ذكريات وسوالف شايب

	والآن أترككم مع جزء بسيط من شريط الذاكرة : (( طبعاً كما ذكرت لكم في القصة السابقة من الشد والرحيل الذي لازمنا طيلة حياتنا وعندما وصل عمري (9) سنوات قرر والدي أن يدخلني المدرسة قال هذا الولد لاهو نافع في رعية الحلال وحتى البهم إذا رعاه ضيعه علينا وقال خلينا ندخله المدرسة ربما ينفع فيها . كان عمي عامر الدعدي ( والد فتى هذيل ) رحمه الله يسكن في مكة طبعاً هو عمي ولكن ليس أخو والدي بل ابن خاله ولكنه متزوج بعمتي أخت والدي واعتبره عمي وكان نعم العم والمعين عليه رحمة الله ولو ظليت أعدد مآثره لأمتلأت صفحات الإنترنت قبل أن توفيه حقه كان يسكن مع جماعة لنا في حي من أحياء العزيزية ( حوض البقر ) وكانوا قد تركوا الديرة وفضلوا أن يستوطنون في البلد وبنوا صنادق وغرف شعبية واشتغلوا بأعمال حرة في البلد والبعض منهم تعسكر . المهم قرر والدي أن يتركني عند العم عامر وأسكن معه لكي أتمكن من الذهاب للمدرسة لأن والدي مشغول بحلاله وشده وترحاله وفعلاً وصلت لحوض البقر وأنا في نهاية السنة التاسعة من عمري والله لايوريكم شكلي كأني طالع من قبر أشعث أغبر وحالتي حاله . قبل بداية المدرسة أخذني العم عامر لكي ينهي إجراءات تسجيلي بالمدرسة وأخذني لأستديو التصوير لعمل صور شمسية لي وكان ذلك في بداية عام (1398 هـ ) حيث كانت أول سنه دراسية لي في ذلك العام وكان عمري حينها ( 10 ) سنوات وكانت المدارس النائية ماهي معقدة يقبلون أي عمر للإلتحاق بالدراسة. المهم تجهزت لهذه المهمة الصعبة ولبست لي ثوب لونه أسود ( أبو قيطان ) مكشوف الرأس دخنا الأستديو وجدنا في الأستديو غترة بيضاء وعقال لو البسه الآن ينزل على رقبيتي ولكن من كثافة ( الكدش ) اللي على راسي تماسك العقال ((طبعاً الكدش طبيعي يذكرني بوبرة البعير يوم تطيح من سنامه وتدربيها الهبوب على القشعان وشوف عاد كيف يصير شكلها)) هههههههههههههههه المهم يوم شخصني العم عامر وجلست على كرسي التصوير وأنا والله العظيم مدري وش اللي بيسوونه وش اللي يبي يصير مدري . المهم قال لي الهندي المصور ( رفيق شوف هنا كاميرا ) وأانا أطالع في الكاميره وهو يشغل الفلاش ويوم لمع الفلاش في وجهي وأنا أقحص قحصة طاح منها العقال ويموت علي ضحك العم عامر والهندي وكأنه يسأل عمي وش فيه ولد ؟؟ قال له هذا بدوي مايعرف التصوير ونرجع نحاول مرة ثانية وكل مالمع الفلاش غمضت عيوني وخربت الصورة وفي المرة الرابعة نجحت والحمدلله وطلعت الصورة ياحليلها ودي أوريكم إياها لكن ماعندي ماسح ضوئي لرفعها على الجهاز >>> تصريفه على فكره هذي الصورة أخبرها عند فتى هذيل إلى وقت قريب ومعها عدة صور أخرى بعدها تحكي مراحل حياتي خلال الدراسة هذه من إحدى المواقف التي مرت علي ولازالت عالقه بذاكرتي الموقف القادم ساخبركم بموقف مضحك حدث معي أول يوم دراسة أنتظروني وستتوالى الذكريات الواحده تلو الأخرى

الله يا ابو حمـــــــــــدان البدايات الاولى للمدرسة لا تنسى ابداً


http://www.youtube.com/watch?v=gUXBT...eature=related

ابو حمدان فاكر برنامج الارض الطيبه ؟

احرث وازرع ارض بلادك بكره تجني الخير لاولادك جاهد وازرع واغرس فيها زرعك يثمر خذ واعطيها

كانت قمة ابو الاكتئاب الى الان وانا افكر ارفع دعوه على الاذاعة السعودية << تعتقد يعوضوني كان الوالد يشغلها وهو مودينا المدرسة :Swaffff:

متابع يا ابا حمادن ,, وياعيني على الكدش ههههههههههههه بس على قولك كدش رباني .. كان موضة السبعينات