رجال(ن)ما تعطي كل شي حسابه000تعرف اللي لها ماتعرف اللي عليها

الله الله عليك يابن مستور


كل الشكر لك اخي النباتي على هذي المحاوره


تحياتي 000

السلام عليكم ورحمة الله وبركاته

رحمهما الله جميعا وغفر لهما .
قمة وسلاسة واسلوب واداء ومعنى وتركيب ......هكذا الشعر وإلا فلا .

ماتطول المراجل في يدين العصابه000 والجراده ما تقطع جوع من يشتويها

تسلم ولاهنت أخوي الغالي النباتي .

مشكورين على الردود الجميلة

الف شكر يالنباتي

محاوره قمه لاشك

بيض الله وجهك يالنباتي

الله يرحمهما

و محاورة رائعة

و كالعادة لبن مستور >> الله يرؤحمه << بصمة و بيت لا ينسى


[poem=font="Arial,5,#a0522d,bold,normal" bkcolor="" bkimage="" border="groove,1,#8b0000" type=0 line=0 align=center use=ex num="0,"]
ماتطول المراجل في يدين العصابه= والجراده ما تقطع جوع من يشتويها [/poem]

مشكورين على المرور ياعيال العم وبيض الله وجيهكم على الردود الرائعة

محاورة مميزة

الله يعطيك العافية

متعة بلا حدود عندما تقرأ هذه المحاورة


أشكرك يالنباتي