حداية موجهة الى عقيلي من هذيل

[شباب]

سلام تسليمة على الهذلان واخص العقيلي
شاعر مع الشعار ينظم مايغر من الدليلي
رسالته جتنا ولكن لاكثير ولاقليلي
حنا ليامنا بدعنا مانبى نقد الغريب

ربعي هذيل اهل الفعايل تروي السيف الصقيلي
عدونا يبكي ودمعاته على خده تسيلي
يشهد لنا التاريخ قوم الفعل واصحاب الجميلي
نثني العدا ثني العصا لامن بدا فعل الحريب



وسلامتكم

 

[خالد الياسي]

صح لسانك يا شباب وبيض الله وجهك

وننتظر الأخ العقيلي..

 

[شباب]

خالد الياسي صح بدنك ومتابعتك تشريف بلا شك

 

[حماس]

سلام تسليمة على الهذلان واخص العقيلي
شاعر مع الشعار ينظم مايغر من الدليلي
رسالته جتنا ولكن لاكثير ولاقليلي
حنا ليامنا بدعنا مانبى نقد الغريب

ربعي هذيل اهل الفعايل تروي السيف الصقيلي
عدونا يبكي ودمعاته على خده تسيلي
يشهد لنا التاريخ قوم الفعل واصحاب الجميلي
نثني العدا ثني العصا لامن بدا فعل الحريب



وسلامتكم

سالم وغانم وصح لسانك يا شباب

 

[شباب]

صح بدنك ياحماس ومرورك نور المتصفح بارك الله فيك

 

[عمر العميري]

صح لسانك ياشباب

حدايه رااااااااااائعه

ثمن يا وصل الله وينك يابعدي

تحياتي

 

[عقيلي من هذيل]

السلام عليكم ورحمة الله وبركاته



حياك اخي شباب وحي ماجبت


اليك الرد


يامرحبا في مرحبا عداد همال المخيلي

باللي كتب واللي قرا واللي يجي عابر سبيلي
رسالتي جتكم بعد شفت الحمل قرب يميلي

والنقد مايزعل عريب الساس وافهم يالبيب


ربعي صليم اهل الفخر ربعي مزبنت الدخيلي

واليا حداك الوقت تلقى في طرفنا لك مقيلي
وانته وحنا من هذيل اعرف عميلك ياعميلي

ماني غريبٍ عنك دامك من هذيل انا قريب


وسلامتكم​

 

[شباب]

دام البقا عداد ماخيّل وسيّل كل سيلي
والله ونعم بربعنا الصلمان والمولى وكيلي
واصحك تردد جابة المرحوم وافهم ياقبيلي
هذا كلام الشاعر اللي قالها وزعة وطيب

ربعي رجال ً في المواقف يفعلون المستحيلي
تسقي العدو سم الفعل وتداوي القلب العليلي
وانت ليا مني ذبحتك منت شافي لي غليلي
ماغير ابكسب ذنبكم والله على قولي رقيب

 

[شباب]

بن عادي حياك الله يالذيب ومتابعتك شرف

 

[عقيلي من هذيل]

لاواوجودي وجد عودٍ طاعن وعمره ثقيلي
بيغى الغنايم فـ الولد والورع كت مع المسيلي
ضيع نصايح شايبه للموت يالقلب الهبيلي
غره زمانه والجهل وابليس والوقت العجيب


قال المثل خض الصميل يبين لك زبد الصميلي
وان جيت اخضك ياولد ماضن انا بلقى حصيلي
لاكن ريح وارجهن لاتقعد تحط وتشيلي
واقصر فـمشيك لاتعثر ثم تحول في القليب​

 

[شباب]

العود لاربى عياله لاتخاف ولاتحيلي
واحذر من الدنيا ولاتصحب ردي ولاخبيلي
واحسن لك تجنب عن العالم ولاتلقى خليلي
هذا الزمن مقلوب غير الذيب تلقى قلب ذيب


وانت اش حصيلك واقف ٍ مابين عدل وبين ميلي
تغرق فبحري ياولد في كل صبح وكل ليلي
منت على نهر الفرات ولاعلى ضفات نيلي
فخيام من بين الصنادق لاقريب ولاحبيب

 

[عماد الهذلي]

ياسلام ياسلام

صح لسانك ياشباب وصح لشان عقيلي من هذيل


واصلوا متابعين


تحية طيبة

 

[شباب]

عماد الهذلي حياك الله يالذيب ومتابعتك تاج على راسي

 

[عمر العميري]

بصراااااااااااحه ابدااااااااااااع الله يعطيكم العافيه

وصحت الالسن

تحياتي

 

[حامد السالمي]

ما شاء الله عليكم صحت الألسن

وصارت دارة حدا هههههه

تحياتي وتقديري ،،،

 

[سلطان السويهري]

متابعين النقض والفتل

حدايا روعه والله يقويكم والعقيلي رجح كفة الميزان

 

[شباب]

بن عادي مرورك الثاني تشريف اضافي

حامد السالمي حياك الله يالامير شرفت ولاكلفت

سلطان السويهري حياك يالذيب والعقيلي شاعر كفو

 

[عقيلي من هذيل]

والله يابن عمي ياشباب طولتها وهي قصيره ماعاد هي حدايه لاكن استلم

هيض عليه علم جاني مادواه الا الفتيلي
من واحدٍ نبرش له دروب الوفا وامسى يعيلي
يامحذر العقال من شرواك انا بالي طويلي
لو دار بك وقتك تراني فالزمن راسي صليب

لاواحليلك يامعشر لو تعدل كل قيلي
ماتدري ان محيطها يشرب بحرها لو مهيلي
مد البصر لبعيد ياراع الهروج انا هذيلي
وبيوتنا يذري ذراها ومجلسي عامر خصيب​

 

[شباب]

العقيلي تلومني على التطويل لازم عشان ناخذ علومك كلها
صح لسانك والمقصد احياء التراث الهذلي مثل الحداية الرائعة بالحانها المعروفة
على العموم بيض الله وجهك وعلى الخير نلتقي

 

[عقيلي من هذيل]

وجهك ابيض ياشباب وكفيت ووفيت

وصح لسانك وتشرفت بمعرفتك يابن العم

دمت في حفظ الرحمن​