قصيدة اعتذار

صار الخطاء وشلون ماهو بيدي
لحظة غضب نفقد بها اعز انسان
عزيت نفسي كنت احسبه تحدي
ولادريت انك بطيبتك تحدان
صحيح انا يمكن تعديت حدي
واسرفت بالغلطات وكان الذي كان
وشلون ابنسى من خذا كل ودي
واقفى وخلاني على حد الاحزان
دمعي مكانه بعدكم فوق خدي
شفقان قربك ياهوى البال شفقان
صار الحزن مابين جزر ومدي
مرات اراد واكثر الوقت يقوان
ردي علي ارجوك يابنت ردي
لاتتركيني في متاهات الازمان
اول معي بالشوق واليوم ضدي
بديت بالمكسب وعودت خسران
امدلك قلبي واشيله بيدي
يفداك قلب من سبايبك ينهان
دامك سحابة في سمايا تعدي
لاتبخلي بالماء وانا حيل عطشان