مقامات

[حسآم]

بسم الله الرحمن الرحيم



السلام عليكم ورحمة الله وبركاته



.................................................. ....................








استرح في خافق ٍ عن بهرجة دنياه شام

ماتغيّره المظاهر والعرب وقروشها

نصح شيخ ٍ طابت أفكاره بعد عشرين عام

بالقلم والصوت والكلمة وحشد جيوشها

وأنت جدرك ماتوثق كيف تفرح بالرخام

كيف خليت الأساس وحيرتك رتوشها

مار خلك في حدود الفكر لاطاب المقام

لين نبني مملكة واحذر تهد عروشها

لو عدن تهرج تقول ارجع بلاش الدرب شام

لاتفوّر دمي ّ وضرب العصا لجحوشها

ماتشوّقنا مقاماتك ومعروف الكلام

ليت بعض بشوت خلق الله تسد كروشها

قلت لاتحزن وتخفي هم وآلام وغرام

والنصايح تشمل الرايق على مربوشها

لوبديت بنفسك وطبّبتها قلنا تمام

قبل لاتضحك دعاية في الصحف لدشوشها

يالنبيل اللي تصب النور فجفون الظلام

ياروافد مآرب ومعناك مثل نقوشها

يالحكيم اللي فرشت الأرض من ريش النعام

يالعيون المخلصات الساهرات رموشها

يانفوس ٍ زادها التهديد قوة واحتدام

ياحسايف كيف هابت موتها ونعوشها

لوتعمّر ألف عام تموت من بين الزحام

والوعايد لالفت بالله كيف تحوشها

وأنت ياللي تجتهد باقي لك بلوغ المرام

خذ مجالك والقضايا دندن بشاكوشها

الله يعوّض فلا تحزن بعد مالطير حام

دام لك نية تطمن مستحيل ينوشها





.................................................. ..........
.................................................. ..........

لا إله إلا الله ومالنصر إلا من عند الله .

الأربعاء 17/9/1429