سلالة مطرفي والسمعة الزينة عوايدنا - ::{ مجالس قبيلة هذيل }:: موقع يهتم بتراث القبيلة ومفاخرها

10-26-2008, 02:04 PM

بسم الله الرحمن الرحيم

قصيدة للشاعر صالح بن رويجح المطرفي في الشيخ جزاء ابن صالح المطرفي

[poem=font="Arial,4,#000000,bold,normal" bkcolor="" bkimage="" border="double,3,#ff0000" type=0 line=0 align=center use=ex num="0,"]
جزاء يا شيخنا المعروف يا راع الكرم والصيت=ياعدٍ يروي الظامي ليا جفت مواردنا

ليا منا بدعنا ما نحطك غير فأول بيت=حرام نسجل اسمك يا بطل فاخر قصايدنا

تحملت الامانة في شبابك يا جزاء ووفيت=وكدت خصامنا اللي في دعاويها تكايدنا

صبرت سنين سد سنين وتشهد لك بني وفليت=وتشهد حرب وعتيبه وطماعٍ يعاندنا

كسبت السمعة الزينة مع امثالك ياولد بشيت=سلالة مطرفي والسمعة الزينة عوايدنا

وسلمت الامانة لهلها من عقب ما كفيت=بطيب نفس والا انته لها وانتم سنايدها

وظموها الرجال الطيبين ولا نقول أخطيت=عيال الشيخ مثل الشيخ معروفه شواهدها

تسلمها شويمي نعم ما أخترتوا وماسويت=ملك سرعه وعلقنا على سرعه مزاودنا

يعيش ابو سعد ويعيش ربعه عامرين البيت=ليا صفوا عيال العود من يقدر يزايدنا

ترى مالي هدف نهار بطروق اللحن غنيت=هدفنا لم شمل ربوعنا والله يساعدنا

بيوت ذكرتني واذكر الله كل ماصليت=وختامها بذكر الله وصلوا فوق سيدنا[/poem]

وانا شهد انه يستاهل المدح

10-26-2008, 02:17 PM

أنا أشهد أنه يستاهل المدح شيخ من شيوخ هذيل الكبار راعي عرف ومراجل .

صح لسان أبو خالد على هالقصيده .

تحياتي .

10-26-2008, 02:31 PM


	المشاركة الأصلية كتبت بواسطة مطرفي الدلم


	أنا أشهد أنه يستاهل المدح شيخ من شيوخ هذيل الكبار راعي عرف ومراجل . صح لسان أبو خالد على هالقصيده . تحياتي .

حياك الله اخي مطرفي الدلم

شاكر مرورك لاعدمتك

10-26-2008, 03:37 PM

اللهم صلي و سلم على سيدنا محمد

ونعم يالمطرفي

و بن رويجح شاعر كبير و ننتظر كل ما هو له

شكرا لإتحافنا بهذه الدرة

10-26-2008, 03:57 PM

نعم المادح والممدوح

صالح بن رويجح شاعر اقترن اسمه يالجزاله دائما

الشيخ جزا شيخ من كبار شيوخ هذيل

بيض الله وجهك يالفارس على ماتتحفنا به

10-26-2008, 04:22 PM

اخي الفاضل الفارس تسلم ويسلم من قالها

قصيده رائع ويستاهل الممدوح الشيخ جزاء

لكن ما اود ان أعرفه كمعلومه ماهو معنى ( فليت ) هذا اولاً

ثانياً في العجز حق البيت نفسه

تشهد حرب وعتيبه وطــمــاعٍ يـعـانـدنـا

ارى والراي للشاعر اولا واخيراً انه حجم صيت الشيخ بس عند حرب وعتيبه وانه معروف عند هذه القبيلتين

فلو قال

ويشهد من رقى العليا وطماعٍ يعاندنا

كانت اوسع وأجمل

ختاماً ارجو ان تقبلها مني كوجهة نظر لا أقل ولا أكثر

اخوك

الحجاج بن يوسف

10-26-2008, 04:41 PM


	المشاركة الأصلية كتبت بواسطة الحجاج بن يوسف


	اخي الفاضل الفارس تسلم ويسلم من قالها قصيده رائع ويستاهل الممدوح الشيخ جزاء لكن ما اود ان أعرفه كمعلومه ماهو معنى ( فليت ) هذا اولاً ثانياً في العجز حق البيت نفسه تشهد حرب وعتيبه وطــمــاعٍ يـعـانـدنـا ارى والراي للشاعر اولا واخيراً انه حجم صيت الشيخ بس عند حرب وعتيبه وانه معروف عند هذه القبيلتين فلو قال ويشهد من رقى العليا وطماعٍ يعاندنا كانت اوسع وأجمل ختاماً ارجو ان تقبلها مني كوجهة نظر لا أقل ولا أكثر اخوك الحجاج بن يوسف

هلابك يالحجاج

لعلك لا تعلم من صالح بن رويجح؟؟؟؟

بالنسبه لما ذكرت سابقا فقد جانبت الصواب تماما

واليك الايضاح :

تشهد حرب وعتيبه وطــمــاعٍ يـعـانـدنـا

الشاعر خص قبيلتي حرب وعتيبه بالاسم وذلك لما كان مع هاتين

القبيلتين من احداث اقتضت تدخل الشيخ جزا فيها

ولم يغفل الشاعر التعميم وذلك بقوله :وطــمــاعٍ يـعـانـدنـا

ولكن يبدو انك لم تنتبه لذلك وإلا لما تسرعت في كلامك يارعاك الله

لك احترامي

10-26-2008, 07:58 PM

صح لسان شاعر هذيل صالح بن رويجح

ولاشك إن الشيخ جزا يستاهل المدح ويحرزه

بارك الله فيك أخي الفارس

10-26-2008, 09:40 PM

جزاء بن صالح

علم كبير من اعلام هذيل

ورجل ذائع الصيت بين القاصي والداني

وابو خالد جزل وما هذه القصيده الا شاهد على هذه الجزاله

والفارس عضو مميز صاحب ذوق رفيع في الاختيار والنشر

مطارفه كلهم ونعم القبيله والله

والف شكر يابن العم

10-26-2008, 10:11 PM

عز الله يستاهل الشيخ جزاء قاضي من قضاة هذيل

وصح لسان بن رويجح دكتور الحداء

وبيض الله وجه الفارس اللي جاب لنا القصيدة لكي نستمتع بالجزالة

ونعم بالمطارفة وجميع قبائل هذيل

10-27-2008, 12:56 AM


	المشاركة الأصلية كتبت بواسطة المحااارب


	اللهم صلي و سلم على سيدنا محمد ونعم يالمطرفي و بن رويجح شاعر كبير و ننتظر كل ما هو له شكرا لإتحافنا بهذه الدرة

اللهم صلي و سلم على سيدنا ونبينا محمد

والنعم فيك اخوي المحارب

شاكر لك مرورك

10-27-2008, 12:59 AM

الله يرحم الشيخ جزاء رحمه واسعه وعز الله انه يستاهل المدح وصح لسان العم صالح بن رويجح راع الأوله ابو خالد وشكرا للمبدع كاتب الموضوع الفارس تقبل مروري

10-27-2008, 01:10 AM


	المشاركة الأصلية كتبت بواسطة بن قاسي الهذلي


	نعم المادح والممدوح صالح بن رويجح شاعر اقترن اسمه يالجزاله دائما الشيخ جزا شيخ من كبار شيوخ هذيل بيض الله وجهك يالفارس على ماتتحفنا به

وجهك ابيض اخوي بن قاسي

شرفني مرورك

10-27-2008, 01:22 AM

السلام عليكم ورحمة الله وبركاته

ونعم بالمادح والممدوح جميعهم أعلام من أعلام هذيل المعروفين.

وشكرا لك أخي الفارس على مانقلت....ينقل الموضــوع لقسـم المنقــولات.

تحية طيبة

تحية طيبة

10-27-2008, 01:31 AM

الأخ الفارس ملحوظه بسيطه بالنسبه لحرف الألف في كلمة وصلو ا فأخر بيت الا يعتبر زائد وشكرا