اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"

[مشعل الهذلي]

السلام عليكم ورحمة الله وبركاته.

ونعم اقولها مليون بس اصبر وشد الحيل
وحنا كم رجل فالمواقف نعمي عيونه ..
لكن الخيل به خيل لحرب وخيل حط وشيل
ولو يعجبك سرج فوقها ماهي بمضمونه ..

السالفة قصيد اخوي العقيد ولا هنت يالغالي أخ وعزيز.

 

[مشهور الطلحي]

بيض الله وجهك يمشعل بيوت رد من الطراز المسعودي
بارك الله فيك

 

[العقيد]

ما يحتاج يا اخوي مشعل الهذلي الدعوى مزووح وعلوووم تروح
وترى صاحبك صدره شمالي
وانت ايضا اخ عزيز وغالي يابن هذيل
وانا ما قلت غير ان الدعوى قصيد واستلم

على السنة بلا منــَــه وهذا ناتج التحصيل
هذيل اطيب هل الاقوال في قولٍ يقولونه

تقوله وانت وضعك عند ربعك وضعك التحميل
بعد حملتكم يا هذيل حملٍ ما تشيلونه

 

[هذلي والفخر لي]

الله الله المحاوره شاده



متابعين لكم

 

[مشعل الهذلي]

السلام عليكم ورحمة الله وبركاته.

أنا احمل صحيح وجيت باحملك حمل ثقيل
وترجع لاصلها لو صاحبي غير من الحونه
وانا بنصحك لا تمسي ولا تصبح بدرب السيل
يبا ياخذ مراحك ويحفر عن كل مدفونه

أخوي مشهور الله يعطيك الصحة على المتابعة ماعليك زود.
أخوي هذلي نحاول نتعلم ....القصيد مايجي الا مباشرة اخوي هذلي أنا ماتكلم عن نفسي لاني مجرد محاول على قدي بس اقصد كل من يبدع تحددون له ليلة ..مع خصمه.
العقيد صحيت يالذيب.

 

[العقيد]

خلوووووووها

تحمَل ميم مشدودة وفتحتها كما الاكليل
وشفنا للفصاحة حبل هذلانك يشدونه

علامك تسبق المفتين بالتحريم والتحليل
نصايح فاجرين الدين يالهذلان ملعونه


العقيد صاحي ما رقد يامشعل

 

[مشعل الهذلي]

السلام عليكم ورحمة الله وبركاته.

انا ادري قلبك اطيب من نسيم هب تالي ليل
وربعي لاتقدم رجل مثلي مايوصونه ...
تعال وعل من عد قراح وخل قال وقيل
وربعي لا لقوا مثلك عمى لازم يقدونه..

أنا اشهد يالعقيد ...

 

[هذلي والفخر لي]

وربعي لا لقوا مثلك عمى لازم يقدونه..

كفو يا مشعل

انا اشهد انك كفو

 

[قناص الساحل]

[glint][align=center]وربعي لاتقدم رجل مثلي مايوصونه ... [/align][/glint]




[align=center]كفو والف كفو يامشعل بيض الله وجهك[/align]

 

[العقيد]

خلوووووووووووووووووووها

استلم يا مشعل هذيل

عسى الله يغفر اذنوبك بعد مازدت فيك الكيل
ترى يدّيك فيها والخرابه منك مصيونه
عزمت الصادر الوراد وعدودك تبى تقبيل
ومفتاحي ليا جبته فتح بـــابٍ تصكونه

 

[مشعل الهذلي]

السلام عليكم ورحمة الله وبركاته.

عسى الله يستر احوالك وتحيا تحت ظل ظليل
واشوف صويحبي من زود همه باح مكنونه
فبطنك سم ماتلقى دواه ولو بنهر النيل ...
وبيبان الذهب ماهي على طبعك ومصيونه .

أنا اشهد إنك كفو اخوي العقيد..
أخوي هذلي الله يكرمك ويبيض وجهك ماعليك زود..
أخوي العزيز قناص الساحل ماعليك زود الله يكرمك.

 

[مشهور الطلحي]

وبيبان الذهب ماهي على طبعك ومصيونه


انشهد انك جبتها

 

[العقيد]

مــــــــــــــــــــــــــــــــــع الله

دعاويكم عليكم تنطبق بالمثل والتمثيل
وابضرب بك مثل والبحر لا يمكن تقيسونه
ترى النية سليمه جيت خاطب يا هذيل الهيل
بشرع الله بناخيكم يقوَيكم وتقوونـــــه

الكفو ماله الا الكفو يا مشعل
وماعليك زود

 

[سلطان الندوي]

صح لسانك يالعقيد ولاهنت يامشعل

وسجل اعجابي بهذا البيت

ترى بعض السوالف تقبل التحريف والتاويل
ومن يارد بحر يشتال منه بقدر ماعونه

 

[مشعل الهذلي]

السلام عليكم ورحمة الله وبركاته.

ترى ماكل من يسرد قصيدة شاعر حلحيل
وبحر يغاص فيه وبحر لا يمكن تغوصونه
ومن لايعرف اسلوم العرب ماهو حصان اصيل
ومن لا ربته دنياه يلقى ناس يربونه ...

تسلم اخوي الكريم مشهور راعي وقفة وتسلم.
أستاذنا سلطان ولو شطر عجبك شي طيب.
العقيد يعطيك الصحة..

 

[العقيد]

خلوووووووووووووووها
حوالينك سمعت العزف بالمزمار والتطبيل
ولا باقي سوى رقصك ودق الطبل ينهونه
واكرر خطبتي وادمح خطاكم واطلب التعليل
ومبنى امعربين الساس لا يمكن تهدونه

 

[مشعل الهذلي]

السلام عليكم ورحمة الله وبركاته.

أنا اول مالمحتك زول لكنك طلعت زويل
تعودتوا على الرقص وطلعتوا مثل مادونه
تلطم وامش في حالك لاتاصل مكتب الترحيل
وساعتها بنستر علم قبل الناس يطرونه..

عشت يالعقيد..

 

[هذلي والفخر لي]

ههههههههه

السالفه وصلت الترحيل

الله يستر

صح لسانك يامشعل

 

[نجــ هذلي ــد]

أنا اول مالمحتك زول لكنك طلعت زويل
تعودتوا على الرقص وطلعتوا مثل مادونه
تلطم وامش في حالك لاتاصل مكتب الترحيل
وساعتها بنستر علم قبل الناس يطرونه..

الأخ مشعل أنا متابع لك من البداية ولم أعلق , ولكني معجب بردودك منذ البداية ولايهون الأخ العقيد بس بعد هالأبيات قلت لازم أعلق وأقول صح لسانك (وأثرك ماتنتحارش)

ماشاء الله عليك هذا وأنت تقول أنك تحاول وعليمي !!؟؟

مشعل أنت تملك موهبة وموهبة قوية في المحاورة أتمنى منك تنميتها ,وإذا كانت هذه بداياتك كماذكرت فأنت قد بدأت من نقطة سبقت فيها الكثير ممن يمارسون هذا الفن منذ فترة طويلة وبلاشك أنك سوف تبدع لأن مواريك مواري شاعر فحل.

أخوي العقيد صح لسانك وبيض الله وجهك .

 

[مشعل الهذلي]

السلام عليكم ورحمة الله وبركاته.
أخي الغالي هذلي والفخر لنا بك...منك نتعلم وبيض الله وجهك.
أستاذي العزيز والأخ الغالي هذلي نجد يكفيني شرفا متباعتك لي أنت وأمثالك من أهل العرف والشعر وفعلا كل كلمة قلتها أعنيها لست مهتما بشعر الرد وكان ردي على ألأخ الغالي العقيد من باب الترحيب ويعلم الله لي محاولات مع الأصدقاء فقط ولا أفكر ابدا في شعر الرد ..

لكل من مر وعلق أو أُعجب بأبيات أخي العقيد او ابياتي الود والتقدير..


تحياتي..