العقيد :
سلام الله سلام(ن) تسمعونه يا رجال هذيللونه يا عرب مكتوب فالشاشة تشوفونـه
يجي منهو يجي يا جيل نعرفكم بذاك الجيلبشرط الثقل ياهل العقل والافكار مفتونـه
مشعل الهذلي :
هلا يامرحبا وابشر بعلم الطيب والتكميلوصلت وجا سلام كل بولهذلان يوحونه
تعودنا على سلم الجدود ومابها تبديلنبى صرف الذهب وان كان غيره لا تعدونه
العقيد :
عسى فيك البقا واللي رقى الممسوس بالترتيليبى ياصل وكل الجن مكشوفات بعيونه
تعودنا على الدين القويم نقيم كل الميلواقر الدين سلم اجدودنا وحدودنا دونه
مشعل الهذلي :
ترى بعض السوالف تقبل التحريف والتاويلومن يارد بحر يشتال منه بقدر ماعونه
أخاف أن العقيد إن مال ميزان الزمان ايميلوحنا دون دين الله وعز الدين واركونه
العقيد :
كلامي جاك بالبرهان والقرآن بالانجيلذكر منهو توحاه وبداه وسنن سنونه
انا مثل الجبل مازحزحه صفق الهوى بالحيللونه يقتوي زادت لنا قوات مجنونه
مشعل الهذلي :
علومك غانمة جتنا على الهقوة وبالتفصيلوصاحبك إهذلي والي سواتك وش يسمونه
وقول ونعم لكن يالسنافي شفت نجم سهيلتبا تبطي عظم ماتاصله وتطيح من دونه
العقيد :
علومي يالهجومي مجد ابو مع جد وقت الخيلوربعي لا عتزوا عبـــاد بالميقاف يحمونه
انا ماسب خنذف مير الاجرب بطرده يا شعيلواعزله عن فحول الذود قدم الناس يطلونه
مشعل الهذلي :
ونعم اقولها مليون بس اصبر وشد الحيلوحنا كم رجل فالمواقف نعمي عيونه
لكن الخيل به خيل لحرب وخيل حط وشيلولو يعجبك سرج فوقها ماهي بمضمونه
العقيد :
على السنة بلا منــَــه وهذا ناتج التحصيلهذيل اطيب هل الاقوال في قولٍ يقولونه
تقوله وانت وضعك عند ربعك وضعك التحميلبعد حملتكم يا هذيل حملٍ ما تشيلونه
مشعل الهذلي :
أنا احمل صحيح وجيت باحملك حمل ثقيلوترجع لاصلها لو صاحبي غير من الحونه
وانا بنصحك لا تمسي ولا تصبح بدرب السيليبا ياخذ مراحك ويحفر عن كل مدفونه
العقيد :
تحمَل ميم مشدودة وفتحتها كما الاكليلوشفنا للفصاحة حبل هذلانك يشدونه
علامك تسبق المفتين بالتحريم والتحليلنصايح فاجرين الدين يالهذلان ملعونه
مشعل الهذلي :
انا ادري قلبك اطيب من نسيم هب تالي ليلوربعي لاتقدم رجل مثلي مايوصونه
تعال وعل من عد قراح وخل قال وقيلوربعي لا لقوا مثلك عمى لازم يقدونه
العقيد :
عسى الله يغفر اذنوبك بعد مازدت فيك الكيلترى يدّيك فيها والخرابه منك مصيونه
عزمت الصادر الوراد وعدودك تبى تقبيلومفتاحي ليا جبته فتح بـــابٍ تصكونه
مشعل الهذلي :
عسى الله يستر احوالك وتحيا تحت ظل ظليلواشوف صويحبي من زود همه باح مكنونه
فبطنك سم ماتلقى دواه ولو بنهر النيلوبيبان الذهب ماهي على طبعك ومصيونه
العقيد :
دعاويكم عليكم تنطبق بالمثل والتمثيلوابضرب بك مثل والبحر لا يمكن تقيسونه
ترى النية سليمه جيت خاطب يا هذيل الهيلبشرع الله بناخيكم يقوَيكم وتقوونـــــه
مشعل الهذلي :
ترى ماكل من يسرد قصيدة شاعر حلحيلوبحر يغاص فيه وبحر لا يمكن تغوصونه
ومن لايعرف اسلوم العرب ماهو حصان اصيلومن لا ربته دنياه يلقى ناس يربونه
العقيد :
حوالينك سمعت العزف بالمزمار والتطبيلولا باقي سوى رقصك ودق الطبل ينهونه
واكرر خطبتي وادمح خطاكم واطلب التعليلومبنى امعربين الساس لا يمكن تهدونه
مشعل الهذلي :
أنا اول مالمحتك زول لكنك طلعت زويلتعودتوا على الرقص وطلعتوا مثل مادونه
تلطم وامش في حالك لاتاصل مكتب الترحيلوساعتها بنستر علم قبل الناس يطرونه
صح لسانك أخوي العقيد
والله يحيك في منتديات هذيل ولو أنها جات متأخره
وصح لسانك أخوي مشعل الهذلي
كيفت ووفيت وبيض الله وجهك
وسامحوني جيت متأخر
وفاتني الشي الكثير
