ديوانية الشيخ أبو حمدان الشعبية

[أمير بكلمتي]

والله يالربع عماد يستاهل ويستاهل ويستاهل


حبيب وغالي ومتألق ورائع وكلها متواجدة فيه 000


عموماً بيض الله وجيه الجميع ما قصروا 00

واعذروني والله إنّي انشغلت 000 الله لايشغلنا غير في طاعته


ديوانية الشيخ أبو حمدان في منتهى الروعة وتزداد تألقاً وإبداعاً

 

[ابوهذيل]

السلام عليكم ورحمةالله وبركاته


والله تسلم ياأبوحمدان ،وبارك الله في عمادويستاهل عمادالهدايا،أبشربسعدك ياعماد

 

[ابوفهد الياسي]

حياك الله ياعماد الربع سروا وكفوا ووفوا وماقصروا
والديوانية ديوانيتك يابو معتوق الله يحييك بات الليلة عندنا وخذ فال القهوة مع الصبح وأفطر عندنا وبعدها الله يسهل عليك والله ودنا تبقى معنا على طول
ولكن أملنا إنك رايح تمرنا كل يوم إن شاء الله في الديوانية ولارايح تقطعنا
مرحبا بك واستر ماواجهت وأعذرنا إن كان جاء منا قصور

خلاص يابوحمدان وفيت وكفيت
وبيض الله وجهك
وجزاك الله خير الجزاء
وضيوفك كلهم مدعون في برج المليون رد
خمســـــــــــــــــه نجــــــــــــوم
فياهـلا ويمرحبا بالجميع

 

[حامد السالمي]

اخليها كعابي احسلي من هذي

انا عاااااااااااازي طايرة

زي البية عماد مش عايز موتر سكل بدون مقعده

آفا أخو العياااااال ،

لا بارك الله في راعي الدينا الماخوذ،

ويش ذا كم مطب ركب ،

لا لا يا آفاق النسيم ..

تفضل يا عم وأعذرنا عن القصور

 

[عز الرفيق]

الله حسيب الي دق علي و لا علمني

بهالجمعة المباركة

رجز و حدا و عشا و تكريم و هدايا

أفا يا ابو شموخ

لكن ما عليه

ان شاء الله نعوضها

,
ابو حمدان أعذرنا على تقصيرنا

الحقيقة ان الديوانيه تجذبنا بجمالها و جمال مضمونها

و لابد يكون لنا مشاركات فيها

 

[بنت أبو متعب]

مبرووووك التكريم ياعماد وتستاهل الهديه بس اخاف تزعل وتسوي فيها :no:oster_ban:

بما ان موضة الهدايا كلها اسلحه فتفضل ياطويل العمر واللي عقد روس الحبال يحلها :Swaffff:

صارت خليه ارهابيه ماهي ديوانيه على هالهدايا :hunter:>>>ياليت من يبلغ فيكم وياخذ كم مليون


وهذي هدايا اخرى >>> شكلها فاضيه :harhar1:

 

[عماد الهذلي]

أمير بكلتوووو...تساهل الخير والله،،بس لاهنت الهدية بلاشي حركات،،.


أبو هذيل...تسلم وحضورك لوحده يشرفنا،،،اله لايهينك.


عز الرفيق.... الصراحة يابو هذال ،، مانقص الديوانية ،، غير حضورك وحضورك أبو سعود،، لكن غرك المغمس،،خله ينفعك. هههههههه

 

[عماد الهذلي]

مبرووووك التكريم ياعماد وتستاهل الهديه بس اخاف تزعل وتسوي فيها :no:oster_ban:

بما ان موضة الهدايا كلها اسلحه فتفضل ياطويل العمر واللي عقد روس الحبال يحلها :swaffff:

صارت خليه ارهابيه ماهي ديوانيه على هالهدايا :hunter:>>>ياليت من يبلغ فيكم وياخذ كم مليون


وهذي هدايا اخرى >>> شكلها فاضيه :harhar1:

اقول والله أني قبل يومين أتعين لاأسمك فموضع فالمطلوبين أمنيا،،، هههههههههه،،بعد هجومك على رئيس أتحادنا السعودي الموقر.

والحين جايبه ار بي جي،،،، أرهابية

أنا باخذ الهدايا اللي فالعربية،،، أما اسلحة الدمار الشامل ،، خلي ابو حمدان يبيعهااا،،ويعطيني قروشها ههههههههههه.

شكرا للجميع على الهدايااااااااااااااااااااااااااااااااااااااا


الله يازين الهرج والصــور ههههههههههههههههههه


تصبحون على خير

 

[كنترول العالم]

يابووووووووو حمدان جيتك ومعي علوم كثيره بس والله ان عيوني بالقوه افتحها بنام ولي عوووووووووده انا زين ادليت مكانك رحت ورى عماد وعرفت الديوانيه لي عوده وجهز دلالك ترى ماسولف الا والدله فووووووووق راسي وانا لهرجت والله ماسكت اتكلم الين بكره كلام كثير(قرقر كتير ) لي عوده ياراعي العلوم الغانمه..................تقبل مروري السريع

 

[كنترول العالم]

عز الله الديوانيه الغانمه اللي مابها قصوووووووووووور مثل رااااااااعيها ابوحمدان

وهديتي لعماد....صقررين مافيها حيله

 

[عمر العميري]

السلام عليكم ورحمة الله وبركاته

يامحماس قرب القهوه والقدوع

واخبار عمك ابو حمدان صار عندهم

كرنفال ولا احد يعلمني

يالله ماعندنا مخبريه

ومن هنا نهني الرائع

والرائع دائما عماد بن معتوق العبيدي

وبالتوفيق لكل ابناء هذيل

 

[حامد السالمي]

السلام عليكم ورحمة الله وبركاته
يا مساء الخير على الكل والجميع
محماس : زين القهوة بكمولها الله لا يهينك .
وفين الشباب ماني شايف أحد ..

===

واليوم أواصل معكم عن الشعراء والجن والتراث والمواضيع الطريفة حيالها ..

فمن الطرائف التي تروى في مثل هذا:

«أن رجلاً اسمه عزام بن طائش حضر حفلاً كبيراً يضم عدداً من الشعراء، فأعجب بتلك الليلة وشعرائها، وتمنى أن يكون شاعراً، وبعد حوار مع نفسه عقد العزم على أن يلجأ إلى أحد الشعراء في تلك الليلة، ثم قال له: يا فلان أنا عند الله ثم عندك لابد أن أكون شاعراً، فضحك الشاعر الحقيقي وحاول إقناعه بأن الشعر موهبة يهبها الله من يشاء.. إلاَّ أنه أصر على أن الشعر سقوة تأتي الشخص في أماكن معينة، وما كان من الشاعر إلاَّ أن يلقنه درساً، فأمره بالتوجه إلى مكان معين في جنح الظلام، واشترط عليه ألا يتكلم مهما حصل له، وألا يخاف فإنَّه? سيقابل الجن، وهيأه لهذا، وأوصى اثنين من الذين يرى فيهم عدم الرحمة والثقة من أبناء قبيلته أحدهما يسمى (صاهود) والثاني (دوغان) فطلب من هم أن يضربوا عزام هذا ضرباً مبرحاً دون الموت.. فعندما دخل عليهم عزام بعد العشاء هذا المكان المهجور بدأا بتنفيذ ما طلب منهم، والرجل يردد (أريد على القصيد.. على الردح، .. على طرق الجبل..) حتى غاب عن صوابه، فتركاه ملقى على الأرض وانصرفا.وعندما طلع عليه الصباح وإذا به إصابات بليغة، دماؤه تنزف ولا يستطيع السير إلا بعد أن اصطحب عصا يتوكأ عليها من الأشجار المجاورة، وكان صاحبه مدبر الخطة بانتظاره أمام منزله، واستقبله قائلاً:
يا ولد طايش عسى حصلت في مسراك ثابة
وش لقيت وش رويت وقول لا تخفي عليه
شايفن في يدك شون وشايف براسك عصابة
وأنت يوم أقفيت عني ما معك هذى وذية

فرد عزام بن طائش بقول:
أحمد الله ما رجعت إلا وأنا أعرف كل جابه
جاني اللي كنت أبيه ولا بقي شين عليه
شفت شيء لو كان جا غيري تجرد من ثيابه
مير أنا صبار مهما كان ضرب الجن فيه


============

وهذه قصيده وقصيدة حلم من روائع الشاعر محمد بن تويم الثبيتي رحمه الله وموضوع القصيدة انه رأى في المنام فتاه من الجن لبنانيه الجنسية تحبه وتريده وهو يخاف إذا سمعوا أهله أن لا يلتف شمله وشملها فاخذ يعرضها على ابن معمر ومجموعه من زملائه موظفي البلدية وزملائه الشعراء إلى أن اختارت ابن مهنا الذي كان في لندن
وقد باشر الموضوع بأسلوب فكاهي ساخر
فإليكم القصيدة الرائعة وما دار بينهما من حوار شيق :
ليله وأنا مرتاح فـي أحلـى منامـي
جتني طموح النفـس سـر الغرامـي
وأوصتني أحفـظ سرهـا باحترامي

لا يسمـعـن السـيـدات الأديبات

وتقول أنا جيتـك مـن أرض بعيـده
أسمع بأبـو مطلـق وأحبـه وأريـده
لعلـنـا نحـيـا حـيـاة سـعـيـده

ونعج فـي مستقبـل الوقـت عجـات

قلت اجعلي صدقـك يغطـي مزوحـك
وأنا الطبيب اللـي يـداوي جروحـك
مار أخبريني عـن حياتـك وروحـك

بالله مـن أيـات النحايـا والأمــات

قالـت إيرانيـه ومـن ديـرة إيـران
جابتني الأقـدار مـن ذيـك الاوطـان
قلت الغصـون تميـل والعـود ريـان

ياكثـر كـذب أم العيـون الكحيـلات

قالت عراقيـة ومـن ذيـك الأقطـار
وأدرى على ذا الروح من كـل غـدار
قلـت آه ياريـم الفـلا منـك مكـار

ياكثـر كـذب أم العيـون الكحيـلات

قالـت ترانـي مـن بـلاد الشوامـي
من سوريا قلـت اتركـي ذا الكلامـي
ياأبـو نهـود مثـل تفـاح شـامـي

ياكثـر كـذب أم العيـون الكحيـلات

قالـت ترانـي مـن هذيـك النحيـه
مـن ناحيـة عمـان الأرض الهنيـه
قلت اعتقد ما أنـت صحيـح أردنيـه

ياكثـر كـذب أم العيـون الكحيـلات

قالـت ترانـي مـن قطـر ياثبيتـي
هات القلم واكتب لك أوصـاف بيتـي
قلت أختبرناك وعلى الصـدق أبيتـي

ياكثـر كـذب أم العيـون الكحيـلات

قالت خذالصدق وخذ أقصـى الحقيقـه
امن الكويـت اللـي لبلدكـم شقيقـه
قلـت أثـر ساعتكـم تقـدم دقيـقـه

ياكثـر كـذب أم العيـون الكحيـلات

قالت خـذ علومـي وسجـل خبرهـا
من تونس الخضراء سقى الله ديرهـا
قلـت الثـريـا لا تغـالـط قمـرهـا

يا كثر كـذب أم العيـون الكحيـلات

قالـت نبـي نقنـع مجيـب وسايـل
من ليبيا ياخـي ويـش أنـت قايـل
قلـت السفـاره تبعـث النـا رسايـل

يا كثر كـذب أم العيـون الكحيـلات

قالت نبي نقصـر لـك العلـم قصـرا
اليا بغيت الصدق من شعـب مصـرا
قلت إبني من الكذب عشريـن قصـرا

يا كثر كـذب أم العيـون الكحيـلات

قالت عسى رب الملا يصلـح الشـان
منشي سحاب الغيث من غر الأمـزان
لن سلتني يا خي مـن شعـب لبنـان

يا للي تسـب أم العيـون الكحيـلات

قلـت الحـذر منكـن فـرض وسنـه
يا كم ركبنا الخيل مـن غيـر أعنـه
ياجب علينـا الحـرص مـن كيدكنـه

في وقتنا الحاظر وفـي كـل الأوقـات

امشي على مهلك وانا أمشي بمهلـي
يا حلوة الخدين لـن سمعـوا أهلـي
أخـاف مايلتـف شملـك وشمـلـي

قلتـه وقالـت ليتهـا كـان ماجـات

حبـك شـوا قلبـي وهشـم ظلوعـي
تنـاول المنديـل مـسـح دمـوعـي
قلت أبشري مـولاك ماهـو قطوعـي

وأنـا مـن رجـال تحـل المهمـات

بكـره يبـا يخطبـك أميـر بـدالـي
ناصـر بـن معمـر كريـم السبالـي
قالـت صحيـح انـه عزيـز وغالـي

لكـن مامالـت لـه النفـس ميـلات

قلـت أمطرخيالـك و سيلـك نحـاوي
لا تحسنين الظـن فـي كـل غـاوي
عبـد العزيـز ابـن معمـر غنـاوي

قالت عنه قلبي ضـرب لـه نحيـات

قلـت الله ينسّيـك هـمـك وهـمـي
أبا العـلا مانـع تريـه ابـن عمـي
قالـت كفـو لكـن مـاهـو بيـمـي

يقلـون مانـع مـا يبـا الاجنبيـات

قلت اتركي ثلثيـن الأحـزان والضيـم
رضيت الك فضيلـة القاضـي غنيـم
قالت تراك اتعبتنـي يـا بـن اتويـم

وانشبتنـي فـي خـط كلـه ملفـات

قلت الشريف حسين لـن جـاك ظنـي
راعـي هـروج مثـل هيـل وبـنـي
قالـت مـن يـدق الطبـول ويغنـي

قلب الشريف يميـل نحـو الشريفـات

قلت ان هـداك الله يـا عسـل ذايـب
يقلون يحـي شـاخ ماهـوب خايـب
كنه ولـد وان كـان اريتيـه شايـب

قالت عدلنـا عـن ملاييـن واميـات

قلت ارقصي فوق الغصـن ياحمامـه
لقيـت شفـك مـن رجـال الشهامـه
ياسيـن راعـي فـلـةٍ بالسـلامـه

قالت علومي عـن علومـه بعيـدات

قلـت آه ياظبـي عديـم الوصـايـف
دنياك يا الغالي كما ما أنـت شايـف
طلعه تـورى فيـه وألا أنـت عايـف

قالت ما أسب أهل الشرف والمـروات

قلت الشـرف مافـور والعـز ضافـي
ذكرت لـي شخـص لبوسـه رهافـي
اسمـه جمـال الزمزمـي يالسنافـي

قالت شربنا المـاء مـن الزمزميـات

قلت أشكل علومـك طـوال عراضـي
الغايه، أبا أرضى لك سـراج قاضـي
قالت على صرف النظـر والتغاضـي

نمضي لكـم بأقلامنـا عشـر مـرات

قلـت الحميـدي لا يفوتـك نصيحـه
لن كان أثـر نيتـك معنـا صحيحـه
راع الصحـن فـي حلتـه والذبيحـه

قالت كفـو مـار العـذارى كثيـرات

قلـت العفـو نسيـت واليـوم باكـر
مـن رأينـا نعطيـك محمـود شاكـر
قالت نرد الـك الخبـر صبـح باكـر

والعيـن تشـر والسرايـر خفـيـات

قلـت إحسنـي ظنـك وقلبـك دليلـك
عبـدالله قصيـر يـبـى يستويـلـك
واليا استويتـي لـه يسجـل جميلـك

قالت قلـوب أهـل المحبـه سجـلات

قلت أثـر سوقـك مصـدر للخسـاره
مانـاسـبـوك مـوظـفـيـن الأداره
قالـت شرفنـا مـا يبـاع بسيجـاره

لـو كيدكـم يرجـح بكيـد الزكيـات

قلت أرتضي لك واحـد مـن ازملايـه
ولكـل مشكلـةٍ عـلـى الله نهـايـه
جـارالله السـواط فـيـه الكفـايـه

قالـت وجـع,، لايسمعـن الفتايـات

قلت العصيمي مـن رجـال الشكالـة
أخذيـه قالـت مـا فتنـي جمـالـه
ياخـذ لـه عصيميـة شـف بـالـه

ماعاشـر البـدوان غيـر ابـدويـات

قلـت الجعيـد الظاهـر أنـه شفيـه
ابـن طـرف راع العلـوم النقـيـه
قالـت دخيـلـك لا تـدلـه علـيـه

أقـر عـلاه الفاتـحـة والتحـيـات

قلـت الحلـى ضـد البـلا والمـراره
عندي لك مريسـي سقـى الله ديـاره
قالت عسـى ماعينـي تشـوف داره

الحـارثـي يكفـنـه الحـارثـيـات

قلـت الذويبـي عزوتـه يمدحـونـه
قالـت سمعنـا بـه ونسمـع لحونـه
مـن دون قاصـر فيـه ولا مهـونـه

حلفت مـا نضـوي قرايـب ذويبـات

قلت أرضه وفيهـا هضـاب الغميمـي
اللي رعى فـي عشبهـا كـل ريمـي
قالـت تعلـم لـك غـزال غشيـمـي

عاش بجبـل لبنـان بيـن الجنينـات

قلت أخبر النا صاحب فـي المطافـي
في الروضة اللي دون ريع المصافـي
عبدالله اللـي قلبـه أبيـض وصافـي

قالت عرفنا الفضـة مـن الجنيهـات

قلـت الحقيقـه مابغيـت انتـرافـق
حلفـت يـا بعـد إن حظـك تصافـق
لاعطيك ابن شلاح لـن كـان وافـق

نبى نصل جده بعـد خمـس لحظـات

قالت يابـو سلطـان كـب المطـاري
خله يدور لـه مـن البيـض غـاري
قلـت التـوي بالخاينـه بالشجـاري

وابكي وأنا أضحك راحت علومك أفوات

ليتك مثل ما غابـت الشمـس غبتـي
أتعبتـي ابـن تويـم وأنـت تعبتـي
حلفـت مـا نعطيـك غيـر الجبرتـي

عيشي معه رغم ٍ علـى كـل شمـات

قالـت بليتـونـي بـعـود مقـفـي
مانـي بـلا شفـه ولاهـو بشـفـي
تـراك لـن حطيـت كـفـه بكـفـي

أبا أنتحر وأموت من جيـز الأمـوات

قلـت الله يسهلـك بـسـم سـاعـه
يا كامـل الأوصـاف وش ذا الدلاعـه
توعتنـي وإن كـان مانـي متـاعـه

قالـت نبـا حـل القضيـه بالاثبـات

لا عاد يـا محمـد مـن أجلـي تعنـا
ما أريد يا بـن تويـم غيـر المهنـا
عسانـي أتـريـح مـعـه وأتهـنـا

وأرمي همومي في بحـور الظلمّـات

ثـم أفرحتنـي حينـمـا خبرتـنـي
ومـن الفـرح بعـد إنهـا بشرتنـي
شكرتـهـا مــا كنـهـا عذبتـنـي

وقلـت ياروحـي تناسـي بمـا فـات

يا قايـد الغـزلان أنـا أقـول طيـب
لنـدن عـن الطايـف بعيـد وقريـب
يـا الله تجينـا بالصديـق المغـيـب

يـارب الأرض الطاهـرة والسمـوات

نبـا لنـا يـا نـاس حفلـه كبيـره
جيبوا النا سلـوى و جيبـوا سميـره
ودقوا طبول العرس فـي ذا الجزيـره

مبروك يا بنت مـن أحلـى البنيـات

أبـو فـهـد عـاقـل وتستاهليـنـه
وإن كان فـي ماضيـك مـا تعرفينـه
سبحان مـن صخـرك لـه تعشقينـه

يا أم العيون الثمان البيض أم الشفيات

تمتعـوا واللـيـل خـلـوه ليلـيـن
وشهر العسل يازيـن خلـوه شهريـن
يـا الله لا فرقـت مـا بيـن الأثنيـن

يا اللي جمعت الشمل في سبع ساعات

يا أهـل العقـول الراسيـات الثقالـي
هذي طريقة حلمـي اللـي جـرا لـي
مار اسمحوا لـي ياثقـات الرجالـي

لن كان في بعـض المعانـي مطبـات

تمت وصلى الله علـى كامـل النـور
إعداد مـا مـن حـي يحـج ويـزور
وإعداد مـا خطـن الأقـلام بسطـور

وإعداد من يقرا الصحـف والمجـلات

وللحديث تتمة إن شاء الله،
هيا يا محماس زين البراد بالحبق ،،،،

 

[أبو حمدان]

ياسلاااااام عليك يابو خالد
عزالله إنك كفو وراعي علوم غانمه
بيض الله وجهك على هذا البحث الراقي المتطور النابع
من أصالة التراث وسوالف الأولين وقصائدهم
وماأسست هذه الديوانية إلا لكي تضم مثل هذه الدرر النفيسة
التي تنثرها لنا كل يوم بقلمك المبدع في كل المجالات
لاهنت يابو خالد ولاعدمناك وسلمت لنا ذخراً ياأصيل
سجل إعجابي بشخصك أولاً وبقلمك ثانياً
حفظك الله ياغالي ولازلنا ننتظر إبداعات قلمك وبشوق كبير

 

[فـتى هذيل]

السلام عليكم ورحمة الله وبركاته

مساكم الله بالخير .........تحيه تقدير وإجلال للأديب الفارس حزين الطلعه

مازلنا متابعين حديثك الشيق ...........فزدنا منه


وأحكر البراد لأبو خالد يامحماس

 

[عمر العميري]

السلام عليكم ورحمة الله وبركاته

مسيتم بالخير يالربع

محماس براد نعناع طايفي ابا مخمخ فيما كتبه

الرائع الفارس حزين الطلعه

ويعلم الله ان لي الشرف

بمعرفت شرواه وقراءة ابداعاته الأدبيه

لله درك ياشيخ

( طلب صغيرور الهرجه حقت العيال هذولي كلهم لأشك بنتابعها فالديوانيه

لكن ياحبذا تكون فصفحه خاصه ) وامانة بحثت في مواقع عده عن مواضيع

مشابه فلم اجد فحبذا يكون هناك صفحه مستقله تشمل جميع القصص والقصائد

المشابه لقصص المنقوله من المبدع الفارس حزين الطلعه


ولا شك ان الكثير يوافقني الراي

الفارس حزين الطلعه اشكرك بعنف

 

[كنترول العالم]

\كلام مزبوووووووط هات الدله يامحماااااااس

كمل يابو خالد .............

 

[بن قاسي الهذلي]

لاهنت والله يابو خالد


استمتعت بما قرأته هنا


اتمنى ان تواصل التحليق بنا في عالم الابداع


ولي طلب بسيط:

انا سمعت بقصة الجبرتي مع الذيب لكن لا اعرف تفاصيلها

فاذا كنت تعرفها فلا تتاخر علينا بها يابو خالد ,كرما لا امرا

 

[هذلي والفخر لي]

مساء الخير للجميع

والمعذره يالربع خروجنا الاجباري ليلة البارحه

نظرا لانتهاء الاشتراك

لكن الليله ابشركم توني مفلل تانكي الجوال

بخمسه قيقا يعني يبطي عظم ما غلق

المهم اني راجعت علومكم البارح كلها واستمتعت بها حقا

ولكن لفت نظري رد ابو حمدان هذا

77

أبشر أبشر بس ماقلت لي فيه مكان حول بيت الوالد تهبط فيه طائرة أبو بسام ؟؟؟
هههههههههههههه

واحب اقول له ان الطائره اللي البارح مالها مطار خخخخخخخخخخ

 

[هذلي والفخر لي]

ابن قاسي مسيت بالنور يارفيقي

اقول ما عندك اجازه؟؟؟

 

[بن قاسي الهذلي]

ابن قاسي مسيت بالنور يارفيقي

اقول ما عندك اجازه؟؟؟

مسيت بالنور يابوبسام


والله حسب المدير ,يعني اذا عطاني الثلاثاء والاربعاء تليتها

الغربيه ان شاء الله ,اما...............الله المستعان نتلها الشمال الشرقي