( صياف مثل الشمس بين الفيتين ) المسعودي وصياف

بسم الله الرحمن الرحيم

السلام عليكم ورحمة الله وبركاته



هذه محاوره بين عبدالله المسعودي وصياف الحربي رحمهما الله

وشريطها موجود لدي لكن لا تكاد تسمع شيئا

فنقلتها لكم من ديوانه رحمه الله


[poem=font="Arial,5,#00008b,bold,normal" bkcolor="" bkimage="" border="none,1," type=2 line=0 align=center use=ex num="0,"]
المسعودي

يا مرحبا بالحاضرين الطيبين = و اكثر من الترحيب قيلة مرحبا
من مدلي يمناه أمد اله اليمين = من يوم اشوف الواحد اعرف وش يبــــا

صياف
الك البقا يا صاحب القلب الذهين = واللي مزين مذهبك حلو النبــــا
مد اليمين وعندنا مد ثمين = ان كان تعرف وش يجيك مع الغبا

المسعودي
يا مكرم الخطار دور للسمين = وان هبت الآزيب تهب له الصبا
لن ثقلت الحمله على الجنب المتين = اللي مثنى لأونس المطرق حبـــــا

صياف
ان كان عندك للكرم عقل رزين = تنظف عروق القلب من دم الوبا
ماني طبيب احط للعميان عين = من لا ربا نفسه بنفسه ما ربا

المسعودي
ان كان جالست الكرم طول السنين =ان الجليس من الجليس مقربا
شفت المطر يمطر وثمر العود وين = طار الجراد وحل بالعود الدبا

صياف
اتبع طواريق الرجال الأولين = قدام ناب الذيب يعلق فالظبا
ان كان ذاك العود قاسي ما يلين = اما اشتهر سبع الخلا والا هبا

المسعودي
قلبي يعورني ولا ادنا الكالمين = الا يكود انه عليها يغصبا
ليه ضروس تطحن الحبه طحين = وافتح فمي جيعان وآكل و اشربا

صياف
اليا مرضت ادبل علاجك مرتين = والجسم لا يبست عروقه يتبعا
اليا كليت الحب لا تنسى العجين = محد يعارض للبعير الأجربا

المسعودي
ما زاع قلب الذيب صوت ابا الحصين = هذي الحصباني من صياحه تطربا
اثر سعيد في عيون امه زيون = من يوم صغره لين راسه شيبا

صياف
اليا غفلت ادخل بيوت الغافلين = ترى الكلام اللي سمعت مصعبا
--------------------------------- = -------------------------------

المسعودي
ما تاكل السكين غير ام القرين = واللي بدون ديوس ما فيها لبا
يا ثلب ياللي لا هدير ولا حنين = تقبل وتقفي والحمول مصلبا

صياف
لعلها صيده لقوم ساحرين = اهيه شبت و الا ولدها اللي شبا
ما هو بنا اللي يعترض للغاشمين = من يوم شفت العلم عني جنبا

المسعودي
شبيت نار الكيف فوق الدلتين = واسقيتك الفنجال من كفي جبا
صياف مثل الشمس بين الفيتين = مدري ولد منسوب و الا من سبا

صياف
ارفع دلالك للرجال الغايبين = مالي بها عازه ومنها ما أقربا
مثل البحر يا صاحبي ترطن رطين = وانا سلاحي بالزهاب مزهبا[/poem]


وسلامتكم