مقامات

[حسآم]

سنة مرت وأنا لازلت وحداني ووحداني

ووحداني عن الوحدة تخيل كيف تقضيها

سنة والوضع ثابت ماتغير حيل وأشقاني

يدور الوقت والأيام تقفاها لياليها

سنة يعني سنة ماهي قليلة والعمر فاني

وأشوف الناس تسعى للفرح والموت طاويها

تدور للسعادة والسعادة كنز رباني

مفاتيحه تراها في الصلاه اللي تصليها

وأنا ماني ملَك ولا نبي الله سليماني

ولا لي بالبشر والرب خالقها وباريها

يحاسب كل مخطي والعمل يوزن بميزاني

ولو كانت كما الذرة أكيد أنك تلاقيها

فيوم يشيب الولدان منه الظالم يعاني

كلاليب الجحيم ونار من يقدر يصاليها

لهم ظلة وقيظ الشمس فوق جباههم داني

ولامنجا ولاملجا وكل ٍ خالد ٍ فيها

تجوع وشجرة الزقوم زاد لكل خواني

وكاس ٍ من حميم من العطش ماهو بمغنيها

وباقي بعدها باقي عذاب أصناف وألواني

ولو عددتها ماتنحصر ماني بمحصيها

هناك أهل الظليمة تندحر ويعاقب الجاني

هناك العدل من رب البشر عالم خوافيها

وأنا وكلت ربي ينتقم من كل شيطاني

على التزييف والبهتان ياربي تجازيها

ونعم بخالقي وحده مصور وجه الإنساني

وغيره كذبة ٍ فإبريل والمولى حكم فيها